- Ариуну – ауруу кёб.
- Атадан ёксюз – бир ёксюз, анадан ёксюз – эки ёксюз.
- Къозулугъунда тоймагъан, къойлугъунда тоймаз.
- Къонакъ хазыр болгъанлыкъгъа, къонакъбай хазыр тюлдю.
- Билимден уллу байлыкъ джокъду.
- Оюмсуз атлагъан, аджалсыз ёлюр.
- Сормай – алма, чакъырылмай – барма.
- Таш бла ургъанны, аш бла ур.
- Ашын ашагъанынгы, башын да сыйла.
- Тили узунну, намысы – къысха.
- Ёлген ийнек сютлю болур.
- Къарт айтханны этмеген, къартаймаз.
- Къыйынлы джети элни къайгъысын этер.
- Тойгъан джерден туугъан джер игиди.
- Тойну къарнашы – харс, джырны къарнашы – эжиу.
- Экеулен сёлеше тура эселе, орталарына барыб кирме.
- Акъыллы башны – тили къысха.
- Джангыз терек къынгыр ёсер.
- Керти сёзге тёре джокъ.
- Джырына кёре эжиую.
- Харам къарнашдан, халал тенг ашхы.
- Билеги кючлю, бирни джыгъар, билими кючлю, мингни джыгъар.
- Ишлерге уял да, ашаргъа табма.
- Суу да къайтады чыкъгъан джерине.
- Тенгни тенглиги джашай барсанг билинир.
- Башланнган иш битер, къымылдагъан тиш тюшер.
- Къыз тиширыу кеси юйюнде да къонакъды.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Эшекни не къадар тюйсенг да, ат болмаз.
- Намыс болмагъан джерде, насыб болмаз.
- Джарлыны эшигин махтагъан джабар.
- Рысхысына кёре, джаш ёсер, къышлыгъына кёре, мал ёсер.
- Акъыл неден да кючлюдю.
- Ёлген аслан – сау чычхан.
- Къарын къуру болса, джюрек уру болур.
- Адебсиз адам – джюгенсиз ат.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къартны сыйын кёрмеген, къартлыгъында сыйлы болмаз.
- Чомартны къолу берекет.
- Акъыллы эркиши атын махтар, акъылсыз эркиши къатынын махтар.
- Адам сёзге тынгыла, акъыл сёзню ангыла.
- Аллахха ийнаннган кишини, Аллах онгдурур ишин.
- Гитче джилтин уллу элни джандырыр.
- Эринчекге кюн узун.
- Джыйырма къойну юч джыйырма эбзе кюте эди.
- Тилчиден кери бол.
- Билими азны – ауузунда кирит.
- Кесинге джетмегенни, кёб сёлешме.
- Арбаз къынгырды да, ийнек сауалмайма.
- Туз, гырджын аша, тюзлюк бла джаша.
Профиль
|
|
|
|||