Расширенный поиск
15 Апреля 2026 года
Логин: Регистрация
Пароль: Забыли пароль?
Навигация
Словарь
  • Джарлыны тону джаз битер.
  • Ауузу аманнга «иги», деме.
  • Адамны сыфатына къарама, сёзюне къара.
  • Экеу тутушса, биреу джыгъылыр.
  • Адам къыйынлыгъын кёлтюрюр, зауукълугъун кёлтюрмез.
  • Ётюрюк хапар аякъ тюбю бла джюрюйдю.
  • Джюрек кёзден алгъа кёрюр.
  • Садакъачыны джаны – къапчыгъында.
  • Нёгерсизни джолу узун.
  • Ёнгкюч къууана барыр, джылай келир.
  • Бюгюн дуния кибик, тамбла ахыратды.
  • Къуру гыбыт бек дыгъырдар.
  • Чалманны аллы къалай башланса, арты да алай барады.
  • Аз сёлешген, къайгъысыз турур.
  • Айырылмаз джууугъунга, унутмаз сёзню айтма.
  • Тили узунну, намысы – къысха.
  • Уллу сёзде уят джокъ.
  • Ауурну тюбю бла, дженгилни башы бла джюрюген.
  • Эркишини аманы тиширыуну джылатыр.
  • Джаш къарыу бла кючлю, къарт акъыл бла кючлю.
  • Ач къарным, тынч къулагъым.
  • Сормай – алма, чакъырылмай – барма.
  • Тойчу джашха къарама, къойчу джашха къара.
  • Къууут – джелге, берне – бошха.
  • Чомартха хар кюн да байрамды.
  • Джолда аягъынга сакъ бол, ушакъда тилинге сакъ бол.
  • Аллахха ийнаннган кишини, Аллах онгдурур ишин.
  • Дуния мал дунияда къалады.
  • Бети бедерден, намыс сакълама.
  • Борчунг бар эсе, хурджунунга ойлаб узал.
  • Кюн кёрмеген, кюн кёрсе, кюндюз чыракъ джандырыр.
  • Къазанчы аман болса, къазаны къайнамаз.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Бетинги сатма, малынгы сат.
  • Аманны къуугъан, аманлыкъ табар.
  • Эл бла кёргенинг эрелей.
  • Сютню башын джалагъан къутулур, тюбюн ичген тутулур.
  • Айныгъанлы алты кюн, тогъайгъанлы тогъуз кюн.
  • Ач, тоймам, дейди, тойгъан, ач болмам, дейди.
  • Онгсузну – джакъла, тенгликни – сакъла.
  • Шайтан алдады, тюзлюк къаргъады.
  • Къонакъ кёб келюучю юйню, къазаны отдан тюшмез.
  • Къызбайны юйюне дери сюрсенг, батыр болур.
  • Орну джокъну – сыйы джокъ.
  • Джылкъыдан – ат чыгъар, тукъумдан – джаш чыгъар.
  • Къазанда болса, чолпугъа чыгъар.
  • Башланнган иш битер, къымылдагъан тиш тюшер.
  • Ат басханны джер билед.
  • Къар – келтирди, суу – элтди.
  • Ачлыкъда тары гырджын халыуадан татлы.

Форум

Форум / Бёлюмле :: Тематические разделы / Ана тилде :: Ana tilde
Страницы: 1
kalejchi, къайдасыз???, Бу форумда тура эсегиз, меннге бир билдиригиз!
 
#1
Джаратама0
04.03.2012 03:21:11 Translit
kalejchi, кюнюгюзню ашхы заманы болсун! Бир сёлеширим бар эди сизни бла...бир бек керек эди! Форум джангыргъанындан сора уа табалмагъанмада къалгъанма сизни. Бу форумда тура эсегиз, меннге бир билдиригиз!
...наперегонки со своей волной!
 
 
 
#2
Джаратама0
04.03.2012 03:24:28 Translit
Келигиз, къарачайча бир айтайыкъ…

Келигиз, сакълайыкъчын
Къарачайыбызны!
Къарачайча айтайыкъчын,
Бой салмагъан ичибизни!
«Ну, в общем» - деб мени тенгим
Кесин акъыл токъмакъ этеди…
Ким юретген алай сени?
Ол «пелях» къылыгъынг неди?
«Вообще? «на самом деле»? «круто»?
Таулу сёзле къайдадыла?
Башчыгъынгы ёрге тутма!
Бек хысмыс затладыла!
«Короче» - деб, башламагъыз
Айтыр энчи сёзюгюзню!
Салмагъыз, бой салмагъыз,
Кёре, къуругъан кёлюбюзню –
Тилни ахыр тамчыларын
Кюн тюбюнде къоюб кетиб…
Акка тыялмайд джыларын:
«Къалай къойдугъуз алай этиб?
Мен бош атханмем джанымы
Таулачюн окъла тюбюне?
Сакъларчюн къарачайымы
Аллахдан тилей кюнден кюннге…»
Мындан ары бир сёз айталмад,
Болуб кёзлерин ууаргъа…
Джюрегимде бир затым къалмад –
Къарачай арбазда къара къаргъа!
Къуруб баргъан тилибиз,
Ташча миллетни бойнунда,
Къоюб барад къалын ыз
Джоюлгъан тенгизни къойнунда
Къарачай къычырады!
Келигиз, аны сакълайыкъ!
Джюрегибиз къаты урады –
Бютеу къарачайча айтайыкъ!!!

16.02.2012
...наперегонки со своей волной!
 
 
 
#3
Джаратама0
04.03.2012 03:34:02 Translit
Sagal,
Марьяша :rose: Бу назмунгу башха темада да салгъанма, ана тилни кюнюне аталыб конкурсла ётдюле, деген :)
Говорят, физически человек обновляется каждые семь лет. А духовно не обновляется ли человек еще чаще? Сколько человек умирает в одном человеке, прежде чем сам он умрет?
 
 
 
#4
Джаратама0
04.03.2012 18:24:55 Translit
Sagal,
Салам!

Назму джазгъанынгы тохтатмагъанынга бек къууандым.
Къалежчи=Сабр
 
 
 
#5
Джаратама0
04.03.2012 22:50:28 Translit
Мен да къууандым сизни табылгъаныгъызгъа!!! :) Сау келигиз!!! :браво:
...наперегонки со своей волной!
 
 
 
Страницы: 1
Читают тему (гостей: 1)

Форум  Мобильный | Стационарный