- Эки элинги тыйсанг, джети элде махталырса.
- Агъач халкъгъа алтынды, иссиликге салкъынды.
- Ачлыкъ отха секиртир.
- Хоншуну тауугъу къаз кёрюнюр, келини къыз кёрюнюр.
- Халкъны юйю – туугъан джери.
- От кюйдюрген, сау болса да, тот кюйдюрген, сау болмаз.
- Душманны тышы – акъ, ичи – къара.
- Чомартха Тейри да борчлуду.
- Нарт сёз къарт болмаз.
- Ханнга да келеди хариблик.
- Мухар, кеси тойса да, кёзю тоймаз.
- Алгъанда – джууукъ, бергенде – джау.
- Таякъ этден ётер, тил сюекден ётер.
- Эркишини аманы тиширыуну джылатыр.
- Ариу сёзде ауруу джокъ.
- Къыз чыгъаргъан – къызыл къымжа.
- Ойнай билмеген, оюн бузар.
- «Ма», - дегенни билмесенг, «бер», - дегенни билмезсе.
- Эли джокъну – кёлю джокъ.
- Эки ойлашыб, бир сёлешген.
- Билимсиз иш бармаз.
- Ёксюзню тилеги къабыл болур.
- Тамырсыз терекге таянма – джыгъылырса.
- Элде адам къалмаса, ит тахтагъа минер.
- Магъанасыз сёз – тауушсуз сыбызгъы.
- Чомарт къонакъ юй иесин сыйлар.
- Къарт айтханны этмеген, къартаймаз.
- Чомарт къолда мал къалмаз.
- Тилсиз миллет джокъ болур.
- Юйюнг бла джау болгъандан эсе, элинг бла джау бол.
- Башынга джетмегенни сорма.
- Ётген ёмюр – акъгъан суу.
- Элиб деген, элге болушур.
- Аман хансны – урлугъу кёб.
- Сакъалы текени да бар, мыйыгъы киштикни да бар.
- Биреу ашаб къутулур, биреу джалаб тутулур.
- Ана къолу ачытмаз.
- Aдам боллукъ, сыфатындан белгили.
- Аш кетер да бет къалыр.
- Ашын ашагъанынгы, башын да сыйла.
- Адамны адамлыгъы къыйынлыкъда айгъакъланады.
- Хансыз джомакъ болмаз.
- Эл тойса, тоймагъан, эл къойса, къоймагъан.
- Чомартны къолу берекет.
- Эри аманны, къатыны – аман.
- Сютню башын джалагъан къутулур, тюбюн ичген тутулур.
- Джыланны къуйругъундан басарынг келсе, аны башы болгъанын унутма.
- Танг атмайма десе да, кюн къоярыкъ тюйюлдю.
- Тойгъа барсанг, тоюб бар, эски тонунгу къоюб бар.
- Чёбню кёлтюрсенг, тюбюнден сёз чыгъар.
Профиль
|
|
|
|||