Расширенный поиск
25 Июня 2026 года
Логин: Регистрация
Пароль: Забыли пароль?
Навигация
Словарь
  • Джогъун бар этген, барын бал этген.
  • Кюл тюбюндеги от кёрюнмейди.
  • Ашыкъгъан cуу, тенгизге джетмез.
  • Келинин тута билмеген, къул этер, къызын тута билмеген, тул этер.
  • Эл ауузу – элек, анга ийнаннган – халек.
  • Тин – байлыгъынг, терен саулугъунг.
  • Айранын берсенг, челегин да къызгъанма.
  • Танг атмайма десе да, кюн къоярыкъ тюйюлдю.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Джолда аягъынга сакъ бол, ушакъда тилинге сакъ бол.
  • Чакъырылмагъан джерге барма, чакъырылгъан джерден къалма.
  • Сёлеш деб шай берген, тохта деб, сом берген.
  • Экиндини кеч къылсанг, чабыб джетер ашхам.
  • Нёгерсизни джолу узун.
  • Кюн – узун, ёмюр – къысха.
  • Эркишиге тары кебек танг кёрюнюр.
  • Ёмюрлюк шохлукъну джел элтмез.
  • Нарт сёз къарт болмаз.
  • Аууздан келген, къолдан келсе, ким да патчах болур эди.
  • Минг тенг да азды, бир джау да кёбдю.
  • Ёлмесенг да, къарт дамы болмазса?
  • Эки къатын алгъанны къулагъы тынгнгаймаз.
  • Билмезни кёзю кёрмез, этмезни къулагъы эшитмез.
  • Малны кют, джерни тюрт.
  • Къонакъны къачан кетерин сорма, къачан келлигин сор.
  • Тешик этген тынчды, аны джамагъан къыйынды.
  • Дуния мал дунияда къалады.
  • Керек ташны ауурлугъу джокъ.
  • Джаралыны джастыгъында сау ёлюр.
  • Байлыкъ келсе, акъыл кетер.
  • Сакъалы текени да бар, мыйыгъы киштикни да бар.
  • Къонакъ болсанг, ийнакъ бол.
  • Юй кюйдю да, кюйюз чыкъды, ортасындан тюйюш чыкъды.
  • Кёбге таш атма.
  • Байма, деб да, къууанма, джарлыма, деб да, джылама.
  • Эр абынмай, эл танымаз.
  • Ариу сёз – къылычдан джити.
  • Тыш элде солтан болгъандан эсе, кесинги элде олтан болгъан игиди!
  • Сабийни джумушха джибер да, ызындан бар.
  • Акъыл бла адеб эгизледиле.
  • Билимден уллу байлыкъ джокъду.
  • Аллахдан тилесенг, кёб тиле.
  • Бек анасы джыламаз.
  • Къазанчы аман болса, къазаны къайнамаз.
  • Джигер – джаннга къыйынлыкъ.
  • Байлыкъ тауусулур, билим тауусулмаз.
  • Ашхы адам – халкъ байлыгъы, ашхы джер – джашау байлыгъы.
  • Сёз садакъдан кючлюдю.
  • Келлик заман – къартлыкъ келтирир, кетген заман – джашлыкъ ёлтюрюр.
  • Тил бла келеди джыр да.

Форум

Форум / Администрация / Билдириуле :: Объявления / Помощь
Страницы: 1
АЛАНЛА, бир эс бёлюгюз бу темагъа., 'Къайсын-миллетни бетиди'-дегенди Эфендиланы Салых.
 
#1
Джаратама0
17.10.2013 00:35:56 Translit
Алгъышдан башлайым:
Миллетибизге Къайсынчала туусунла!

Алайды да, мени сизге айтырым...
'Къайсыннга жюз атлам'деп иш башланнганды.
Эл тюбю деген элде, Къайсынны юйюне бурулгъан орамны жаны бла хуна къалана турады, ол хунаны юсюнде жюз плита боллукъду-сыйдам, тёртгюл, сыйлы ташдан. Хар аллай ташны юсюнде уа назмучубузну бир назмусу жазылып барлыкъды, аны бла уа алайда окъуна жюз назму хаманда да турлукъду.
Келлик жыл, Аллах айтса, Къайсыннга жюз жыл толлукъду, ол кюннге бу иш битерге, тындырылыргъа керекди!

Сизден-бизден изленнген:
1. Бу ишле баргъан заманда онгу болгъан барып, таш ташыргъа, башха жумушха жараргъа.
2. Биягъы онгу болгъан ахча жаны бла болушургъа, аз бералгъан аз,кёп бералгъан а кёп.

Ёмюрде быллай ишге къатышмагъанма, хапарлы да тюйюлме, алай кел,къатыш, болуш дегенлеринде, бек къууандым, Мен былайда болмаса,Къайсыннга энди не бла жараялырма?
Къайсын-миллетни адамыды, миллети ючюн, Москба шахарда къалыргъа унамай, туугъан жерине къайтып келгенди, Миллетин сау дуниягъа белгили этгенди.
Айтып турсам,саналып турлукъду. Къайсынны менден ахшы билесиз не этгенин,къаллай инсан болгъанын.

Бу ишге уллу кёллюлюк этмегиз, къол булгъап къоймагъыз, тындырайыкъ, бир тынгылы жукъ къошайыкъ от жагъасыны къыйырына.

'Къайсыннга жюз атлам'проект сизге аманат, сиз Аллаха аманат!

Кёрмегенча, окъумагъанча этип къоймагъан 8 928 706 60 28 - Къара чачлы, сёлешсин!

КЪУРМАНЫГЪЫЗ ДА КЪАБЫЛ БОЛСУН. ЭКИНЧИ БУ ЗАМАННГА КЪУУАНЧ БЛА, САУ-ЭСЕН ЖЕТЕЙИК.
Изменено: Къара чачлы - 17.10.2013 00:38:57
"Къадарны этегинде...","Сени ючюн"...(с)
 
 
 
#2
Джаратама0
17.10.2013 01:37:51 Translit

Къара чачлы, бек иги хапар, бек иги иш. Болушайыкъ, къолдан келгенича. Ачха къайры кёчюрюлюрге керекди?

Алай а, бир айтырым - алайдагъы эл, район тамадала бу ишни къыйналмай баджарыб къоярыкъ эдиле, огъесе ала къошулмаймыдыла?
Джазыучуланы Союзу уа не дейди?
Бу ишни къолгъа алыб, башчылыкъ этген, бардыргъан кимди?
 
 
 
#3
Джаратама0
17.10.2013 01:54:48 Translit
Sabr, Аллах ыразы болсун.
Бу ишни бардыргъан Тетуланы Хадисди.
Эл таматала бу ишге артыкъ къатышмайдыла.
Дазыучулагъа да ётерге деп турама, билмей эселе.
Ахча къайры ётерге керегин, тамбла жазарма.
"Къадарны этегинде...","Сени ючюн"...(с)
 
 
 
#4
Джаратама0
17.10.2013 20:49:17 Translit
Наименование клиента: Фонд помощи сохранению памятников истории и культуры "Сто шагов к Кайсыну"
ИНН 0725990683 КПП 072501001
Банковский счет N 40703810710000000249
Кор.счет 30101810700000000741
БИК 048327741
Банк "Нальчик" ООО

Бюгюн эм биринчи Бурхан Абуюсюфович Берберов кесини чомартлыгъы бла бек къууандыргъанды!
[IMG]БЕК САУ БОЛСУН. Къайсыннга берген сыйын миллетинден кёрсюн!
"Къадарны этегинде...","Сени ючюн"...(с)
 
 
 
#5
Джаратама0
17.10.2013 21:20:41 Translit
Таланнган!
Жетмиш адам окъуду бу теманы....
Тауушсуз кетдиле да...
Жюз сомугъуз жокъмуду, ол жети минг боллукъ эди, сизге ол неди, анга уа талай иш тамам боллукх эди.

Окъуудагъылагъа, бир кюн азыракъ ашасагъыз да боллукъду деп, алай жыйгъанма....
Студентледен!

Тобады.
"Къадарны этегинде...","Сени ючюн"...(с)
 
 
 
Страницы: 1
Читают тему (гостей: 1)

Форум  Мобильный | Стационарный