- Джолда аягъынга сакъ бол, ушакъда тилинге сакъ бол.
- Гырджын – тепсини тамадасы.
- Халкъгъа джарагъан, джарлы къалмаз.
- Тёзгеннге, джабылгъан эшик ачылыр.
- Таугъа чыгъаллыкъ эсенг, тюзде къалма.
- Эл бла кёргенинг эрелей.
- Ариу сёзде ауруу джокъ.
- Адебсиз адам – джюгенсиз ат.
- Башынга джетмегенни сорма.
- Ишлерге уял да, ашаргъа табма.
- Тенгни тенглиги джашай барсанг билинир.
- Тилчи бир сагъатха айлыкъ хата этер.
- Къаллай салам берсенг, аллай джууаб алырса.
- Онгсузну – джакъла, тенгликни – сакъла.
- Юй кюйдю да, кюйюз чыкъды, ортасындан тюйюш чыкъды.
- Тил бла келеди джыр да.
- Ач къарынны, токъ билмез
- Акъыллы башны – тили къысха.
- Къарын къуру болса, джюрек уру болур.
- Къызбайны юйюне дери сюрсенг, батыр болур.
- «Ма», - дегенни билмесенг, «бер», - дегенни билмезсе.
- Ариу сёз джыланны орнундан чыгъарыр.
- Атадан ёксюз – бир ёксюз, анадан ёксюз – эки ёксюз.
- Таукел тауну аудурур.
- Чомартны къолун джокълукъ байлар.
- Аш иеси бла татлыды.
- Танг атмайма десе да, кюн къоярыкъ тюйюлдю.
- Эшекни не къадар тюйсенг да, ат болмаз.
- Ата Джуртуму башы болмасам да, босагъасында ташы болайым.
- Алтыннга тот къонмаз.
- Джырчы джырчыгъа – къарнаш.
- Ышармагъан – кюлмез, кюлмеген – къууанчны билмез.
- Джол бла сёзню къыйыры джокъ.
- Алма терегинден кери кетмез.
- Къызны минг тилер, бир алыр.
- Бермеген къол, алмайды.
- Акъылсызны джууукъгъа алма, акъыллыны кенгнге салма.
- Аман эсирсе, юйюн ояр.
- Къонакъ аз олтурур, кёб сынар.
- Тойгъандан сора, ашны сёкме.
- Ариу сёз – джаннга азыкъ, аман сёз – башха къазыкъ.
- Аш кетер да бет къалыр.
- Суугъа – чабакъ, къаягъа – ыргъакъ.
- Джерни букъусу кёкге къонмаз.
- Тойгъанлыкъ къойгъа джарашады.
- Тёрдеги кюлсе, эшикдеги ышарыр.
- Байны оноуу, джарлыгъа джарамаз.
- Аманны тукъумуна къарама, игини тукъумун сорма.
- Ётюрюк хапар аякъ тюбю бла джюрюйдю.
- Джырчы ёлсе, джыры къалыр.
Профиль
|
Доня
 Эльбрусоид
Cообщений: 6
Баллов: 3
Регистрация: 23.05.2019
Последний визит: 15.06.2019 21:48:07
|
|
||||||
|
|
|
||||||