- Джырчы ёлсе, джыры къалыр.
- Олтуруб кёрюнмей эди да, ёрге туруб кёрюне эди.
- Ариу сёзде ауруу джокъ.
- Туз, гырджын аша, тюзлюк бла джаша.
- Къонакъ аман болса, къонакъбай джунчур
- Ата Джуртуму башы болмасам да, босагъасында ташы болайым.
- Ётген ёмюр – акъгъан суу.
- Ауругъанны сау билмез, ач къарынны токъ билмез.
- Намыс болмагъан джерде, насыб болмаз.
- Къая джолда джортма, ачыкъ сёзден къоркъма.
- Кюлме джашха – келир башха.
- Сагъыш – къартлыкъгъа сюйюмчю.
- Эр абынмай, эл танымаз.
- Ашаса, ашамаса да, бёрюню ауузу – къан.
- Байлыкъдан саулукъ ашхыды.
- Адеб этмеген, адеб кёрмез.
- Тулпарлыкъ, билекден тюл – джюрекден.
- Чакъырылмай келген къонакъ сыйланмай кетер.
- Джумушакъ сёз къаты таякъны сындырыр.
- Джылыгъа джылан илешир.
- Урама да – ёледи, сатама да – келеди.
- Aдам боллукъ, сыфатындан белгили.
- Таукелге нюр джауар.
- Кёб къычыргъандан – къоркъма, тынч олтургъандан – къоркъ.
- Кюн кёрмеген, кюн кёрсе, кюндюз чыракъ джандырыр.
- Кёкдеги болмаса, джердегин кёрмейди.
- Башынга джетмегенни сорма.
- Къатын байлыкъны сюер, эр саулукъну сюер.
- Тели турса – той бузар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Аз айтсам, кёб ангылагъыз.
- Таула не мийик болсала да, аууш табылыр.
- Аджашхан тёгерек айланыр.
- Борчунг бар эсе, хурджунунга ойлаб узал.
- Бал чибинни ургъаны – ачы, балы – татлы.
- Ата Джуртча джер болмаз, туугъан элча эл болмаз.
- Уллу къазанда бишген эт, чий къалмаз.
- Билмегенинги, билгеннге сор.
- Элге къуллукъ этмеген, элге ие болмаз.
- Эркишиге тары кебек танг кёрюнюр.
- Тешигини къатында, чычхан да батыр болур.
- Джан саулукъ бермей, сан саулукъ бермезсе.
- Билим – акъылны чырагъы.
- Эркишини аманы тиширыуну джылатыр.
- Къызын тута билмеген, тул этер, джашын тута билмеген, къул этер.
- Берекет берсин деген джерде, берекет болур.
- Тил джюрекге джол ишлейди.
- Ариу сёз джыланны орнундан чыгъарыр.
- Джарлы тюеге минсе да, ит къабар.
- Уллу айтханны этмеген – уллаймаз.
Профиль
|
|
|
|||