Форум

Цитата
Амий пишет: Аямады бизни заман, Болалмады бизге дарман. Эки джюрекде бир джара, Табылмады сенге джарар. Джазуумед, огъэсе адам,Киргенед арагъа, къайдам? Алай а, къоймалла бирге,Къуанч кюнлеге тюберге. Сакъат болса да къанатым, Сенге джетергедмуратым. Аямаса да чырт заман, Джюрек от суумаз, ийнан.

ХХХ

Аямады бизни заман,
Болалмады бизге дарман.
Эки джюрекде бир джара,
Табылмады сеннге джарар.

Джазыумед, огъесе, адам
Киргенмед арагъа, къайдам?
Алай а, къоймалла бирге,
Къууанч кюнлеге тюберге.


Сакъат болса да къанатым,
Сеннге джетергед муратым.
Аямаса да чырт заман,
Джюрек от сууумаз, ийнан.

Бек иги назму болгъанды. Героинянгы джашауу да тюзелиб, алай иги болсун.

Sabr, Диананы юсюнден бу фикирни мен аны назмуларыны юсюнден жазмагъанма, жазарыкъ да тюйюл эдим, нек дегенде, алыкъа ала "ишленир" кереклидиле. Сен да кёрюп тураса аны. Бу сен келтирген сёзюмю уа, аны «Ачыкълаялмагъан сагъышларын» (къара сёз бла жазылгъан къысха чыгъармасы) окъуп, алай жазгъан эдим.Анда керти да терен акъыл, халкъгъа уллу сюймеклик, къара сёзге хунерлиги баям эди. Къара сёзге усталыгъы болгъан жаш адам келеди литературагъа деп, иги къууум этгенлигим эди ол.

Бюгюнлюкде литературабызгъа Жабалланы Лаура деп бек фахмулу къызчыкъ келе турады. Ол назму жорукъгъа терк тюзелип (ана тилин а уста хайырлана биледи), ахшы назмула жазып башлагъанды. Былайда мен аны нек сагъынама? Ол да, жаш назмучуланы кёбюсюча, назмуларын Туугъан Жерине, Ата Журтуна сюймекликден башлагъанды. Алай аны сюймеклиги къуру ариу сёзле угъай, керти сюймеклик богъанына жюрегинг бла ийнанаса. Ол а фахмулукъну биринчи шартыды. Жазыучуларыбызны кёбюсю тынгылауну басып тургъанда заманда (ариу кёрмезле, тап ишге аякъ удурмазла, саугъа зат бермезле деп), халкъыбызны басычакълап тургъанларын, жюреги къан тарай, алай жазады Лаура. Ма бу эки зат эди жаш къызларыбызгъа махтау салдыргъан. Сен аны бек уста биле эдинг,..

Кесме жолуму...

Сен жашай келдинг,
Игини-аманны сездинг.
Абадан жылынга жетдинг,
Кимге, не игилик этдинг?

Сёзюм ачыды мени,
Болса да, озмайма сени.
Барды мени атам-анам,
Тутдургъан манга къалам.

Айтды атам манга:
-Не зат барды санга,
Жарсыргъа, жиляргъа,
Нетюшдю сынаргъа?

Жашауну толкъуну
Кюрешир тюерге.
Ол этер жолунгу,
Не энишге, не ёрге.

Жаууннга, бораннга,
Желлеге тюбетир.
Белгисиз орамда,
Бюгюнню кюсетир.

Кёп айтама, алай...
Тёзерге уа юйрен!
Сууукъгъа тёзалгъан,
Сау чыгъады кюлден.

Эришген эришсин,
Бош оздурма заман.
Ташадан сёз эшитсенг,
Тюрлендирме къарам.

Излерле жолунгдан
Шашдырыр амалла.
Келгенде колунгдан,
Сен эс бурма анга!

Сыфатха жетерле,
Юсюнге-башынга.
Сатхычлыкъ эерле,
жашыра-жашыра.

Кёп сёзле жаярла,
Къыйнаргъа деп сени.
Жолунгдан тыярла...
Алай болма женгил!

Башынгы энишге
Ийме, тут ёрге!
Чыгъалсанг а тёшге,
Сен санама тёрге!

Сен, ачыу келгенде,
Бар, тюнгюлмейин бар.
Жауунда жибиген
Да излейди мада.

Кесме сен умутну,
Ол керекди санга.
Сен туугъан журтунгу
Жюрютесе жанда.

Сёзюнгю сыйырып,
Кёзюнгю жабарла.-
Ол тюйюл къыйыры!
Сен ётерсе жардан!

Сен атларса алгъа,
Къалмай таш арада.
Жерде болма къаргъа,
Бол балхам жарагъа!

жеталмаз болгъанын
Тургъанда да билип.
Соз Тейри къылычха
Къолунгу, нюр этип!"

Атам, къайгъырма сен,
Муратха жетерме мен!
Къара ниетле ёлюрле,
Адамла жарыкъ кёрюрле!

Мени абындыргъанла
Къапханнга тюшерле.
Зулму къабындыргъанла
Тюзлюкге да тюберле!

Тюзлюк аланы сын этип,
Жюреклерин а ачар.
Эркиши сыфаты кетип,
Къаламны атып, къачар!

Абындырмагъыз жашланы,
Сиз тюйюлсюз ёмюрлюк!
Тюймегиз къашланы,
Жаныбыз бир- бир ёллюк!

Амий,
ой, жазар затым болса, къайда да жазып турлукъ болур эдим, жокъду да, тынгылайма ))) Амий, сизни назмуларыгъызны да ол къауумда салыр эдим, угъай демей эсегиз. Ала энди жазып башлагъанлагъа юлгю боллукъ эдиле. Къалай дейсиз ?)

Цитата
Jabel пишет: Амий, ой, жазар затым болса, къайда да жазып турлукъ болур эдим, жокъду да, тынгылайма ))) Амий, сизни назмуларыгъызны да ол къауумда салыр эдим, угъай демей эсегиз. Ала энди жазып башлагъанлагъа юлгю боллукъ эдиле. Къалай дейсиз ?)

конвейерден чыгъаргъанча кишида джаза болмаз)) блайин сууутуб къоймагъыз, къалай болсада :-). Мен джазгъанланы уа сала бер, простойчукъладыла, сабий да англарчады (что слова, что техника)))

elbars,

Аллахха шукур, назму кибиклерими кем жерлерин кере башлагъанма, сора, сиз эслегенигизча, ол кемликлени кесим къурутургъа сюеме. Къайдам, къаламгъа узалгъан ким да алай болур. Сизге да жазгъанларымы басмалагъыз деп угъай, къарыусуз жерлерими кергюзтсегиз деп баргъан эдим. Ол затда бек болушхансыз. Басмаланыргъа уа ашыкъмайма, тюзю. Алыкъын жазгъанымы кесим да окъуялмайма сюйюп.

КАМАТУР (Къарачай-Малкъар-Тюркие) Тюркде,
Эресейде "Элбрусоидча",
бир магъаналы, белгили сайтды. Не эсе да, бир бёлек заман, джангы джукъ салыныб кёрмейме анда. Алай а, аны къурагъан Адилхан да, анга юлюш къошхан башха къарнашларыбыз да тынч-эсен болурла деб, умут этеме. Murat Bağcı бу назмуну фейсбукга салыб тургъанын кёрюб, КаМаТурну къалай унутуб турабыз дедим кесиме. КаМаТургъа да кёз джетдире турайыкъ, аланла.


Bilal LAYPAN

KAMATURGA – HALKGA EMDA SAYTHA

Kamatur – kama, tur
Cavlanı kamatırça ur
Kampaytırça ur
Cathanıñ, cuklaganıñ bollukdu, tamam
Uyanırga cetgendi zaman

Kamatur, tur
Duşmannı kamat, ur
Kavşatırça ur
Şohlaga va kalkan bolub tur

Birlikde tirilik – Kamatur
Karaçay-Malkar-Türkiye
Allahnı allında baş iye
Şukurla etebiz Añña

Bizni adam etib carathanı üçün
Bizni musliman etib carathanı üçün
Bizni Türk etib carathanı üçün
Hak colnu tanıthanı üçün

Türkbüz, kanıbız, canıbız bla
Cüregibiz, añıbız bla
Kadarıbız bla

Kamatur birikdiredi bizni
Költüredi kölübüznü
Cıydıradı esibizni
Tanıtadı kesibizni

Aytadı Kamatur
Türk halkı, örge tur
Tarihiñe tıyınşlı bol
Cazıvuña iye bol

Tin bayragıbız – Kamatur!
Bizni haram cukudan uyathanlay tur
Azança eşitilgenley tur
Horlam bayrakça çaykalganlay tur

Suv ketse da taş kalır
Sen da alay kala tur
Kamatur
Kim ketse da, ne ketse da
Sen duniyada caşab tur
Kamatur

Sen birikdirese bizni
Köllendirese bizni

Halkıbızga
Cürüşlü bol deyse
Eki duniyadan da
Ülüşlü bol deyse
“Amin” deyme men da

Uzakda bolsañ da em cuvuksa menñe
Halkımsa, bayragımsa, oraydamsa meni

Terseygenleni da tüz colga bur
Bizni birikdirgenley, köllendirgenley tur
Milli marşça eşitilgenley tur
Horlam bayrakça çaykalganlay tur
Erkinlikge, Tüzlükge, İgilikge çakırganlay tur

Caşa, KAMATUR.

Билал ЛАЙПАН

КЪАМАТУРГЪА – ХАЛКЪГЪА ЭМДА САЙТХА

Къаматур – къама, тур –
Джауланы къаматырча ур,
Къампайтырча ур.
Джатханынг, джукълагъанынг боллукъду – тамам.
Уяныргъа джетгенди заман.

Къаматур, тур.
Душманны къамат, ур.
Къаушатырча ур.
Шохлагъа уа – къалкъан болуб тур.

Бирликде тирилик – Къаматур:
Къарачай-Малкъар-Тюркие.
Аллахны аллында баш ие,
Шукурла этебиз Анга –

Бизни адам этиб джаратханы ючюн,
Бизни муслиман этиб джаратханы ючюн,
Бизни тюрк этиб джаратханы ючюн,
Хакъ джолну танытханы ючюн.

Тюркбюз – къаныбыз, джаныбыз бла,
Джюрегибиз, ангыбыз бла –
Къадарыбыз бла.

Къаматур бирикдиреди бизни,
Кёлтюреди кёлюбюзню,
Джыйдырады эсибизни,
Танытады кесибизни.

Айтады Къаматур:
Тюрк халкъы, ёрге тур.
Тарихинге тыйыншлы бол,
Джазыуунга ие бол.

Тин байрагъыбыз – Къаматур!
Бизни харам джукъудан уятханлай тур,
Азанча эшитилгенлей тур,
Хорлам байракъча чайкъалгъанлай тур.

Суу кетсе да,таш къалыр.
Сен да алай къала тур.
Къаматур.
Ким кетсе да, не кетсе да,
Сен дунияда джашаб тур.
Каматур.

Сен бирикдиресе бизни,
Кёллендиресе бизни.

Халкъыбызгъа
Джюрюшлю бол дейсе,
Эки дуниядан да
Юлюшлю бол дейсе.
«Амин» дейме мен да.

Узакъда болсанг да эм джууукъса меннге.
Халкъымса, байрагъымса, орайдамса мени.

Терсейгенлени да тюз джолгъа бур,
Бизни бирикдиргенлей, кёллендиргенлей тур.
Милли маршча эшитилгенлей тур,
Хорлам байракъча чайкъалгъанлай тур –
Эркинликге, Тюзлюкге, Игиликге чакъыргъанлай тур.

Джаша, КЪАМАТУР.

Bilal LAYPAN


ТЮРКНЮ ДЖАНГЫДАН АЧАБЫЗ

Джамилени минараларыча,
Тюз бол Кёкге да, Джерге да.
Азан таууш тартады бизни
Тюркге да, ёрге да, тёрге да.

Кёз ачар ючюн, айланыр ючюн,
Келмедим бери.
Тюшюнюр ючюн, ийнаныр ючюн,
Бегир ючюн келгенме бери.

Келдим бери эсими, ёзюмю
Зулмуну ийисинден-къурумундан тазалар ючюн.
Кирге булгъаннган сёзлерими да
Шийирлер ючюн, назмулар ючюн.

Келдим бери
НЮР-ленир ючюн, АЙ-ланыр ючюн.
Тюркиени сюйдюм
Иманы ючюн, айраны ючюн.

Джаннга, тёнгекге да –
Ашы халал.
Мында азанчы болургъа изледи
Назмучу Лайпанланы Билал.

Истанбулну уллу джамилеринде
Къылдым намаз.
Дуаларымда – джюмлей муслиман
Эмда – Кавказ.

Харам-гюнах – аман аууш –
Къалды артда.
Алда – Айкъанат азан таууш:
Аллаху акбар!

Аят орнуна назму окъудум –
Сер сёзюме да болмады кюлген.
Мени Тюркге чакъырыб,
Аллахха джууукъ этиб,
Суаблыкъ алды Мустафа Къарабаш –
Мустафа Ёзюнегювен.

Сау бир ёмюрню кесилиб джолла
Кесибиз джашадыкъ, тюздеча.
Энди Тюркню джангыдан ачабыз –
Дини, тили, айраны да биздеча.

«Аллах барды, бирди, ишек джокъду»,- деб,
«Аллаху акбар» деб, бир сафха
Тизилебиз узакъла, джууукъла да.
Азан тауушха келебиз бери,
Азан тауушну элтебиз Джуртха да.

Дау кёб, джау кёб, умут – Аллахданды,
Кюч алайыкъ имандан, бир-бирибизден да.
Аллах айырмасын энди бизни
Тюркюбюзден, Тюрклюгюбюзден да.
Амин.

ДОКТОР МУСТАФА ДОММАЙЧЫ

Болдум назмучу, миллетчи,
Болдум джулдузчу, Айчы.
Унутдум къайгьыны, джарсыуну –
Измирде окъудум джазыуну:
Доктор МУСТАФА ДОММАЙЧЫ.

Доммайчыны туудугьу бла тюл,
Биз тарих бла тюбешдик.
Доммайчы сёлешген тилде –
Къарачай тилде сёлешдик.

Джуртха къайытханлай, Доммайчыны
Къабырына ашыгьырыкъма.
«Туудугьунгу кёрдюм Тюркде» деб,
Мен бир тюз аскерчи аскер башчыгьа
Хапарны тюзюн айтырыкъма.

Ол, къурч ауазы къалтырай, сорур:
Тюркге нек кёчгенле?- деб,
Джуртларын къоюб нек кетгенле?- деб,
Темир джаны тынгысыз болур.

Дагьыда сорур:
Ана тиллерин билемилле?- деб,
Ата джуртларын джокълаймылла?- деб,
Бир-бирлерин джакълаймылла?- деб,
Къарачайчылыкъны сакълаймылла?- деб.

Дагьыда:
Къарачай джашаймыды, джашарыкъмыды?- дер,
Анга кимден, неден къоркъуу барды?- дер.

Сора бизден бек къаты сорур:
Тили, тини да джашнар ючюн,
Къарачай джашар ючюн,
Насыблы, зауукълу джашар ючюн,
Не этгенсиз сиз? Не этесиз сиз?

Деу Доммайчыны бу соруууна,
Ата-бабаланы бу сорууларына
Биз къаллай джууаб бере билейик,
Сыйлы къарнашым МУСТАФА ДОММАЙЧЫ?!

Ала бердиле бизге бу тилни, Джуртну да,
Аладан кёчдю бизге адет да, тёре да..
Бизден а не къалыр туудукълагьа,
Не къалыр? Эшитемисе,
Доммайчыны туудугьу Доммайчы?!

Бизге уяныргьа джетгенди заман.
Къарачайгъа джаныбыз къурман.
Халкъ хастады, джетгенди заран.
Керекди оноу, керекди дарман.
Не айтырса, доктор Мустафа Доммайчы?

Да сау къал доктор Мустафа Доммайчы.
Не мында, не Джуртда
Кёрюшюрбюз, Аллах айтса.
Хошча къал, доктор МУСТАФА ДОММАЙЧЫ

Къара чачлы, бек сау бол, аперим, аламат бериу этгенсиз.

Адамла, Дианабыз къаллай телебериуле этеди. Джангы ишине былайда къараргъа боллукъду:
http://www.allrussia.tv/kabardino-balkarija/

Бу къайнакъ (ссылка) бла киргенлей, сол джанында кёрлюксюз: Программы (передачи) на балкарском языке. Аны басханлай - ол программала чыгъадыла. Анда - 2014. 07. 11 "Белгиле" (на балкарском языке). Былайда норвежли джазыучу Киттелсенни бизни джуртха келгенини юсюнден да хапар айтылады (Джурбуаев Махтиден сора).

Къара чачлы, Эрлинг бизни "Нартланы" норвеж тилге кёчюрюрге излейди. "Нартларыгъыз" ингилиз, неда немец тилде бармыды деб сорады.
Абдуллахха да айтханма. Бек иги иш боллукъ эди...

Цитата
Къара чачлы пишет: Билал, ма бу ссылка бла кирсенг биягъы,Эрлингни юсюнден бериуню да кёрлюксе. http://www.allrussia.tv/kabardino-balkarija/

Диана, сен бу бериуню (ссылкасын тюл, кесин!) мени электрон почтама бир джибер. Аны Киттелсенни кесине иейим - норвежча къысха комментарийле да бериб. Ссылка бла уа ол длжукъ табаллыкъ, къараяллыкъ тюлдю.

Ол бир айтханыма да бир эс бёл: Эрлинг норвежчагъа кёчюрюр ючюн, нартланы ингилизчасы керекди.

2014 джыл, июлну 10, "Къарачай" газет

Джаздырыуну эсеблери
ТИРАЖ ЮЧ МИНГНГЕ АЗ БОЛГЪАНДЫ

2014-чю джылны экинчи джарымына газетлеге джаздырыу иш тамамланды.

Аны эсеблери бизни да, окъуучуларыбызны да къууандырырча тюлдюле. Джылны ал джарымында «Къарачай» газет 8600-ден артыкъ экземпляр болуб чыкъгъан эсе, энди аны тиражы 5500 экземплярдан аз атлагъанды. Джылдан джылгъа тираж энгишге тюше да, кёлтюрюле туруучан эди. Бу джол а оюлуб къалды. Аны джангыз бир чуруму барды почта газетлени багъаларын эки къатха кёлтюргени. Сёз ючюн, «Къарачай» газетни каталог багъасы 27 сом 50 капекди. Бусагъатха дери джарым джылгъа джаздырыу багъасы 180 сом эди да, къалгъаны - 152 сом бла 50 капек - почтаны бочхасына тюшюб тургъанды. Не келсин, почта, аны да азгъа санаб, кесини бюгюннге дери баджарыб келген джумушу ючюн дагъыда 181-шер сом къошханды газетлени багъаларына. Нек? Ангылагъан къыйынды. Почтальонланы айлыкъ джалларын кёлтюрселе, миллетге этген джумушларыны дараджасын иги этселе «хохо» да дер эдик - бир зат тюрленмегенди. Биягъынлай иги кесек элде почтальон джокъду, почтаны иши андан да аман болмаса, иги болмагъанды. Почта кеси да «къулакъ салдырама деб, мюйюз алдыргъаннга» ушайды - газетлеге джаздырыуну багъасын кёлтюргени ол излегенча хайыр бермегенди. Тиражланы кючлю къысхаргъанларына кёре, аллай бир аз ачха тюшгенди почтагъа. Бизге хатасы да алай - 3 мингден артыкъ окъуучубуздан айыргъанды.

Бирси республикан кърал газетлени тиражлары да тюгел бизни газетча къысхармасала да, иги танг тёбен тюшгендиле. Энди «День республики» 3800 (джылны ал джарымында 5500), «Черкес хэку» 3000 (3715), «Абазашта» 2800 (3317), «Ногъай давысы» 1899 (2100) экземпляр болуб чыгъадыла.

Джаздырыуну шахарлада, районлада, элледе эсеблерине къарасанг, кёлюнг салкъын болурча халны кёресе. Джылны ал джарымында Джёгетей Аягъы почтамт (анга Джёгетей Аягъы, Гитче Къарачай, Къарачай районла, Карачаевск шахар киредиле). «Къарачай» газетни 6400 экземплярына джаздыргъан эдиле. Энди уа - 3724 экземпляргъа. Черкесск, Зеленчук почтамтла да бек къолайсыз бардыргъандыла джаздырыу ишни. Бири джылны ал джарымында «Къарачай» газетни 1400, бири да 820 экземплярына джаздыргъан эселе, бу джол ол санланы 920 эмда 460-ха тюшюргендиле. Сёз ючюн, бюгюнлюкде 30 мингден аслам къарачайлы джашагъан Черкесск шахарда къуп-къуру 210 адам алады газетибизни. Тенглешдиригиз: «Абазаштагъа» 310 адам джазылгъанды. Бу джол Доммай посёлокда, Къобу Башында, Къызыл Урупда, Садовое элледе газетибизни бир экземплярын да алмайдыла.

Уллу эллени да бир къауумунда «Къарачайгъа» джаздырыу бардырылмагъаннга ушайды. Сёз ючюн, Дружба элде 3 адам, Огъары Ташкёпюрде 8 адам, Теберди шахарда да 30 адам джаздырылыб къалгъанды. Джылны ал джарымындан эсе Къумуш элде, Джёгетей Аягъы шахарда юч кереге, Карачаевск бла Къызыл Октябрь элде алты кереге аз болгъанды окъуучуларыбызны саны.

Тюздю, «багъады» деб джазылмагъандыла кёбле. Алай а почта иги ишлеген джерледе, багъасына да къарамай, биягъынлай кёб адам джазылгъанды «Къарачайгъа».

Ана тилибизде чыкъгъан джангыз газетибизни миллетни джашауунда магъанасын ангылаб, анга джаздырыугъа терен къайгъыргъанлары ючюн Важное, Эски Джёгетей, Гюрюлдеуюк, Джагъа, Кичи Балыкъ, Огъары Мара, Красный Курган, Ючкекен эллени, Сторожевая стансени почта бёлюмлерини тамадаларына разылыгъыбызны билдиребиз. Аны бла бирге «Къарачайгъа» кертилей къалгъан окъуучуларыбызны барысына бюсюреу этебиз.
Редакция.

И где можно увидеть этот перевод?

Sabr,Эльбрусоид-Москва хапар биляллыкъды , деб турама. Алай а бусагъатда миллет каникуллагъа чыкъгъан болурму

))))))))))))))))))))