Расширенный поиск
28 Июля 2026 года
Логин: Регистрация
Пароль: Забыли пароль?
Навигация
Словарь
  • Зар адамны насыбы болмаз.
  • Къарнынг тойгъунчу аша да, белинг талгъынчы ишле.
  • Намысы болмагъанны, сыйы болмаз.
  • Хунаны тюбюн къазсанг, юсюнге ауар.
  • Сакъламагъан затынга джолукъсанг, не бек къууанаса, не бек ачыйса.
  • Эр абынмай, эл танымаз.
  • Чомарт бергенин айтмаз.
  • Чомартха хар кюн да байрамды.
  • Сёлеш деб шай берген, тохта деб, сом берген.
  • Окъугъан – асыу, окъумагъан – джарсыу.
  • Джаным-тиним – окъуу, билим.
  • Керилген да, ургъан кибикди.
  • Ауругъан – джашаудан умутчу.
  • Иги – алгъыш этер, аман – къаргъыш этер.
  • Сютню башын джалагъан къутулур, тюбюн ичген тутулур.
  • Ёпкелегенни ашы татлы болады.
  • Адамны джюреги нени кёрюрге сюйсе, кёзю да аны кёрюрге ёч болады.
  • Айраннга суу къош, телиге джол бош.
  • Эринчекни аурууу – кёб.
  • Оюмсуз атлагъан, аджалсыз ёлюр.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Экеулен сёлеше тура эселе, орталарына барыб кирме.
  • Джахил болса анасы, не билликди баласы?
  • Къралынгы – душмандан, башынгы от бла суудан сакъла.
  • Намыс сатылыб алынмайды.
  • Билген билмегенни юретген адетди.
  • Ёксюзню къалачы уллу кёрюнюр.
  • Байлыкъ адамны сокъур этер.
  • Аман къатын алгъан, арыр, иги къатын алгъан джарыр.
  • Джерни букъусу кёкге къонмаз.
  • Сууда джау джокъ, кёб сёзде магъана джокъ.
  • Ана къойну – балагъа джандет.
  • Эл элде бирер малынг болгъандан эсе, бирер тенгинг болсун.
  • Аллахдан тилесенг, кёб тиле.
  • Ауурну тюбю бла, дженгилни башы бла джюрюген.
  • Ариу – кёзге, акъыл – джюрекге.
  • Агъач халкъгъа алтынды, иссиликге салкъынды.
  • Алтыда кюлмеген, алтмышда кюлмез.
  • Иги сеники эсе да, сюйген кесимикин этеме.
  • Намыс болмагъан джерде, насыб болмаз.
  • Таула не мийик болсала да, аууш табылыр.
  • Ёлген эшек бёрюден къоркъмайды.
  • Бал – татлы, балдан да бала – татлы.
  • Билмейме деген – бир сёз
  • Бастасын ашагъан, хантусун да ичер.
  • Сабий болмагъан джерде, мёлек болмаз.
  • Джарлы эскисин джамаса, къууаныр.
  • Кёлю джокъну – джолу джокъ.
  • Хар адамгъа кеси миннген тау кибик.
  • Накъырданы арты керти болур.

Форум

Форум / Бёлюмле :: Тематические разделы / Ана тилде :: Ana tilde
СЮЙГЕН ДЖЮРЕГИМ. Ана тилде джырла / Ana tilde djirla
 
#1
Джаратама0
05.07.2015 06:44:57 Translit
Байкулов Солтан. Сюйген джюрегим

Загрузка плеера


https://www.youtube.com/watch?v=O-_mpQhffkU
 
 
Страницы: Пред. 1 2 3 След.
Ответы
 
#31
Джаратама0
07.07.2015 22:03:53 Translit
Катчиев Руслан. Хасаука.

Загрузка плеера


https://www.youtube.com/watch?v=4idmIE6FgO8
 
 
 
#32
Джаратама0
07.07.2015 22:06:01 Translit
Текеланы (Къазанчыкъланы) Махмуд. Хасаука

Загрузка плеера


https://www.youtube.com/watch?v=1IdFZ1y0rBI
 
 
 
#33
Джаратама0
07.07.2015 22:08:58 Translit
Вершина Хасауки

Загрузка плеера


https://www.youtube.com/watch?v=gvA2fqo7M6E
 
 
 
#34
Джаратама0
07.07.2015 22:11:12 Translit
Выставка "Хасаука"

Загрузка плеера


https://www.youtube.com/watch?v=OZABkyg4iCA
 
 
 
#35
Джаратама0
07.07.2015 22:47:15 Translit
Юч генерал (Эммануэль, Турчанинов, Антропов) башчылыкъ этген орус аскерге джол уста болуб, таша джолла бла Къарачайгъа алыб келген къарачай бий Амантиш бла къабарты полковник Атажуко болгъандыла. Джырны къагъытха тюшюргенле, асры "интернационалист" болгъандан, къабарты сатлыкъны юсюнден тизгинлени кетериб, къуру Амантишни къойгъандыла джырда. Джыр толусу бла былайды.



Х А С А У К А (джумшатылгъан экинчи варианты)*

Къычырады Дауле: - Хахай, къуугъун!
Къарачайны шохун барын, джууугъун
Чакъырыгъыз, бизге дженгил джетсинле,
Къара кюнде бир болушлукъ этсинле!

Гяуур патчах кёб артыкълыкъ этеди,
Марджа, джашла, орус аскер джетеди.
Аладыла этибизден тоймагъан,
Таргъа тыйыб, джашаргъа да къоймагъан.

Джау келгенди, Хасаукагъа киргенди,
Таб джолланы Амантишден билгенди.
Ма ол бийди бизни сатыб къоярыкъ,
Къарачайны багъасындан тоярыкъ.

Джау келгенди кесин бизден джашырыб,
Джау киргенди ит Атаджокъ ашырыб.
Ол имансыз намыс-сый деб билмейди,
Эр Къарачай зорлукъгъа ийилмейди.

Аллайлалла душманлагъа теблетген,
Джау аскерни тау тарлагъа тебретген.
Анттыймазла къара зарлыкъ этелле,
Ала чекден асыры бек ётелле.

Урлаб-тырнаб, ауурланыб джаталла,
Адамларын малланыча саталла.
Къайдан чыкъды бу ит къауум Капказгъа?!
Антмы этгенд халал къыйын къабмазгъа?!

Шам Къарачай улан этиб ёсдюрген
Атаджокъду душманланы юсдюрген.
Ол генезир бизге джаулукъ этеди,
Хайда, джашла, орус аскер джетеди.

Атаджокъла - инаралны тенглери,
Тенглери тюл - этеклери-дженглери.
Ол къауумду бизни ачыкъ джауубуз,
Ала бла кемсиз кёбдю дауубуз.

Ол инарал бизни хорлаб алалса,
Тырнакъларын юсюбюзге салалса,
Джыртыб, талаб, мууал этиб къояред,
Джасакъ бла терибизни сояред.

Ачыудан биз къайнагъынчы, бишгинчи,
Ол залимни тузагъына тюшгюнчю,
Бирлешейик, кенгдегин да джокълагъыз,
Тар ёзенде джуртубузну сакълагъыз.

Тау асланла хазыр болуб чыгъыгъыз,
Джау аскерни дженгил-дженгил джыгъыгъыз.
Ойнатыгъыз сампаллада къолланы,
Къызартыгъыз Хасаукада джолланы.

Эбекку улу от къалагъа кетгенди,
От алыргъа кёб дыгалас этгенди.
Ырхы басыб, от ёзекни джабханды,
"Ай медет!" деб, Дауут эрнин къабханды.

Излей кетиб, бир уууч от табханды,
Анга къошар затла излеб, чабханды.
Залыкъылды табыб, аны эзгенди,
Кюкюртню да къошуб, отну сюзгенди.

Ёлчелеге къуюб аны тиздиле,
Мычымай къоргъашын окъла джюздюле.
Бир базыкъны ёшюнюнден тийдиле,
Аллай кёбню къая раннга ийдиле.

Джигерлени-джигитлени къолунда,
Тау мылтыкъла этер сауут болдула.
Хасауканы айланч-буйланч джоллары
Шындык-шындык ёлюкледен толдула.

Джигит таулу ёхтем-ёхтем джекиред,
Ташдан-ташха джел ургъанча секиред.
Таукел улан инаралны ёлтюрсюн,
Башын кесиб аны бизге келтирсин.

Батыр Умар гёджебсиниб атлайды,
"Къоркъмагъыз!" деб, джаугъа къаршчы чартлайды.
"Джетигиз!" деб, нёгерлерин сакълайды,
Атады да алчыларын къаблайды.

Ма окъ тийди бизни джигит Умаргъа,
Аман кюнде джер салгъаненг Чубаргъа.
Керек эдинг, быллай кюннге тууаргъа,
Даулет барад, кёзлеринги джумаргъа.

От бошалыб, окъ бошалыб къалса да,
Ташла-агъачла окъча, тобча джаудула.
Асланланы къурч беллери талса да,
Абычарла чаууллагъа аудула.

Бу къазауат бек узакъгъа барлыгъед,
Инаралны баш токъмагъын аллыгъед.
Аскерибиз азды, саны толмайды,
Сауут кюч да биз сюйгенча болмайды.

Тизгинлешиб, ёзенни ёрге джау кирди,
Батыр Къайтукъ сабийлеге кёл берди: -
Таулучукъла, сиз да ёсюб джетерсиз,
Бу къан дертни джууабларын этерсиз.

*Джырны бу вариантын, Тамбийланы Ибрахим атасы Джюсюбден 1960-чы джыл джазыб алгъанды. Джюсюб 120 джыл джашаб, 1964 джыл ауушханды. Атасы Ислам Хасаукада уруш этгенин айтыучан эди Джюсюб.
Джырны мынга ушаш вариантын Тюркиеден Къарабашланы Мустафа да ийген эди.
 
 
 
#36
Джаратама0
07.07.2015 23:17:02 Translit
ШЕЙИТ УМАР*

Хасаука урушда шейит болгъан,
Къарачайны миллет джигити Багъатырланы Умаргъа аталгъан джыр

Эки атыб тютюнюн бир этиучю,
Умар, санга бюгюн къанмы джаугьанды?
Керек болса, къанатлыча джетиучю,
Тулпарланы бири къайда къалгьанды?

Къарачайны сакълар ючюн ол бюгюн,
Джанын берди, чаууллагьа сойланыб.
Излейик биз аждагьанны ёлюсюн,
Аны дертин алыргьа деб ойланыб.

Юсюндемед аны къара джамчысы?
Джыгъылмайын турамеди атында?
Къайда тамды къаныны арт тамчысы?
Айшатчыгьы болмадымы къатында?

Къой сюрюуге къазакъ бёрю киргенлей,
Сау аскерни къырыб тюзню толтурдунг.
Къараб артын энтда къалын кёргенлей
Атаргьа деб, бетджанынга олтурдунг.

Джаула сени кесгендиле джолунгу,
Бетджанынгы таш артына салгьанса.
Окъла тийиб юзгендиле къолунгу,
Шкогунгу сол къолунга алгьанса.

Джигитлигинг санларынга сингнгенди,
Башлыгьынгы сен къолунга чулгьадынг.
Тулпар кибик, таш башына миннгенлей,
Къылычынгы джаула таба булгьадынг.

Къылычынгы сен булгьадынг джаулагьа:
«Келигиз,- деб,- бираз ойнаб къайтырсыз!».
Сен осият этдинг мийик таулагьа:
«Айшатыма ахыр салам айтырсыз».

Кёкюрегинг шыбылача джашнайды,
Сёлеширге тылмачлыгьынг джетмейди.
Къолунг бла сен кёргюзюб башладынг,
Айтыр сёзюнг тамагьынгдан кетмейди.

Къурч санлада бегиген ол темир джан
Терк чыкъмайды, быллай тулпар джашладан.
Ётгюр сандан чартлаб чыкъгьан исси къан,
Тешиб ётюб кетед къаты ташладан.

Акъджал атынг кючлю тукъум эснеди,
Энди болур болгьанды деб, кишнеди.
Эсин джыйыб тюз кёзюнге къарады,
Къобалырменг деб да бираз марады.

Къобарынгдан атынг умут юзгенди,
Сен узатхан къан бусхулну къабханлай,
Къуугьун этиб Айшатынга джюзгенди,
Хасаукадан бёлюнмейин чабханлай.

Джаш санланы къан шоркъала джуугьанед,
Ууланыб ол шкогуна къатханлай,
Керек болуб быллай кюннге туугьанед,
Къобмаз джукъу аны басды джатханлай.

Къандан толгьан кийимлени барысын,
Джан бергинчи, Айшат джетиб джалагъанд.
Айталмайма сизге андан арысын,
Таш да, тау да сейирсиниб къарагъанд.

Бир ачсанг а, ариу бала, кёзюнгю,
Аладан мен, джангыз къараб тоймазма.
Айтсанг а сен, манга ахыр сёзюнгю,
Душманлагьа сени къанынгы къоймазма.

Аджал къатыш бу сёзлеге бёлюнюб,
Къандан толгъан кирпиклерин ачханды,
Дугъумлача гинжилери кёрюнюб...
Айшатыны джан тамыры чанчханды.

Бек таралыб кёзю анга къатханлай,
Джулдузланы джарыкълары тас болду.
Айшаты да биргесине джатханлай,
Кюнню бетин булут басыб, чарс болду.

Айшатынгы къамишлеча къоллары,
Бу къан дертни бир да къоймай алырла.
Бузсала да шериатны джолларын,
Экигизни бир къабыргьа салырла.

Айшат, нечик узакъ этдинг болжалны!
Ойламадынг, бу кюн келиб къаллыгьын.
Билмеймединг джигитинге ажалны
Быллай джерде, джетиб джанын аллыгьын?

Къарачайны къара къадау ташлары,
Бюгюн ала туз гыртлача эрирле.
Къабырынгда, Шейит Умар, тенглеринг,
Мыдах болуб ахыр салам берирле.

Сагьышладан башы тубан тауладан,
Шоркъа-шоркъа джыламукъла агьарла.
Артыкълыкъгьа башчы болгьан джаула да,
Мычымайын кереклерин табарла.

Ол тулпарны джаула аууб кёргенлей,
Артыкъ да бек уллу къууанч къурдула.
Джаны чыгьыб, къобалмазын билгенлей,
Кёзлеринден сюнгюлерин урдула.

Сени этингден ала бир да тоймалла,
Ачы-ачы къычыраед бирлери.
«Ол ким эди?» Таныргьа да къоймалла,
Кёзлеринги къан къатышхан терлери.

Джара къолунгу сен узатдынг таулагьа,
Ана джуртунг уллу терен ёзеннге,
Тиш къысханча сора къанлы джаулагьа,
“Джыйгьансыз, деб, бизни такъыр гёзеннге.”

Мен тюлме джигитлени артлары,
Энтда сизден кёб джигитле къалырла.
Тауусулгьунчу тулпарланы артлары,
Ала сизге кёб ачыула салырла.

Абычарла, инаралла – къанлыла,
Кечилирми бюгюн этген ишигиз?
Тулпарладан тууарла мазаллыла,
Ол кюн тюшер сизни къабан тишигиз!

Хапарынгы сени къоймай ма былай,
Ким айталыр ол кюн ишни болгьанын?
Къара къашлы, асыры кенг мангылай,
Алтмыш алты къоргьашындан толгьанын?

Сен джарлыны джазыкъсыныб терекле
Къымылдайла, къалмай бары тиллешиб.
Ачыуланыб шууулдагьан чегетле
Ма бу джырны джырладыла бирлешиб.

Сенден акъгьан бу исси къан тамчыла
Джылатырла барыб тамгьан джерлерин.
Нёгерлеринг кийиб къара джамчыла,
Къабырынгда сюртерле къан терлерин.

Сен тюлсе аскерлени артлары,
Джигит тёлю къурурукъ тюлд тауладан.
Сары гяуур бюгюн бизни дженгсе да,
Къутхарырбыз джуртну бир кюн джауладан.

*Джыр "Бирлешик Кавказия" журналдан алыннганды (журналны редактору Йылмаз Науруз)
 
 
 
#37
Джаратама0
09.07.2015 03:39:31 Translit
Sabr, :такточно:

КЁГАЛА
макъамы Ногайлыланы Маджитни,
сёзлери Сюйюнчлени Азаматны

Джаш:
Кёкле тюбюнде, кёкбаш юйледе
Джашайды ариу Кёгала.
Экибиз бирге кюйюб барабыз,
Кёгала, санга тарала.

Къыз:
Кёкле тюбюнде, кёкбаш юйледе
Мен бек къайгъысыз джашай эм,
Тойгъа-оюннга къошулмай эдим,
Мен сюймекликден таша эм.

Джаш:
Джарыкъ джулдузча, сени сыфатынг
Къууат салады шахаргъа.
Ышаргъанчыгъынг, ала кёзлеринг
Къоймайла бизни джашаргъа.

Къыз:
Бизни тийреге сиз, тойгъа келиб,
Юйде олтуруб кетдигиз.
Бирден, кёзюме къараб, ышарыб,
Мени тынчлыкъсыз этдигиз.

Джаш:
Субай санынга ариу джарашхан
Кёк бетли чепкен киесе,
Экеулен болуб, сени сюебиз,
Сен къайсыбызны сюесе?

Къыз:
Экигизге да бир сёзюм джокъду,
Джашла, сиз ашхы-аламат.
Халал тенглени шохлугъун бузсам,
Не айтыр манга джамагъат?

Джаш:
Экибиз бирге аллынга келдик,
Бир-бирибизден уяла.
Халал тенглени харам этме да,
Бирин сайлачы, Кёгала.

Къыз:
Экигизни да мен айырмайын,
Бирча багъалы кёреме.
Айыб этмегиз, тюзюн айтайым,
Мен башха джашны сюеме.
 
 
 
#38
Джаратама0
09.07.2015 03:48:41 Translit
Sabr, очень красиво, достойно, представительно задумали и ведете тему). От души спасибо)).

Кегаланы энтда бир вариантын салайым))

http://www.youtube.com/watch?v=D934l7eQuQ8
Я самая классная на форуме))))))))))))))
 
 
 
#39
Джаратама0
09.07.2015 05:05:40 Translit
Totur_Ram, Сэстренка, къалгъанла да - джырларыбызны сюйгенле!

Джырларыбыз джырланнган, тынгыланнган къадарда, джырлагъанла, тынгылагъанла да кёб болгъан къадарда - халкъыбыз джашар, Аллах айтса
 
 
 
#40
Джаратама0
09.07.2015 09:09:31 Translit
Цитата

Sabr пишет:
Totur_Ram, Сэстренка, къалгъанла да - джырларыбызны сюйгенле!

Джырларыбыз джырланнган, тынгыланнган къадарда, джырлагъанла, тынгылагъанла да кёб болгъан къадарда - халкъыбыз джашар, Аллах айтса

👍
 
 
 
#
Джаратама0
  Translit
 
 
 
#41
Джаратама0
12.07.2015 03:01:25 Translit
Аллах, сен сакъла Къарачайны

Загрузка плеера



джырлайды Хубийланы Хасан
 
 
 
#42
Джаратама0
14.07.2015 03:55:03 Translit
КЁГЮРЧЮН. макъамы, сёзлери да - Мамчуланы Дина

Загрузка плеера
 
 
 
#43
Джаратама0
14.07.2015 03:58:43 Translit
КЁГЮРЧЮН.

Загрузка плеера


джырлайды Эриккенланы Расул
 
 
 
#44
Джаратама0
14.07.2015 04:01:11 Translit
КЁГЮРЧЮН

Загрузка плеера


джырлайды Алботланы Марианна
 
 
 
#45
Джаратама0
14.07.2015 04:07:33 Translit
КЁГЮРЧЮН

Музыка Касбота Тамбиева, стихи Дины Мамчуевой.

Барды, барды бир кёгюрчюн джюрегимде,
Учуб чыгъыб, кеталмайды мийик кёкге.
Айтыр сёзюм айланады тил учумда,
Дуния бары сыйыннганды ууучума.

Джетегейли джети джулдуз джаннган кёкге,
Джанкъылычны нюр тогъайы тургъан чекге,
Къалырбызмы чыгъалмайын биз экибиз,
Тоюбузгъа джыйылмазмы тау элибиз?

Керилгенме садакъ атыб, джиберирге,
Тюшген джери мекям болур экибизге.
Къар тюбюнден джанкъоз чыкъгъан сейир джерде
Табылмазмы бир болургъа мадар бизге?

Кёкню джети къатына да джетер кибик,
Джети ёмюрню джукъланмайын кетер кибик,
Учургъанма джюрегимден бир джилтинни,
Бошлагъанма бек термилген илипинни.

Барды, барды бир кёгюрчюн джюрегимде,
Учуб чыгъыб, кетелмайды мийик кёкге.
Тыяйым деб, кюреширик тюлме энди,
Къайры сюйсе, ары учсун, дуния - кенгди.
 
 
 
#46
Джаратама0
14.07.2015 04:07:56 Translit
Тюзюн билалмай къалдым: бир джерде сёзю, макъамы да Мамчуланы Динаныкъыдыла деб джазылады. Башха джерде - макъамы Тамбийланы Къасботнукъуду деб айтылады. Тюзюн билген - билдирсе, бек разы боллукъбуз.
 
 
 
#47
Джаратама0
06.11.2015 23:14:56 Translit
👍Керти алан 👍
Джырлайды Сухель Багдади
Сёзлери 👍👍👍👍👍👍👍
 
 
 
#48
Джаратама0
13.12.2015 22:29:47 Translit
Нек тынчды бунда уа?!
 
 
 
#49
Джаратама0
31.01.2016 07:31:15 Translit
https://www.youtube.com/watch?v=NHXfG9kQRWw

Загрузка плеера


Къазах(лы) эгешчигибиз "Миллион алых роз" джырны джырлайды. Аперим.
Бизни тилде да болур эдиле ариу джырлаяллыкъла...
 
 
 
#50
Джаратама0
31.01.2016 12:02:26 Translit
Аналаны юсюнден бир салыгъыз))
Джёгетей Анала
 
 
 
#51
Джаратама0
26.03.2016 18:58:09 Translit
http://xmusic.one/alim-gazaev/
 
 
 
#52
Джаратама0
26.03.2016 19:01:40 Translit
Загрузка плеера


https://www.youtube.com/watch?v=7mZu2LFyEto
 
 
 
#53
Джаратама0
26.03.2016 19:32:53 Translit
Загрузка плеера


https://www.youtube.com/watch?v=GKMuf8kaNS8
 
 
 
#54
Джаратама0
26.03.2016 19:33:54 Translit
Загрузка плеера

https://www.youtube.com/watch?v=i5JSzT5WmAc
 
 
 
#55
Джаратама0
26.03.2016 19:35:18 Translit
Загрузка плеера


https://www.youtube.com/watch?v=Zj-nwkpleuQ
 
 
 
#
Джаратама0
  Translit
 
 
 
#56
Джаратама0
26.03.2016 19:37:59 Translit
Загрузка плеера


https://www.youtube.com/watch?v=-4IwnaqymWM
 
 
 
#57
Джаратама0
26.03.2016 19:39:46 Translit
Загрузка плеера


https://www.youtube.com/watch?v=umKL5JpU-Ag
 
 
 
#58
Джаратама0
26.03.2016 19:42:28 Translit
Загрузка плеера


https://www.youtube.com/watch?v=GQlzYd_W20w
 
 
 
#59
Джаратама0
15.07.2016 05:15:26 Translit
https://www.youtube.com/watch?v=B_L7eE-pOAI

Загрузка плеера


Опубликовано: 22 нояб. 2013 г.
Карачаево - балкарское землячество в Москве. Песня на стихи Биляла Лайпанова, поет Зурият Боташева



Bilal Laypan

ДЖЫРЛАЙДЫ ЗУРИЯТ БОТАШ

адамчыкъладан, Адамладан да суууб,
Таш болуб бошагъан эди джюрегим, таш.
Алай а, джырлагьанында Зурият Боташ,
Джаз, узалсам джетерча, кёрюндю джууукъ.

Кюн тутулгъан ачылгьанча болду,
Тауусулгъан Ай джарыб, ызына толду.
Джулдуз Кёкден тюшерча болуб, къарады -
Зурият Боташ Джерде алай джырлады.

Джер джылыу, Кёк тылпыу да бирге,
Нюр макъам, Кюн ауаз да бирге.
Ёмюрде эшитмегенме аллай ауаз -
Гюл бачханы сылаб ётдю аяз.

Джанкъылычладан согьулгъан ауаз -
Ма Зурият Боташны сураты.
"Аллах, бер",- дедим, аны муратын,
Халкъгъа керек фахмуну ая.

"Бу къайсы халкъданды, къайсы джуртданды" деб,
Сейир болдула тынгылагъанла да.
"Къарачай джуртдан къарачай къызды" деб,
Ёхтемлендим Нью-Иоркда, Стамбулда да.

Кёб къарачайлы Зуриятха тынгылаб,
"Биз да халкъбыз, адамбыз" делле.
Ма аны ючюн сау бол, Зурият,
Деуле эталмагъанны этесе, деуле.

1993
 
 
 
#60
Джаратама0
20.07.2016 18:17:44 Translit
Салам алейкум . Помогите найти песню на карачаевском языке на слова С.Узденова . Вот слова : Кезлеринге къараймада хаманда кереме
Сюймекликни тазасын, Къарачайны тангын
Бетингеда къарайма хаманда кереме
Толу айны, мийикде тауланы къарларын

Бюгюнгю бу дуния, селеше бир билсе
Ол айтыр эд сеннге, кел деб бери меннге
Айт деб маннга джюрек ауазны

Санларынга къараймада хаманда кереме
Апсатыны къызыны санларыла ала
Дуния ариу кызланы бирда кеб кергенме
Субайда тюлле сенича тауда наратла

Бюгюнгю бу дуния, селеше бир билсе
Ол айтыр эд сеннге, кел, деб, бери меннге
Айт, деб, маннга джюрек ауазны

Джюрегинги уа кермейме, къаллайды билмейме
Кезлеге, санлагъа, бетинге ушаймыд ол
Башхагъа кетсенг не этерме билмейме
Къайда тортарынма бюгюн бу мен баргъан джол

Бюгюнгю бу дуния, селеше бир билсе
Ол айтыр эд сеннге, кел, деб, бери меннге
Айт, деб, маннга джюрек ауазны

Только песня которую я ищу она под музыку в современной обработке , не под гитару . Не знаю имени исполнителя и поэтому не могу найти
 
 
 
Страницы: Пред. 1 2 3 След.
Читают тему (гостей: 1)

Форум  Мобильный | Стационарный