- Юре билмеген ит, къонакъ келтирир.
- Таукел къуру къалмаз.
- Аман адам этегингден тутса, кес да къач.
- Намысы болмагъанны, сыйы болмаз.
- Тойгъанлыкъ къойгъа джарашады.
- Тойгъа алгъа да барма, тойда артха да къалма.
- Арбаз сайлама да, хоншу сайла.
- Тыш элде солтан болгъандан эсе, кесинги элде олтан болгъан игиди!
- Элге къуллукъ этмеген, элге ие болмаз.
- Азыкълы ат арымаз, къатыны аман джарымаз.
- Кёл ашады да, кеси ашады.
- Байлыкъ тауусулур, билим тауусулмаз.
- Насыб бютеу халкъны юлюшюдю.
- Эркишини аманы тиширыуну джылатыр.
- Булут кёкге джарашыу, уят бетге джарашыу.
- Кесине гебен этелмеген, биреуге черен эте эди.
- Абынмазлыкъ аякъ джокъ, джангылмазлыкъ джаякъ джокъ.
- Чакъырылмагъан къонакъ къачан кетерин сормаз.
- Чабакъ башындан чирийди.
- Рысхы – насыбха къор.
- Арбаз къынгырды да, ийнек сауалмайма.
- Байлыкъдан саулукъ ашхыды.
- Тин – байлыгъынг, терен саулугъунг.
- Къызгъанчдан ычхыныр, мухардан ычхынмаз.
- Тюзню ётмеги тюзде къалса да, тас болмаз.
- Арба аугъандан сора, джол кёргюзтюучю кёб болур.
- Эрни эр этерик да, къара джер этерик да, тиширыуду.
- Этни бети бла шорпасы.
- Таукел тауну аудурур.
- Дуния мал дунияда къалады.
- Байдан умут эте, джарлыдан ёгюз багъасы къорады.
- Айтылгъан сёз ызына къайтмаз.
- Ата – баланы уясы.
- Джангызны оту джарыкъ джанмаз!
- Юреннген ауруу къалмаз.
- Айтхан сёзюне табылгъан.
- Орну джокъну – сыйы джокъ.
- Кюн – узун, ёмюр – къысха.
- Алма терегинден кери кетмез.
- Башда акъыл болмаса, эки аякъгъа кюч джетер.
- Ач бёрюге мекям джокъ.
- Джаралыны джастыгъында сау ёлюр.
- Окъдан джара эртде-кеч болса да бителир, сёз джара, ёмюрге къалыр.
- Тил – миллетни джаны.
- Суу ичген шауданынга тюкюрме.
- Кесинге джетмегенни, кёб сёлешме.
- Ёлген аслан – сау чычхан.
- Ишленмеклик адамлыкъды.
- Аманнга алтын чыдамаз.
- Билмегенинги, билгеннге сор.
Профиль
|
|
|
|||