- Тас болгъан бычакъны сабы – алтын.
- Тай асырагъан, атха минер.
- Аджашханны ызындагъы кёреди, джангылгъанны джанындагъы биледи.
- Аманны тукъумуна къарама, игини тукъумун сорма.
- Айтылгъан сёз ызына къайтмаз.
- Ариу сёз – джаннга азыкъ, аман сёз – башха къазыкъ.
- Бойнуму джети джерден кессенг да, мен ол ишни этеллик тюлме.
- Акъыл аздырмаз, билим тоздурмаз.
- Уллу атлама – абынырса, уллу къабма – къарылырса.
- Кюн кёрмеген, кюн кёрсе, кюндюз чыракъ джандырыр.
- Къарт болгъан джерде, берекет болур, сабий болгъан джерде, оюн болур.
- Эллинг бла джау болсанг да, юйюнг бла джау болма.
- Джюрекден джюрекге джол барды.
- Къууут – джелге, берне – бошха.
- Халкъны джырын джырласанг, халкъ санга эжиу этер.
- Арпа, будай – ащды, алтын, кюмюш а – ташды.
- Сабий болмагъан джерде, мёлек болмаз.
- Эртде тургъан бла эртде юйленнген сокъуранмаз.
- Сескекли кесин билдирир.
- Иги джашны ышаны – аз сёлешиб, кёб тынгылар.
- Джашлыкъ этмеген, башлыкъ этмез.
- Эри аманны, къатыны – аман.
- Абынмазлыкъ аякъ джокъ, джангылмазлыкъ джаякъ джокъ.
- Байлыкъ адамны сокъур этер.
- Тура эдим джата, къайдан чыкъды хата?
- Джумушакъ терекни къурт ашар.
- Уллу суу бла уллу ауруудан башынгы сакъла.
- Юре билмеген ит, къонакъ келтирир.
- Ач, тоймам, дейди, тойгъан, ач болмам, дейди.
- Тил джюрекге джол ишлейди.
- Адам туугъан джеринде, ит тойгъан джеринде.
- Игилик игилик бла сингдирилиучю затды.
- Намыс сатылыб алынмайды.
- Къатын байлыкъны сюер, эр саулукъну сюер.
- Джангыз торгъай джырламаз.
- Келгинчи, къонакъ уялыр, келгенден сора, къонакъбай уялыр.
- Мадар болса, къадар болур.
- Сютден ауузу кюйген, суугъа юфгюре эди.
- Чалманны аллы къалай башланса, арты да алай барады.
- Таш ата билмеген, башына урур.
- Сакъ юйюне сау барыр.
- Суу ичген шауданынга тюкюрме.
- Аш хазыр болса, иш харам болур.
- Дженгил джетерикме деб, узун джолну къоюб, къысхасын барма.
- Билеги кючлю, бирни джыгъар, билими кючлю, мингни джыгъар.
- Къарт айтханны этмеген, къартаймаз.
- Ашхылыкъ джерде джатмайды, аманлыкъ суугъа батмайды.
- Иги – алгъыш этер, аман – къаргъыш этер.
- Ач – эснер, ат – кишнер.
- Азыкъ аз болса, эртде орун сал.
Профиль
|
|
|
|||