Расширенный поиск
20 Августа 2026 года
Логин: Регистрация
Пароль: Забыли пароль?
Навигация
Словарь
  • Билим – акъылны чырагъы.
  • Къралынгы – душмандан, башынгы от бла суудан сакъла.
  • Билмегенинги, билгеннге сор.
  • Биреуге аманлыкъ этиб, кесинге игилик табмазса.
  • Биреуге кёлтюрген таягъынг, кесинги башынга урур.
  • Дууулдаса – бал чибин, къонса – къара чибин.
  • Ёлген эшек бёрюден къоркъмайды.
  • Ариу сёз аурууунгу алыр.
  • Ауузу аманнга «иги», деме.
  • Къонакъ аз олтурур, кёб сынар.
  • Къобан да къуру да къобханлай турмайды, адам да къуру да патчахлай турмайды.
  • Ариу сёз – джаннга азыкъ, аман сёз – башха къазыкъ.
  • Тилсиз миллет джокъ болур.
  • Билими азны – ауузунда кирит.
  • Эшекге миннген – биринчи айыб, андан джыгъылгъан – экинчи айыб.
  • Кёзню ачылгъаны – иги, ауузну джабылгъаны – иги.
  • Къарнынг бла ёч алма.
  • Кёб ант этген, кёб ётюрюк айтыр.
  • Ариуну – ауруу кёб.
  • Ётюрюкчюню шагъаты – къатында.
  • Булут кёкге джарашыу, уят бетге джарашыу.
  • Айран ичген – къутулду, джугъусун джалагъан – тутулду.
  • Джашда акъыл джокъ, къартда къарыу джокъ.
  • Алтыда кюлмеген, алтмышда кюлмез.
  • Аманнга алтын чыдамаз.
  • Шайтан алдады, тюзлюк къаргъады.
  • Кюн кёрмеген, кюн кёрсе, кюндюз чыракъ джандырыр.
  • Къулакъдан эсе, кёзге ышан.
  • Джаз бир кюнню джатсанг, къыш талай кюнню абынырса.
  • Гугук кесини атын айтыб къычыргъанча, мен, мен деб нек тураса?
  • Ишлегенде эринме, ишде чолакъ кёрюнме.
  • Борчунг бар эсе, хурджунунга ойлаб узал.
  • Эл ауузу – элек, анга ийнаннган – халек.
  • Джогъун бар этген, барын бал этген.
  • Биреуню тёрюнден, кесинги эшик артынг игиди.
  • Аш иеси бла татлыды.
  • Суугъа – чабакъ, къаягъа – ыргъакъ.
  • Адебни адебсизден юрен.
  • Ата джурт – алтын бешик.
  • Бети – къучакълар, джюреги – бычакълар.
  • Кийиминг бла танылма, адамлыкъ бла таныл.
  • Аллахдан тилесенг, кёб тиле.
  • Намысы джокъну – дуниясы джокъ.
  • Эркиши – от, тиширыу – суу.
  • Дуния малгъа сатылма, кесингден телиге къатылма.
  • Кёбден умут этиб, аздан къуру къалма.
  • Атлыны ашхысы, ат тизгининден билинир
  • Ишни ахырын ойламай, аллын башлама.
  • Аз сёлешген, къайгъысыз турур.
  • Чомарт къонакъ юй иесин сыйлар.

Форум

Форум / Администрация / Билдириуле :: Объявления / Помощь
Страницы: 1
АЛАНЛА, бир эс бёлюгюз бу темагъа., 'Къайсын-миллетни бетиди'-дегенди Эфендиланы Салых.
 
#1
Джаратама0
17.10.2013 00:35:56 Translit
Алгъышдан башлайым:
Миллетибизге Къайсынчала туусунла!

Алайды да, мени сизге айтырым...
'Къайсыннга жюз атлам'деп иш башланнганды.
Эл тюбю деген элде, Къайсынны юйюне бурулгъан орамны жаны бла хуна къалана турады, ол хунаны юсюнде жюз плита боллукъду-сыйдам, тёртгюл, сыйлы ташдан. Хар аллай ташны юсюнде уа назмучубузну бир назмусу жазылып барлыкъды, аны бла уа алайда окъуна жюз назму хаманда да турлукъду.
Келлик жыл, Аллах айтса, Къайсыннга жюз жыл толлукъду, ол кюннге бу иш битерге, тындырылыргъа керекди!

Сизден-бизден изленнген:
1. Бу ишле баргъан заманда онгу болгъан барып, таш ташыргъа, башха жумушха жараргъа.
2. Биягъы онгу болгъан ахча жаны бла болушургъа, аз бералгъан аз,кёп бералгъан а кёп.

Ёмюрде быллай ишге къатышмагъанма, хапарлы да тюйюлме, алай кел,къатыш, болуш дегенлеринде, бек къууандым, Мен былайда болмаса,Къайсыннга энди не бла жараялырма?
Къайсын-миллетни адамыды, миллети ючюн, Москба шахарда къалыргъа унамай, туугъан жерине къайтып келгенди, Миллетин сау дуниягъа белгили этгенди.
Айтып турсам,саналып турлукъду. Къайсынны менден ахшы билесиз не этгенин,къаллай инсан болгъанын.

Бу ишге уллу кёллюлюк этмегиз, къол булгъап къоймагъыз, тындырайыкъ, бир тынгылы жукъ къошайыкъ от жагъасыны къыйырына.

'Къайсыннга жюз атлам'проект сизге аманат, сиз Аллаха аманат!

Кёрмегенча, окъумагъанча этип къоймагъан 8 928 706 60 28 - Къара чачлы, сёлешсин!

КЪУРМАНЫГЪЫЗ ДА КЪАБЫЛ БОЛСУН. ЭКИНЧИ БУ ЗАМАННГА КЪУУАНЧ БЛА, САУ-ЭСЕН ЖЕТЕЙИК.
Изменено: Къара чачлы - 17.10.2013 00:38:57
"Къадарны этегинде...","Сени ючюн"...(с)
 
 
 
#2
Джаратама0
17.10.2013 01:37:51 Translit

Къара чачлы, бек иги хапар, бек иги иш. Болушайыкъ, къолдан келгенича. Ачха къайры кёчюрюлюрге керекди?

Алай а, бир айтырым - алайдагъы эл, район тамадала бу ишни къыйналмай баджарыб къоярыкъ эдиле, огъесе ала къошулмаймыдыла?
Джазыучуланы Союзу уа не дейди?
Бу ишни къолгъа алыб, башчылыкъ этген, бардыргъан кимди?
 
 
 
#3
Джаратама0
17.10.2013 01:54:48 Translit
Sabr, Аллах ыразы болсун.
Бу ишни бардыргъан Тетуланы Хадисди.
Эл таматала бу ишге артыкъ къатышмайдыла.
Дазыучулагъа да ётерге деп турама, билмей эселе.
Ахча къайры ётерге керегин, тамбла жазарма.
"Къадарны этегинде...","Сени ючюн"...(с)
 
 
 
#4
Джаратама0
17.10.2013 20:49:17 Translit
Наименование клиента: Фонд помощи сохранению памятников истории и культуры "Сто шагов к Кайсыну"
ИНН 0725990683 КПП 072501001
Банковский счет N 40703810710000000249
Кор.счет 30101810700000000741
БИК 048327741
Банк "Нальчик" ООО

Бюгюн эм биринчи Бурхан Абуюсюфович Берберов кесини чомартлыгъы бла бек къууандыргъанды!
[IMG]БЕК САУ БОЛСУН. Къайсыннга берген сыйын миллетинден кёрсюн!
"Къадарны этегинде...","Сени ючюн"...(с)
 
 
 
#5
Джаратама0
17.10.2013 21:20:41 Translit
Таланнган!
Жетмиш адам окъуду бу теманы....
Тауушсуз кетдиле да...
Жюз сомугъуз жокъмуду, ол жети минг боллукъ эди, сизге ол неди, анга уа талай иш тамам боллукх эди.

Окъуудагъылагъа, бир кюн азыракъ ашасагъыз да боллукъду деп, алай жыйгъанма....
Студентледен!

Тобады.
"Къадарны этегинде...","Сени ючюн"...(с)
 
 
 
Страницы: 1
Читают тему (гостей: 1)

Форум  Мобильный | Стационарный