- Къуллукъчума, деб махтанма, къуллукъ – хаух джамчыды!
- Акъдан къара болмаз.
- Ач уят къоймаз.
- Насыблы элин сюер, насыбсыз кесин сюер.
- Аууз сакълагъан – джан сакълар.
- Тилсиз миллет джокъ болур.
- Джолунга кёре – джюрюшюнг, джагъанга кёре – юлюшюнг.
- Уллу атлама – абынырса, уллу къабма – къарылырса.
- Ашда – бёрю, ишде – ёлю.
- Джылкъыдан – ат чыгъар, тукъумдан – джаш чыгъар.
- Окъугъан озар, окъумагъан тозар.
- Ана – юйню кюн джарыгъы.
- Бир абыннган – минг сюрюнюр.
- Эркиши – от, тиширыу – суу.
- Тамбла алтындан бюгюн багъыр ашхы.
- Сангырау къулакъ эл бузар.
- Телиге акъыл салгъандан эсе, ёлгеннге джан салырса.
- Ауругъанны сау билмез, ач къарынны токъ билмез.
- Борчунг бар эсе, хурджунунга ойлаб узал.
- Тёзген – тёш ашар!
- Ауурну тюбю бла, дженгилни башы бла джюрюген.
- Суу да къайтады чыкъгъан джерине.
- Эртде тургъан джылкъычыны эркек аты тай табар.
- Джигер – джаннга къыйынлыкъ.
- Ким бла джюрюсенг, аны кёзю бла кёрюнюрсе.
- Чакъырылмагъан къонакъ тёрге атламаз.
- Юйлю уругъа ит чабмаз.
- Ат да турмайды бир териде.
- Къыйынлы джети элге оноу этер.
- Аман хансны – урлугъу кёб.
- Адамны артындан къара сабан сюрме.
- Тенгни тенглиги джашай барсанг билинир.
- Аллахдан тилесенг, кёб тиле.
- Адам къаллай бир ишленмесе, аллай бир кесин уллу кёреди.
- Кёбню кёрген – кёб билир.
- Акъыллы айтыр эди, акъылсыз къоймайды.
- Уллу къашыкъ эрин джыртар.
- Ариуну – ауруу кёб.
- Акъыллы башны – тили къысха.
- Къарын къуру болса, джюрек уру болур.
- Баш – акъыл ючюн, акъылман – халкъ ючюн.
- Сютден ауузу кюйген, суугъа юфгюре эди.
- Таш ата билмеген, башына урур.
- Билген билмегенни юретген адетди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Билим насыб берир, билим джолну керир.
- Билмезни кёзю кёрмез, этмезни къулагъы эшитмез.
- Къатыны харакетли болса, эри къымсыз болур.
- Къартны бурнун сюрт да, оноугъа тут.
- Ойнай-ойнай кёз чыгъар.
Профиль
|
|
|
|||