- Тил джюрекге джол ишлейди.
- Таш ата билмеген, башына урур.
- Билимден уллу байлыкъ джокъду.
- Сакъ юйюне сау барыр.
- Билим къая тешер.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Накъырданы арты керти болур.
- Билимли ёлмез, билимсиз кёрмез.
- Иги джашны ышаны – аз сёлешиб, кёб тынгылар.
- Чакъырылмагъан къонакъ тёрге атламаз.
- Ач бёрюге мекям джокъ.
- Джылыгъа джылан илешир.
- Джашлыкъ этмеген, башлыкъ этмез.
- Тёрде – темир таякълы, къаяда – чыпчыкъ аякълы.
- Баш – акъыл ючюн, акъылман – халкъ ючюн.
- Ауругъан – джашаудан умутчу.
- Кёзюнде тереги болгъан, чёбю болгъаннга кюле эди.
- Къарны аманнга къазан такъдырма, къолу аманнга от джакъдырма.
- Джуртун къоругъан озар.
- Тюз сёз баргъан сууну тыяр.
- Кирсизни – саны таза, халалны – къаны таза.
- Джахил болса анасы, не билликди баласы?
- Сютню башын джалагъан къутулур, тюбюн ичген тутулур.
- Магъанасыз сёз – тауушсуз сыбызгъы.
- Окъуусуз билим – джокъ, билимсиз кюнюнг – джокъ.
- Джарлы тюеге минсе да, ит къабар.
- Ач къарным, тынч къулагъым.
- Чомартха хар кюн да байрамды.
- Окъумагъан сокъурду, сокъур ташха абыныр!
- Сагъыш – къартлыкъгъа сюйюмчю.
- Джангыз торгъай джырламаз.
- Къонакъ кёб келюучю юйню, къазаны отдан тюшмез.
- Джигер – джаннга къыйынлыкъ.
- Къонагъынгы артмагъын алма да, алгъышын ал.
- Борчунг бар эсе, хурджунунга ойлаб узал.
- Кёб джашагъан – кёб билир.
- Къар – келтирди, суу – элтди.
- Бозаны арты дауур болур.
- Ашаса, ашамаса да, бёрюню ауузу – къан.
- Аманны тукъумуна къарама, игини тукъумун сорма.
- Ариу – кёзге, акъыл – джюрекге.
- Аджашхан тёгерек айланыр.
- Игини сыйлагъан адетди.
- Джюрекге ариу – кёзге да ариу.
- Таула не мийик болсала да, аууш табылыр.
- Ётюрюк хапар аякъ тюбю бла джюрюйдю.
- Эшекни не къадар тюйсенг да, ат болмаз.
- Эртде тургъан джылкъычыны эркек аты тай табар.
- Ёзденликни джайгъан – джокълукъ.
- «Ёгюз, джаргъа джууукъ барма, меннге джюк боллукъса», - дегенди эшек.
Профиль
|
|
|
|||