- Адамны сабийин сюйген джюреги, бычакъча, джитиди.
- Бал – татлы, балдан да бала – татлы.
- Тамбла алтындан бюгюн багъыр ашхы.
- Ауузу бла къуш тута айланады.
- Кийимни бичсенг, кенг бич, тар этген къыйын тюлдю.
- Ашатыргъа иш – ашхы, ишлетирге аш – ашхы.
- Чомарт бергенин айтмаз.
- Тынгылагъан тынгы бузар.
- Ат да турмайды бир териде.
- Къыз чыгъаргъан – къызыл къымжа.
- Бети бедерден, намыс сакълама.
- Ёгюзню мюйюзлери ауурлукъ этмейдиле.
- Бек анасы джыламаз.
- Телини эшигин, махтау джабар.
- Къарт бла баш аша, джаш бла аякъ аша.
- Артына баргъанны, къатына барма.
- Тил джюрекге джол ишлейди.
- Ата – билек, ана – джюрек!
- Урама да – ёледи, сатама да – келеди.
- Тёрени джагъы джокъ.
- Билмейме деген – бир сёз
- Иши джокъну, сыйы джокъ.
- Шайтан алдады, тюзлюк къаргъады.
- Кёб ант этген, кёб ётюрюк айтыр.
- Ашын ашагъанынгы, башын да сыйла.
- Къолунгдан къуймакъ ашатсанг да, атаны борчундан къутулмазса.
- Къазанда болса, чолпугъа чыгъар.
- Кюн – узун, ёмюр – къысха.
- Ачыкъ джюрекге джол – ачыкъ.
- Иги адам абынса да, джангылмаз.
- Баш – акъыл ючюн, акъылман – халкъ ючюн.
- Аджашханны ызындагъы кёреди, джангылгъанны джанындагъы биледи.
- Джаз бир кюнню джатсанг, къыш талай кюнню абынырса.
- Иги адамны бир сёзю эки болмаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Гугурук къычырмаса да, тангны атары къалмаз.
- Аманнга игилик этсенг, юйюнге сау бармазса.
- Кеси юйюмде мен да ханма.
- Ачлыкъда тары гырджын халыуадан татлы.
- Бюгюн дуния кибик, тамбла ахыратды.
- Хата – гитчеден.
- Эркишиге тары кебек танг кёрюнюр.
- Чабакъгъа акъыл, табагъа тюшсе келеди.
- Башсыз урчукъ тюзюне айланмаз.
- Джигер – джаннга къыйынлыкъ.
- Джангыз торгъай джырламаз.
- Керек ташны ауурлугъу джокъ.
- Эшекге миннген – биринчи айыб, андан джыгъылгъан – экинчи айыб.
- Билим насыб берир, билим джолну керир.
- Алим болгъандан эсе, адам болгъан къыйынды.
Профиль
|
|
|
|||