- Уясында не кёрсе, учханында аны этер.
- Сабийликде юретмесенг, уллу болса – тюзелмез.
- Окъдан джара эртде-кеч болса да бителир, сёз джара, ёмюрге къалыр.
- Ёгюзню мюйюзюнден тутадыла, адамны сёзюнден тутадыла.
- Телини эшигин, махтау джабар.
- Байдан умут эте, джарлыдан ёгюз багъасы къорады.
- Алим болгъандан эсе, адам болгъан къыйынды.
- Кёбге таш атма.
- Къарын къуру болса, джюрек уру болур.
- Ана кёлю – балада, бала кёлю – талада.
- Башда акъыл болмаса, эки аякъгъа кюч джетер.
- Ач, тоймам, дейди, тойгъан, ач болмам, дейди.
- Бал – татлы, балдан да бала – татлы.
- Къайгъыны сюйген, къайгъы табар.
- Къонагъынгы артмагъын алма да, алгъышын ал.
- Билим къая тешер.
- Джолунга кёре – джюрюшюнг, джагъанга кёре – юлюшюнг.
- Тойгъан джерге джети къайт.
- Ойнай билмеген, оюн бузар.
- Бир абыннган – минг сюрюнюр.
- Баланы адам этген анады.
- Тюзлюк тас болмайды.
- Хоншуну тауугъу къаз кёрюнюр, келини къыз кёрюнюр.
- Билим ат болуб да чабар, къуш болуб да учар.
- Билим насыб берир, билим джолну керир.
- Гугурук къычырмаса да, тангны атары къалмаз.
- Сибиртки да сыйлы болду, кюрек да кюнлю болду.
- Адеб базарда сатылмаз.
- Aдам боллукъ, сыфатындан белгили.
- Эли джокъну – кёлю джокъ.
- Аууздан келген, къолдан келсе, ким да патчах болур эди.
- Билим – акъылны чырагъы.
- Тамырсыз терекге таянма – джыгъылырса.
- Ётюрюк хапар аякъ тюбю бла джюрюйдю.
- Чакъырылмагъан къонакъ тёрге атламаз.
- Келинин тута билмеген, къул этер, къызын тута билмеген, тул этер.
- Суу кетер, таш къалыр.
- Айырылмаз джууугъунга, унутмаз сёзню айтма.
- Чомарт къонакъ юй иесин сыйлар.
- Тёзген – тёш ашар!
- Бал чибинни ургъаны – ачы, балы – татлы.
- Уллу къашыкъ эрин джыртар.
- Сёз къанатсыз учар.
- Намыс сатылыб алынмайды.
- Тиширыусуз юй – отсуз от джагъа.
- Мадар болса, къадар болур.
- Чабакъсыз кёлге къармакъ салгъанлыкъгъа, чабакъ тутмазса.
- Берекет берсин деген джерде, берекет болур.
- Мал кёб болса, джууукъ кёб болур.
- Адамны адамлыгъы къыйынлыкъда айгъакъланады.
Профиль
|
|
|
|||