- Адеб этмеген, адеб кёрмез.
- Чомарт къонакъ юй иесин сыйлар.
- Башланнган иш битер, къымылдагъан тиш тюшер.
- Къалгъан ишге къар джауар.
- Термилгенинги табмазса, кюлгенинге тюберсе.
- Уллу къашыкъ эрин джыртар.
- Окъугъан озар, окъумагъан тозар.
- Айраннга суу къош, телиге джол бош.
- Ёмюрлюк шохлукъну джел элтмез.
- Алим болгъандан эсе, адам болгъан къыйынды.
- Билим къая тешер.
- Уясында не кёрсе, учханында аны этер.
- Алтыда кюлмеген, алтмышда кюлмез.
- Тилчиден кери бол.
- Къумурсхала джыйылсала, пилни да джыгъадыла.
- Юйюнг бла джау болгъандан эсе, элинг бла джау бол.
- Ачылгъан эт джабылыр, кёрген кёз унутмаз.
- Къан бла кирген, джан бла чыгъар.
- Чоюнну башы ачыкъ болса, итге уят керекди.
- Аман хансны – урлугъу кёб.
- Къарт болгъан джерде, берекет болур, сабий болгъан джерде, оюн болур.
- Ишге юренсин къоллары, халкъ бла болсун джоллары.
- Огъурлуну сёзю – суу, огъурсузну сёзю – уу.
- Эринчекни аурууу – кёб.
- Джылыгъа джылан илешир.
- Кёл – къызбай, къол – батыр.
- Илму – джашауну джолу.
- Ёлмесенг да, къарт дамы болмазса?
- Кесинге джетмегенни, кёб сёлешме.
- Тёзген – тёш ашар!
- Башынга джетмегенни сорма.
- Чомарт бергенин айтмаз.
- Джыйырма къойну юч джыйырма эбзе кюте эди.
- Кимни – тили, тиши онглу, кимни – къолу, иши онглу.
- Къонакъ болсанг, ийнакъ бол.
- Чакъырылгъанны аты, чакъырылмагъанны багъасы болур.
- Билимли ёлмез, билимсиз кёрмез.
- Билим ат болуб да чабар, къуш болуб да учар.
- Сакъламагъан затынга джолукъсанг, не бек къууанаса, не бек ачыйса.
- Ашда – бёрю, ишде – ёлю.
- Байма, деб да, къууанма, джарлыма, деб да, джылама.
- Игилик игилик бла сингдирилиучю затды.
- Тил – кесген бычакъ, сёз – атылгъан окъ.
- Адебни адебсизден юрен.
- Джашда акъыл джокъ, къартда къарыу джокъ.
- Джангыз терек къынгыр ёсер.
- Адамгъа аман кюн соруб келмейди.
- Байлыкъ келсе, акъыл кетер.
- Баш болса, бёрк табылыр.
- Аманнга да, игиге да оноусуз къатышма.
Профиль
|
|
|
|||