- Юй ишлеген балта эшикде къалыр.
- Оюмсуз атлагъан, аджалсыз ёлюр.
- Келлик заман – къартлыкъ келтирир, кетген заман – джашлыкъ ёлтюрюр.
- Башда акъыл болмаса, эки аякъгъа кюч джетер.
- Ашхы – джыяр, аман – джояр.
- Кютгени беш эчки, сызгъыргъаны уа, джерни джарады.
- Аз сёлешген, къайгъысыз турур.
- Джылкъыдан – ат чыгъар, тукъумдан – джаш чыгъар.
- Къонакъ аз олтурур, кёб сынар.
- Чабакъгъа акъыл, табагъа тюшсе келеди.
- Джумушакъ терекни къурт ашар.
- Шапа кёб болса, аш татымсыз болур.
- Чоюнну башы ачыкъ болса, итге уят керекди.
- Орну джокъну – сыйы джокъ.
- Чомартха хар кюн да байрамды.
- Джырына кёре эжиую.
- Тилде сюек болмаса да, сюек сындырыр.
- Ёгюзню мюйюзлери ауурлукъ этмейдиле.
- Телиге акъыл салгъандан эсе, ёлгеннге джан салырса.
- Уллу сёзде уят джокъ.
- Тойгъан антын унутур.
- Акъыл аздырмаз, билим тоздурмаз.
- Чыбыкълыкъда бюгюлмеген, къазыкълыкъда бюгюлмей эди.
- Сакъ юйюне сау барыр.
- Джырчы ёлсе, джыры къалыр.
- Юй кюйдю да, кюйюз чыкъды, ортасындан тюйюш чыкъды.
- Aдам боллукъ, сыфатындан белгили.
- Халкъны юйю – туугъан джери.
- Керилген да, ургъан кибикди.
- Чёбню кёлтюрсенг, тюбюнден сёз чыгъар.
- Къазанда болса, чолпугъа чыгъар.
- Игиге айтсанг – билир, аманнга айтсанг – кюлюр.
- Аман эсирсе, юйюн ояр.
- Тойчу джашха къарама, къойчу джашха къара.
- Эм ашхы къайын ана мамукъ бла башынгы тешер.
- Алим болгъандан эсе, адам болгъан къыйынды.
- Тили узунну, намысы – къысха.
- Бёрю да ач къалмасын, эчки да ашалмасын.
- Джырчы джырчыгъа – къарнаш.
- Джеринден айырылгъан – джети джылар, джуртундан айырылгъан – ёлгюнчю джылар.
- Къатын къылыкъсыз, эр тынчлыкъсыз.
- Аджашхан тёгерек айланыр.
- Суу ичген шауданынга тюкюрме.
- Джогъун бар этген, барын бал этген.
- Эр абынмай, эл танымаз.
- Окъугъан – асыу, окъумагъан – джарсыу.
- Бюгюн дуния кибик, тамбла ахыратды.
- Ишлегенден, къарагъан уста.
- Адеб базарда сатылмаз.
- Хансыз джомакъ болмаз.
Профиль
|
|
|
|||