Расширенный поиск
18 Апреля 2026 года
Логин: Регистрация
Пароль: Забыли пароль?
Навигация
Словарь
  • Къарыусузгъа кюлме, онгсузгъа тийме.
  • Ата джурт – алтын бешик.
  • Къатын байлыкъны сюер, эр саулукъну сюер.
  • Уллу къашыкъ эрин джыртар.
  • Соргъан айыб тюлдю, билмеген айыбды.
  • Мен да «сен», дейме, сен да «кесим», дейсе.
  • Ауругъан – джашаудан умутчу.
  • Эрни эр этерик да, къара джер этерик да, тиширыуду.
  • Аман хансны – урлугъу кёб.
  • Ашха уста, юйюнде болсун
  • Ачлыкъда тары гырджын халыуадан татлы.
  • Окъ къызбайны джокълайды.
  • Сабийликде юретмесенг, уллу болса – тюзелмез.
  • Адам къыйынлыгъын кёлтюрюр, зауукълугъун кёлтюрмез.
  • Къатын къылыкъсыз, эр тынчлыкъсыз.
  • Кёбден умут этиб, аздан къуру къалма.
  • Айтхан – тынч, этген – къыйын.
  • Иги адамны бир сёзю эки болмаз.
  • Эри аманны, къатыны – аман.
  • Ашда – бёрю, ишде – ёлю.
  • Ата – баланы уясы.
  • Ёлюк кебинсиз къалмаз.
  • Ана къолу ачытмаз.
  • Гугук кесини атын айтыб къычыргъанча, мен, мен деб нек тураса?
  • Биреу ашаб къутулур, биреу джалаб тутулур.
  • Къызбайны юйюне дери сюрсенг, батыр болур.
  • Сыфатында болмагъаны, суратында болмаз.
  • Нёгер болсанг, тенг бол, тенг болмасанг, кенг бол.
  • Таш ата билмеген, башына урур.
  • Мураты болгъанны джюрек тебюую башхады.
  • Намыс болмагъан джерде, насыб болмаз.
  • Чомартха хар кюн да байрамды.
  • Зар адамны насыбы болмаз.
  • Кёл ашады да, кеси ашады.
  • Ашхы атаны – джашы ашхы, ашхы ананы – къызы ашхы.
  • Дуния малгъа сатылма, кесингден телиге къатылма.
  • Ариу – кёзге, акъыл – джюрекге.
  • Юй ишлеген балта эшикде къалыр.
  • Адамны аманы адамны бети бла ойнар.
  • Аз айтсам, кёб ангылагъыз.
  • Дженгил джетерикме деб, узун джолну къоюб, къысхасын барма.
  • Къайгъы тюбю – тенгиз.
  • Хар адамгъа кеси миннген тау кибик.
  • Къарнынг ауруса, ауузунгу тый
  • Байлыкъ адамны сокъур этер.
  • Кесине гебен этелмеген, биреуге черен эте эди.
  • Къонакъ аз олтурур, кёб сынар.
  • Кюлме джашха – келир башха.
  • Къатыны харакетли болса, эри къымсыз болур.
  • Джашны джигитлиги сорулур, къызны джигерлиги сорулур.

Форум

Форум / Бёлюмле :: Тематические разделы / Ана тилде :: Ana tilde
Страницы: 1 2 След.
Тау тилибизде ушакъ нек этмейбиз былайда окъунча?, Неди бу тилге артыкълыкъ?
 
#1
Джаратама5
22.12.2012 19:07:29 Translit
Мында къарачай-малкъар тилде бардырылыргъа керекди хапар, нек дегенде, эм баш жоругъу Эльбрусоидни тилни сакълау тюйюлмюдю, огъесе мен шашдыргъанмы этеме?
Тау тилибизде айталмагъан сезимибизни, неда айтырыгъыбызны орус тилде айтала эсек, биз ана тилге "Ана тилибиз" деб къалай айтабыз? Ана тилде жазгъан къыйынды дейбиз, кёлюбюзню салыб,кюрешсек, ана тилибизден ауузубузгъа, жазгъанда къолубузгъа да ушашлы, келишген, тынч келген тил жокъду! Биз кесибиз да билмейбиз тау тилден кенге нек кете баргъаныбызны, алай, хар затда ма бу бош жазыуладан башланады. Бир харф жазарыкъ эсек да, тизгинле тизерик эсек да, ана тилде, тау тилде, къарачай - малкъар тилде! "Къатылыкъгъа тауладан юйреннген миллет" тилин аздан-аздан бош жерде тас, тас угъай, жокъ этиб барады! Хар неда бизни къолубуздады, алайды да, тилге къаты болайыкъ, кесибиз да, былайдан башлайыкъ!
Изменено: Къара чачлы - 22.12.2012 19:51:19
"Къадарны этегинде...","Сени ючюн"...(с)
 
 
 
#2
Джаратама1
22.12.2012 19:28:29 Translit
энтда бир затчыкъ бир джаз, шо!)))
 
 
 
#3
Джаратама3
22.12.2012 19:34:20 Translit
)))
Изменено: Къара чачлы - 22.12.2012 19:52:05
"Къадарны этегинде...","Сени ючюн"...(с)
 
 
 
#4
Джаратама0
22.12.2012 19:42:36 Translit
Да къайдам, бизге айтыргъа излегенинги толу магъана салыб джаз.
Сез ючюн. Ма мен не деб джазаргъа керекме бунда, нени юсюнден?
Аны тышында - ана тилни тутхан башха темала бармыдыла бу форумда?
 
 
 
#5
Джаратама3
22.12.2012 19:53:45 Translit
Кюрешдим...
"Къадарны этегинде...","Сени ючюн"...(с)
 
 
 
#6
Джаратама2
22.12.2012 20:09:33 Translit
Аперим:alamat:
 
 
 
#7
Джаратама1
22.12.2012 22:21:39 Translit
Къара чачлы, АДАМ!!!!!!!:alamat:
с УВАЖЕНИЕм !
 
 
 
#8
Джаратама2
22.12.2012 22:42:59 Translit
Къара чачлы, бек сау бол.

Бешикдеги да айтсын - тюзюн айтсын ансы. Кимни сёзю, тилеги къабыл болурун, киши да билмейди. Сенича сагъыш этгенле кёбюрек болсала, тилибизге къоркъуу болмаз эди. Джюрек джюрюмесе - адам ёледи. Тил джюрюмесе - халкъ ёледи. Аны ангылар заман а эртде болгъанды.

Кесинг да тауча, хазна халат этмей, не ариу джазаса. Школда устазларынг иги болубму, огъесе кесинг кюрешибми?
Аны не ючюн айтама, "школда окъутмагъандыла да, ана тилибизде джаза билмейме" деб, тургъанла бардыла. Алагъа уа не айтыргъа боллукъса?
 
 
 
#9
Джаратама1
22.12.2012 22:46:04 Translit
дыдай-дыдай:(алайды-алайды:)
 
 
 
#10
Джаратама1
22.12.2012 23:18:22 Translit
Ана тилибизде барды раздел, хайда, джазыгъыз анда темалада. ансы, ол темаланы мен бери чыгъара да, кеси кесим бла шашхынлы адамча ушакъ эте, киши джукъ джазмаса, ала да тас бола, бу не чотду? Сакълайма, ол темалда джазсанг а:щаз:
псори тамам
 
 
 
#
Джаратама1
  Translit
 
 
 
#11
Джаратама3
22.12.2012 23:38:10 Translit
САБР!
Жарсыуугъа, экибиз да билебиз, жаш тёлю тилибизге къалай уллу кёллю болгъанын! Тилибиз кишиге да керек болмагъанча, "ёксюз сабийча" болуб къала турады! Кёлленсем, ол сабий кеси кесин сюйдюрюб, кесине жол этиб а къоялырмы деб ,умут этеме. Болсада, бюгюнню кёре тургъанлай, тангым бла келликге артыкъ да ышанмайма, дагъыда, умутум умутлуду...
Халатланы юсюнден айтсам, мен кесим билиб этген малкъар тилимде халатларым кёбдюле, сёз ючюн ( ма билиб деген сёзде окъунча, ахырында б - харфны орунунда п - харф болургъа кереги) мен бу жорукъгъа сыйынмай, б бла жазама! Эм да жазарыкъма, кесими тарихде келген бегимлерим бардыла анга деб!
Ана тилни билге излегенни, не осал устазда акъсаталлыкъ тюйюлдю, аны себебли, терслик сохталадады!
"Къадарны этегинде...","Сени ючюн"...(с)
 
 
 
#12
Джаратама1
23.12.2012 00:30:02 Translit
айтханынгда барды магъана ..
юйде сабийле бу садикле бла ана тилден эсе орус тилни игиракъ биледиле. кесими заманымда садикге да жюрюмеген эдим. алай жарсый эдим орусча билмей школгъа къалай барыкъма деп = ))) энди уа юйде тюйюшюрге тюшеди сабийни тауча нек юретмейсиз деп. сёлешкенде да "тауча айт" дегенлей турама, орусча жууап берсе =))
кино ала барыкъма энди . эльбрусоид бла Сарин Студио! )
My homepage
 
 
 
#13
Джаратама2
23.12.2012 00:47:01 Translit
Иги болду, сабий садны эсиме салгъанынг! Шёндюгю дунияда сабийлери орусча сёлешселе, ата-анала ёхтемленген этедиле, анга не айыб, тау тиллерин да иги билмей тургъан уллула, тиллерин кюсемей, орус тилде айтыргъа излеселе, билмейме не эт! Орус тилге бюгюннгю сабий сюйсе-сюймесе да юйренирикди, тамамы бла да алай юйренирикди! Орус тилге бир уста тилленсе уа, ана тилинде селеширин унут да къой. Сейир неге этеме десегиз, черкеслилени не уллу къуллукъчулары да мадарлары болгъанлай тиллерине кёчюб къаладыла, бизни уа асламыбыз тау элледе туруб окъунча ЫЛЫКЪСЫННГАН этедиле тилибизде селеширге дерге боллукъду, ма ол кюннге жетгенбиз! Мындан ары да жол болурму бу ызыбызда, къайдам...
Изменено: Къара чачлы - 23.12.2012 00:48:17
"Къадарны этегинде...","Сени ючюн"...(с)
 
 
 
#14
Джаратама0
23.12.2012 01:02:44 Translit
Къара чачлы,
АЛЛАХ АТМАСА БИЗНИ МИЛЛЕТНИ ,БИЗГЕ КИШИДА БИР ДЖУКЪДА ЭТАЛЛЫКЪ ТЮЛДЮ! ДЖАУЛАГЪА КЕСИБИЗ КЪОШУЛСАКЪДА БИЛМЕЙИН!


БУ ЗАТЛА СЫНАМДЫЛА БИЗНИ САУ МИЛЛЕТИБИЗГЕДА, ХАР БИРИБИЗГЕДА ЭНЧИ-ЭНЧИ.. ЭС ТАШЛАМАГЪЫЗ АЛАНЛА ,)))

АЛЛАХ БИРДИ! ОЛ КЕРТИДИ! АЛЛАХ,БИЗНИ МИЛЛЕТНИ АЯБ-АСЫРАБ ТУРГЪАНЫ КЁБ ЗАТДА БИЛИНЕДИ,ИГИ КЪАРАГЪАННГА,САГЪЫШ ЭТГЕННГЕ!
с УВАЖЕНИЕм !
 
 
 
#15
Джаратама2
23.12.2012 01:13:15 Translit
Болсада, Аллах сен къадар этсенг, мен мадар этерме дегенди! Алай, биз мадар этсек! Бизде мадар этерге излегенле кёб жокъдула! Тюзю, ол мадар кишиге да керек тюйюлдю, артыкъ сагъыш дерге боллукъду. Жаш тёлю бу сагъышха кирмесе, биз къалай ышанырыкъбыз тамблагъы кюн неда тюзелир деб? Хар не да Аллахны къолундады, ызыбла уа бизни!
"Къадарны этегинде...","Сени ючюн"...(с)
 
 
 
#16
Джаратама0
23.12.2012 06:57:19 Translit
Къара чачлы,

Тау тилибизде ушакъ нек этмейбиз былайда окъунча?

окъунча - окъурча, огъесе, башха магъанасымы барды? Опечатка эсе тюзет, башха магъанасы бар эсе - ангылат. Сау бол.
 
 
 
#17
Джаратама2
23.12.2012 14:37:06 Translit
САБР!
Опечатка тюйюлдю, тюз жазгъанма окъуНча деб, окъунча - даже болады кёчюрсенг, тау тилибизде ушакъ нек этмейбиз ДАЖЕ былай! :)
"Къадарны этегинде...","Сени ючюн"...(с)
 
 
 
#18
Джаратама0
23.12.2012 14:38:54 Translit
хотя бы блайда; даже блайда ..
только окъуна или окъунЧа ? алайда алайда айтыучудула. къайсыда тюз болур?)
My homepage
 
 
 
#19
Джаратама2
23.12.2012 15:10:11 Translit
Миллетде экиси да бири бирсинден кем айтылмагъаны себебли, экиси да тюз болурламы... Билмейме, алай мен эшитиб экиси да тенгдиле... Кесим а кёбюнде окъунча бла шуёхлукъ тутама.
"Къадарны этегинде...","Сени ючюн"...(с)
 
 
 
#20
Джаратама0
23.12.2012 17:58:21 Translit
МЭН пишет:
Цитата
хотя бы блайда; даже блайда ..
только окъуна или окъун Ч а ? алайда алайда айтыучудула. къайсыда тюз болур?)
Ол сёз Къарачай джанында "огъуна" деб айтылады, джазылады - аны ючюн ангылаялмагъанма "окъунча"ны.
 
 
 
#21
Джаратама2
23.12.2012 18:42:22 Translit
Sabr, болуучуду! Ангылагъанма аллай бир чурумчукъ чыкъгъанын.)
"Къадарны этегинде...","Сени ючюн"...(с)
 
 
 
#22
Джаратама0
23.12.2012 20:43:39 Translit
Къара чачлы, бек керекли жумуш башлагъанса. Кёбюбюз ёз тилибизде окъумагъанбыз деген сылтауну тутуп, ана тилибизде сёлеширге сюймейдиле. Ана тилибиз а ала суннганча къыйын тюйюлдю. "Къош да бара,бара... дегенлей, былайда акъыллырын жаза-жаза турсала, тюзелип кетерик эдиле.
 
 
 
#23
Джаратама1
23.12.2012 21:38:26 Translit
elbars,
керекли жумуш болса да, эс бёлюнмейди! Муну юсю бла не жангы иш тутсакъ да, тебмезлик ташха тирелиб къалгъан болмаса, тюбюн ашаб да, ётмейди. Жаш тёлюбюз муну юсю бла аз да къайгъырмайдыла, тюзю, алагъа сейир тюйюлдю, ма былайгъа мен жангы чыкъгъан телефонланы, неда бир жангы тсайтны хапарын жазсам эди, окъуб бошаялмай турур эдик, асыры къатышыб, жазыб тургъандан! Хар неда анга кёре болур! Не айтыргъа да билмейме, бу тилге уллу кёллюлюк акъылларымы асыры къатышдыргъандан!
Жыйырма сегизинчи март жетсе, Малкъар байракълагъа чёргелиб, машналадан хахай-тухай этиб айланадыла, ингир бла шошайдыла. Келигиз, жыйылайыкъ, тюбейик, тилни биз кётюре бармасакъ, биз эсге алыб жарсыуун, къолгъа этмесек жарамаз, деб чакъырсанг а, кимини жумуш чыгъады, бирсиле уа, " СЕН КИМСЕ, НЕ ЭТЕРГЕ КЕРЕГИН КЕСИМ ДА АХШЫ БИЛЕМЕ", - дей, эришиу акъыллла туудура керексиз жерде, болушур орунуна, жаулукъ этерге излей, кетеди. Къатышханбыз...
"Къадарны этегинде...","Сени ючюн"...(с)
 
 
 
#24
Джаратама1
23.12.2012 22:04:18 Translit
Къара чачлы, мудах болма. Тамбла не боллугъун киши билмейди.
ДУНИЯ БЫЛАЙ ТУРМАЗ!!!
 
 
 
#25
Джаратама0
29.12.2012 18:12:39 Translit
Юйюгюзде сабийле бла не тилде сёлешесиз?) Ана тилигиздеми, огъесе орус тилдеми? Хар бирибиз юйлеринде кесини тилинде сёлешсе, ол заманда тюзеллик болур къош да, Аллах айтса)
 
 
 
#
Джаратама0
  Translit
 
 
 
#26
Джаратама1
29.12.2012 18:16:02 Translit
Бир оюн айтайым: юйде кюнге жангыз бир сагъатчыкъ окъуна ана тилигизде сёлешиб бир кёрюгюз! Башха тилден сёз къошхан а - УПОР ЛЁЖА ПРИНЯТЬ! :гыы: Он кере алай бир этсе, тилин игирек биле башлар, сёзле излеб сёлешир)))
 
 
 
#27
Джаратама0
12.01.2013 02:06:54 Translit
Цитата
elbars пишет:
Къара чачлы, бек керекли жумуш башлагъанса. Кёбюбюз ёз тилибизде окъумагъанбыз деген сылтауну тутуп, ана тилибизде сёлеширге сюймейдиле. Ана тилибиз а ала суннганча къыйын тюйюлдю. "Къош да бара,бара... дегенлей, былайда акъыллырын жаза-жаза турсала, тюзелип кетерик эдиле.
Бизни тилден тынч тил джокъду. Костя деб бир орус джаш Азовдан бизни тилге юрениб, форумда джазыб туруучусу эсигизде болур.
Мени назмуларымы орус тилге уста кёчюрюучю Аркадий Тюрин бир джылгъа юреннген эди бизни тилге. Ала экиси да бизни халкъны ичинде джашамагъандыла, школда къарачай-малкъар тилни окъумагъандыла. Изледиле - юрендиле.

Бу форум тил билирге излегеннге бек болушурукъду. Излемегеннге уа не этгин?
 
 
 
#28
Джаратама0
15.01.2013 09:52:41 Translit
Къара чачлы, кюн ахшы болсун! "...сагъышларынг" "МТ" 6№-де чыкъгъандыла. Алгъышлайма!
 
 
 
#29
Джаратама0
17.01.2013 13:04:36 Translit
Бек тюз айтасыз! Джазаргъада джогеде огъаим, дагъыда хар джазгъан затыма бек кеб сагъыш этеме, тюз джаздымы деб... Мен окъугъан школда ана тил окъулмагъанды... Юйде кесибизда, сабийледа къарачай тильде селешебиз. Школда ана тильден бешле алыб кельсе сохтабыз, бек къуанама. Дерсин этген сагъата китабына къараб болушургъа кюрешеме.
 
 
 
#30
Джаратама0
17.01.2013 16:27:04 Translit
АМИНА_09,

Ана тилибизде сёлеше, джаза билмеген - палах тюлдю. Гюнах - сёлеширге, джазаргъа излемегендеди. Сен а - чыртда тартынмай, уялмай джаза тур. Былайда бир-эки джазгъанынгда мен халатларынгы тюзетсем, аны бла юрениб кетериксе.

"Бек тюз айтасыз! Джазаргъада джогеде огъаим, дагъыда хар джазгъан затыма бек кеб сагъыш этеме, тюз джаздымы деб... Мен окъугъан школда ана тил окъулмагъанды... Юйде кесибизда, сабийледа къарачай тильде селешебиз. Школда ана тильден бешле алыб кельсе сохтабыз, бек къуанама. Дерсин этген сагъата китабына къараб болушургъа кюрешеме".

1. Къарачай сёзледе джумушакъ белги (мягкий знак) салынмайды: Кел ь се = Келсе; Тил ь де = Тилде.
2. Байламла хар заманда да башха джазыладыла: джазаргъа/да; кесибиз/да; сабийле/да.
3. Эм алгъа сёзню тамырын кёрюрге, тюз джазаргъа керекди: джогеде = джокъ+эди = джокъ эди.
4. Бизни тилде эки ачыкъ таууш (гласные) бир джерде келселе, араларында къысха у, къысха й салынады. Сёз ючюн: къу+у+анама = къууанама. огъаим ОгъаЙым.
Ачыкъ харифни ызындан келген ачыкъ хариф(къысха у, къысха и) къысха болады: джырлаЙма, таУ, огъаЙ.
5. Сагъата = сагъат+да = сагъатда. Сагъат+ха; сагъат+да.

Былайыракъ. Джаза тур. Мен да тюзете, ангылата барырма. Эки-юч кереден сора, халатсыз джазарча боллукъса. Хар неда кесибизни къолубуздады.
 
 
 
Страницы: 1 2 След.
Читают тему (гостей: 1)

Форум  Мобильный | Стационарный