- Ургъан суудан башынгы сакъла.
- Акъыллы эркиши атын махтар, акъылсыз эркиши къатынын махтар.
- Бир онгсуз адам адет чыгъарды, деб эштирик тюлсе.
- Кийимни бир кюнню аясанг, минг кюннге джарар.
- Джерни букъусу кёкге къонмаз.
- Ач да бол, токъ да бол – намысынга бек бол.
- Джылкъыдан – ат чыгъар, тукъумдан – джаш чыгъар.
- Къайгъы тюбю – тенгиз.
- Тенги кёбню джау алмаз, акъылы кёбню дау алмаз.
- Тик ёргени, тик энгишгеси да болады.
- Тай асырагъан, атха минер.
- Мухар, кеси тойса да, кёзю тоймаз.
- Намыс сатылыб алынмайды.
- Малны кют, джерни тюрт.
- Сууда джау джокъ, кёб сёзде магъана джокъ.
- Татлы сёз – балдан татлы.
- Сакъалы текени да бар, мыйыгъы киштикни да бар.
- Урунуу – насыбны анасы.
- Сагъышы джокъ – джукъучу, акъылы джокъ – къаугъачы.
- Баш болса, бёрк табылыр.
- Сакъламагъан затынга джолукъсанг, не бек къууанаса, не бек ачыйса.
- Къазанда болса, чолпугъа чыгъар.
- Сютню башын джалагъан къутулур, тюбюн ичген тутулур.
- Игиге айтсанг – билир, аманнга айтсанг – кюлюр.
- Арбаз къынгырды да, ийнек сауалмайма.
- Ач, тоймам, дейди, тойгъан, ач болмам, дейди.
- Къонагъы джокъну – шоху джокъ.
- Тёрде – темир таякълы, къаяда – чыпчыкъ аякълы.
- Айтханы чапыракъдан ётмеген.
- Тиширыусуз юй – отсуз от джагъа.
- Юре билмеген ит, къонакъ келтирир.
- Айранын берсенг, челегин да къызгъанма.
- Билмегенинги, билгеннге сор.
- Ёлген ийнек сютлю болур.
- Къарны аманнга къазан такъдырма, къолу аманнга от джакъдырма.
- Къонакъны къачан кетерин сорма, къачан келлигин сор.
- Бир абыннган – минг сюрюнюр.
- Сормай – алма, чакъырылмай – барма.
- Бал ашаргъа сюе эсенг, чибин ургъаннга тёз.
- Кийиминг бла танылма, адамлыкъ бла таныл.
- Юй кюйдю да, кюйюз чыкъды, ортасындан тюйюш чыкъды.
- Адамгъа аман кюн соруб келмейди.
- Ариу сёз аурууунгу алыр.
- Адам туугъан джеринде, ит тойгъан джеринде.
- Джыйырма къойну юч джыйырма эбзе кюте эди.
- Джеринден айырылгъан – джети джылар, джуртундан айырылгъан – ёлгюнчю джылар.
- Ашлыкъ – бюртюкден, джюн – тюкден.
- Ётюрюкден тюбю джокъ, кёлтюрюрге джиби джокъ.
- Мал тутхан – май джалар.
- Ашхылыкъ джерде джатмайды, аманлыкъ суугъа батмайды.
Профиль
|
|
|
|||