- Тил бла келеди джыр да.
- Чакъырылгъанны аты, чакъырылмагъанны багъасы болур.
- Джарлы эскисин джамаса, къууаныр.
- Тёзгеннге, джабылгъан эшик ачылыр.
- Тилчиден кери бол.
- Адамны джюреги нени кёрюрге сюйсе, кёзю да аны кёрюрге ёч болады.
- Намыс сатылыб алынмайды.
- Урама да – ёледи, сатама да – келеди.
- Аманнга игилик этсенг, юйюнге сау бармазса.
- Къралынгы – душмандан, башынгы от бла суудан сакъла.
- Къызгъанчдан ычхыныр, мухардан ычхынмаз.
- Адамны бетине къарама, адетине къара.
- Ач отунчуну ачыуу – бурнунда.
- Арбаз къынгырды да, ийнек сауалмайма.
- Дуния малгъа сатылма, кесингден телиге къатылма.
- Терек ауса, отунчу – кёб.
- Башы ишлегенни, ауузу да ишлер.
- Эри аманны, къатыны – аман.
- Сабий кёргенин унутмаз.
- Къонакъ хазыр болгъанлыкъгъа, къонакъбай хазыр тюлдю.
- Ойнаб айтсанг да, эслеб айт.
- Кёлю джокъну – джолу джокъ.
- Ариуну – ауруу кёб.
- Атынг аманнга чыкъгъандан эсе, джанынг тамагъынгдан чыкъсын.
- Къошда джокъгъа – юлюш джокъ.
- Рысхы джалгъанды: келген да этер, кетген да этер.
- Къарнынг къанлынга кийирир.
- Чомартха Тейри да борчлуду.
- Эркиши – от, тиширыу – суу.
- Тыш элде солтан болгъандан эсе, кесинги элде олтан болгъан игиди!
- Ашаса, ашамаса да, бёрюню ауузу – къан.
- Алма терегинден кери кетмез.
- Окъдан джара эртде-кеч болса да бителир, сёз джара, ёмюрге къалыр.
- Къоркъакъны кёзю экили кёрюр.
- Иги джашны ышаны – аз сёлешиб, кёб тынгылар.
- Джаралыны джастыгъында сау ёлюр.
- Тойгъандан сора, ашны сёкме.
- Хата – гитчеден.
- Биреуге аманлыкъ этиб, кесинге игилик табмазса.
- Азыкъ аз болса, эртде орун сал.
- Джашда акъыл джокъ, къартда къарыу джокъ.
- Къанны къан бла джуума, аманны аман бла къуума.
- Арыгъан къош чамчы болур.
- Башсыз урчукъ тюзюне айланмаз.
- Босагъагъа джууукъ орун болса, ашыгъыб тёрге озма.
- Битмегеннге сакъал – танг.
- Накъырда – кертини келечиси.
- Сыфатында болмагъаны, суратында болмаз.
- Миллетни бойну – базыкъ, аны бла кюрешген – джазыкъ.
- Айран тёгюлсе, джугъусу къалыр.
Профиль
|
|
|
|||