- Бёрю да ач къалмасын, эчки да ашалмасын.
- Аман къатын сабий табса, бий болур…
- Кёзю сокъурдан – къоркъма, кёлю сокъурдан – къоркъ.
- Босагъа таш юйге кирмей эди, тыбыр таш эшикге чыкъмай эди.
- Байма, деб да, къууанма, джарлыма, деб да, джылама.
- Джол бла сёзню къыйыры джокъ.
- Хар зат кесини орнуна иги.
- Дуния малгъа сатылма, кесингден телиге къатылма.
- Келинин тута билмеген, къул этер, къызын тута билмеген, тул этер.
- Элни кючю – эмеген.
- Биреуню эскиси биреуге джангы болмайды.
- Борчунг бар эсе, хурджунунга ойлаб узал.
- Ашыкъгъан cуу, тенгизге джетмез.
- Телиге от эт десенг, юйюнге от салыр.
- Тойгъа алгъа да барма, тойда артха да къалма.
- Юреннген ауруу къалмаз.
- Сакъламагъан затынга джолукъсанг, не бек къууанаса, не бек ачыйса.
- Ач бёрюге мекям джокъ.
- Ат да турмайды бир териде.
- Айранын берсенг, челегин да къызгъанма.
- Окъугъан – асыу, окъумагъан – джарсыу.
- Уллу суу бла уллу ауруудан башынгы сакъла.
- Болджал ишни бёрю ашар.
- Джаным-тиним – окъуу, билим.
- Арпа, будай – ащды, алтын, кюмюш а – ташды.
- Къарнынг бла ёч алма.
- Джуртун къоругъан озар.
- Къатын байлыкъны сюер, эр саулукъну сюер.
- Къазанда болса, чолпугъа чыгъар.
- Уясында не кёрсе, учханында аны этер.
- Иги сеники эсе да, сюйген кесимикин этеме.
- Баланы адам этген анады.
- Рысхы – насыбха къор.
- Джиби бир къат джетмей эди да, эки къат тарта эди.
- Иги джашны ышаны – аз сёлешиб, кёб тынгылар.
- Кёб джашагъан – кёб билир.
- Ана – юйню кюн джарыгъы.
- Байны къызы баймакъ болса да, юйде къалмаз!
- Къызны минг тилер, бир алыр.
- Башланнган иш битер, къымылдагъан тиш тюшер.
- Эркиши – от, тиширыу – суу.
- Биреу ашаб къутулур, биреу джалаб тутулур.
- Джаралыны джастыгъында сау ёлюр.
- Къумурсхала джыйылсала, пилни да джыгъадыла.
- Ётюрюк хапар аякъ тюбю бла джюрюйдю.
- Сагъышы джокъ – джукъучу, акъылы джокъ – къаугъачы.
- Къыйынлы джети элге оноу этер.
- Окъумагъан сокъурду, сокъур ташха абыныр!
- Къарт болгъан джерде, берекет болур, сабий болгъан джерде, оюн болур.
- Билимден уллу байлыкъ джокъду.
Профиль
|
|
|
|||