Расширенный поиск
25 Июня 2026 года
Логин: Регистрация
Пароль: Забыли пароль?
Навигация
Словарь
  • Джетген къыз джерли эшекни танымаз.
  • Ашхылыкъ джерде джатмайды, аманлыкъ суугъа батмайды.
  • Окъугъан – асыу, окъумагъан – джарсыу.
  • Чарсда алчыны эл кёреди.
  • Ашарыкъда сайлагъаннга – чий гырджын.
  • Ауузу аманнга «иги», деме.
  • Аманны эки битли тону болур, бирин сеннге кийдирир, бирин кеси киер.
  • Джерни букъусу кёкге къонмаз.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Келинин тута билмеген, къул этер, къызын тута билмеген, тул этер.
  • Джол бла сёзню къыйыры джокъ.
  • Эки ойлашыб, бир сёлешген.
  • Къыйынлы джети элни къайгъысын этер.
  • Джылар джаш, атасыны сакъалы бла ойнар.
  • Тилде сюек болмаса да, сюек сындырыр.
  • Телиге акъыл салгъандан эсе, ёлгеннге джан салырса.
  • Юйюнгден чыкъдынг – кюнюнгден чыкъдынг.
  • Ашын ашагъанынгы, башын да сыйла.
  • Эринчекни аурууу – кёб.
  • Байны оноуу, джарлыгъа джарамаз.
  • Тил – кесген бычакъ, сёз – атылгъан окъ.
  • Башланнган иш битер, къымылдагъан тиш тюшер.
  • Халкъны джырын джырласанг, халкъ санга эжиу этер.
  • Тойгъан антын унутур.
  • Башынга джетмегенни сорма.
  • Ёлген ийнек сютлю болур.
  • Айтхан – тынч, этген – къыйын.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Ауругъаннга – кийик саулукъ, джетген къызгъа – чилле джаулукъ.
  • Эки къатын алгъанны къулагъы тынгнгаймаз.
  • Адеб базарда сатылмаз.
  • Рысхысына кёре, джаш ёсер, къышлыгъына кёре, мал ёсер.
  • Таш ата билмеген, башына урур.
  • Акъылсызны джууукъгъа алма, акъыллыны кенгнге салма.
  • Кёпюр салгъан кеси ётер, уру къазгъан кеси кетер.
  • Адамны бетине къарама, адетине къара.
  • Эски джаугъа ышанма.
  • Кёб ант этген, кёб ётюрюк айтыр.
  • Тамырсыз терекге таянма – джыгъылырса.
  • Айтхан сёзюне табылгъан.
  • Нарт сёз къарт болмаз.
  • Къайгъы тюбю – тенгиз.
  • Бастасын ашагъан, хантусун да ичер.
  • Джашынгы кесинг юретмесенг, джашау юретир.
  • Аш иеси бла татлыды.
  • Къонакъ болсанг, ийнакъ бол.
  • Биреуню тёрюнден, кесинги эшик артынг игиди.
  • Насыб бютеу халкъны юлюшюдю.
  • Билмезни кёзю кёрмез, этмезни къулагъы эшитмез.
  • Мухардан ач ычхынмаз.

Форум

Форум / Администрация / Билдириуле :: Объявления / Помощь
Страницы: 1
АЛАНЛА, бир эс бёлюгюз бу темагъа., 'Къайсын-миллетни бетиди'-дегенди Эфендиланы Салых.
 
#1
Джаратама0
17.10.2013 00:35:56 Translit
Алгъышдан башлайым:
Миллетибизге Къайсынчала туусунла!

Алайды да, мени сизге айтырым...
'Къайсыннга жюз атлам'деп иш башланнганды.
Эл тюбю деген элде, Къайсынны юйюне бурулгъан орамны жаны бла хуна къалана турады, ол хунаны юсюнде жюз плита боллукъду-сыйдам, тёртгюл, сыйлы ташдан. Хар аллай ташны юсюнде уа назмучубузну бир назмусу жазылып барлыкъды, аны бла уа алайда окъуна жюз назму хаманда да турлукъду.
Келлик жыл, Аллах айтса, Къайсыннга жюз жыл толлукъду, ол кюннге бу иш битерге, тындырылыргъа керекди!

Сизден-бизден изленнген:
1. Бу ишле баргъан заманда онгу болгъан барып, таш ташыргъа, башха жумушха жараргъа.
2. Биягъы онгу болгъан ахча жаны бла болушургъа, аз бералгъан аз,кёп бералгъан а кёп.

Ёмюрде быллай ишге къатышмагъанма, хапарлы да тюйюлме, алай кел,къатыш, болуш дегенлеринде, бек къууандым, Мен былайда болмаса,Къайсыннга энди не бла жараялырма?
Къайсын-миллетни адамыды, миллети ючюн, Москба шахарда къалыргъа унамай, туугъан жерине къайтып келгенди, Миллетин сау дуниягъа белгили этгенди.
Айтып турсам,саналып турлукъду. Къайсынны менден ахшы билесиз не этгенин,къаллай инсан болгъанын.

Бу ишге уллу кёллюлюк этмегиз, къол булгъап къоймагъыз, тындырайыкъ, бир тынгылы жукъ къошайыкъ от жагъасыны къыйырына.

'Къайсыннга жюз атлам'проект сизге аманат, сиз Аллаха аманат!

Кёрмегенча, окъумагъанча этип къоймагъан 8 928 706 60 28 - Къара чачлы, сёлешсин!

КЪУРМАНЫГЪЫЗ ДА КЪАБЫЛ БОЛСУН. ЭКИНЧИ БУ ЗАМАННГА КЪУУАНЧ БЛА, САУ-ЭСЕН ЖЕТЕЙИК.
Изменено: Къара чачлы - 17.10.2013 00:38:57
"Къадарны этегинде...","Сени ючюн"...(с)
 
 
 
#2
Джаратама0
17.10.2013 01:37:51 Translit

Къара чачлы, бек иги хапар, бек иги иш. Болушайыкъ, къолдан келгенича. Ачха къайры кёчюрюлюрге керекди?

Алай а, бир айтырым - алайдагъы эл, район тамадала бу ишни къыйналмай баджарыб къоярыкъ эдиле, огъесе ала къошулмаймыдыла?
Джазыучуланы Союзу уа не дейди?
Бу ишни къолгъа алыб, башчылыкъ этген, бардыргъан кимди?
 
 
 
#3
Джаратама0
17.10.2013 01:54:48 Translit
Sabr, Аллах ыразы болсун.
Бу ишни бардыргъан Тетуланы Хадисди.
Эл таматала бу ишге артыкъ къатышмайдыла.
Дазыучулагъа да ётерге деп турама, билмей эселе.
Ахча къайры ётерге керегин, тамбла жазарма.
"Къадарны этегинде...","Сени ючюн"...(с)
 
 
 
#4
Джаратама0
17.10.2013 20:49:17 Translit
Наименование клиента: Фонд помощи сохранению памятников истории и культуры "Сто шагов к Кайсыну"
ИНН 0725990683 КПП 072501001
Банковский счет N 40703810710000000249
Кор.счет 30101810700000000741
БИК 048327741
Банк "Нальчик" ООО

Бюгюн эм биринчи Бурхан Абуюсюфович Берберов кесини чомартлыгъы бла бек къууандыргъанды!
[IMG]БЕК САУ БОЛСУН. Къайсыннга берген сыйын миллетинден кёрсюн!
"Къадарны этегинде...","Сени ючюн"...(с)
 
 
 
#5
Джаратама0
17.10.2013 21:20:41 Translit
Таланнган!
Жетмиш адам окъуду бу теманы....
Тауушсуз кетдиле да...
Жюз сомугъуз жокъмуду, ол жети минг боллукъ эди, сизге ол неди, анга уа талай иш тамам боллукх эди.

Окъуудагъылагъа, бир кюн азыракъ ашасагъыз да боллукъду деп, алай жыйгъанма....
Студентледен!

Тобады.
"Къадарны этегинде...","Сени ючюн"...(с)
 
 
 
Страницы: 1
Читают тему (гостей: 1)

Форум  Мобильный | Стационарный