Расширенный поиск
28 Июля 2026 года
Логин: Регистрация
Пароль: Забыли пароль?
Навигация
Словарь
  • Джаш къарыу бла кючлю, къарт акъыл бла кючлю.
  • Аджашханны ызындагъы кёреди, джангылгъанны джанындагъы биледи.
  • Тилчи тилден къаныкъмаз.
  • Сёз – кюмюш, джыр – алтын.
  • Ачлыкъда тары гырджын халыуадан татлы.
  • Айтхан сёзюне табылгъан.
  • Телиге акъыл салгъандан эсе, ёлгеннге джан салырса.
  • Телини эшигин, махтау джабар.
  • Джан саулукъ бермей, сан саулукъ бермезсе.
  • Бойнуму джети джерден кессенг да, мен ол ишни этеллик тюлме.
  • Душманны тышы – акъ, ичи – къара.
  • Ашаса, ашамаса да, бёрюню ауузу – къан.
  • Юйюнгден чыкъдынг – кюнюнгден чыкъдынг.
  • Эте билген, этген этеди, эте билмеген, юретген этеди!
  • Ёлюк кебинсиз къалмаз.
  • Акъыллы эркиши атын махтар, акъылсыз эркиши къатынын махтар.
  • Уллу айтханны этмеген – уллаймаз.
  • Адебсиз адам – джюгенсиз ат.
  • Ётген ёмюр – акъгъан суу.
  • Тюзлюк тас болмайды.
  • Адеб джокъда, намыс джокъ.
  • Башынга джетмегенни сорма.
  • Накъырданы арты керти болур.
  • Сёз сёзню айтдырыр.
  • Ойнаб айтсанг да, эслеб айт.
  • Джылар джаш, атасыны сакъалы бла ойнар.
  • Адамгъа аман кюн соруб келмейди.
  • Билим ат болуб да чабар, къуш болуб да учар.
  • Кёб ант этген, кёб ётюрюк айтыр.
  • Ач бёрюге мекям джокъ.
  • Хоншуну тауугъу къаз кёрюнюр, келини къыз кёрюнюр.
  • Аллахха ийнаннган кишини, Аллах онгдурур ишин.
  • Миллетни бойну – базыкъ, аны бла кюрешген – джазыкъ.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Таукелге нюр джауар.
  • Ашлыкъны арба юйге келтирир, чана базаргъа элтир.
  • Аман адам этегингден тутса, кес да къач.
  • Ата Джуртуму башы болмасам да, босагъасында ташы болайым.
  • Айранны сюйген, ийнек тутар.
  • Эски джаугъа ышанма.
  • Бети бедерден, намыс сакълама.
  • Адам къаллай бир ишленмесе, аллай бир кесин уллу кёреди.
  • Тойчу джашха къарама, къойчу джашха къара.
  • Чомарт джарлы болмаз.
  • Ачыкъ джюрекге джол – ачыкъ.
  • Артына баргъанны, къатына барма.
  • Къралынгы – душмандан, башынгы от бла суудан сакъла.
  • Дженгил джетерикме деб, узун джолну къоюб, къысхасын барма.
  • Адамны джюреги нени кёрюрге сюйсе, кёзю да аны кёрюрге ёч болады.
  • Бичгенде ашыкъма, тикгенде ашыкъ.

Форум

Форум / Бёлюмле :: Тематические разделы / Ана тилде :: Ana tilde
Страницы: 1
Беш Тау Эл сагъынылгъан не да Анга аталгъан чыгъармаланы сала барайыкъ былайгъа., ЭЛ - магагъанасы кенг, терен, уллу, мийик ангыламды. Эл - эл, Эл - кърал, Эл - джурт, Эл - дуния...
 
#1
Джаратама0
25.04.2016 02:36:33 Translit
БАБАЛАНЫ Ибрахим

БЕШАТАР

Беш тау элни
Беш да тары -
Олду мени
Бешатарым.
 
 
 
#2
Джаратама0
25.04.2016 02:39:06 Translit
ЛАЙПАНЛАНЫ Билал

БЕШ ТАУ ЭЛ - БЕШ УУАХТЫ НАМАЗ

Бир джурт болмаз Джерде Кавказча,
Минги Тау да – тёппеси аны.
Беш Тау Эл – беш ууахты намазча,
Кёк нюрюнде джулдуз бла Айны.

«Беш Тау Элни беш да тары –
Олду мени бешатарым»,-
Дегенди Ибрахим Баба,
Джуртдан кёл да, сёз да таба.

Хау, Беш Тау Эл – беш ууахты намаз,
Бешатар ушкок да бизге.
Терсликни Аллах унамаз,
Джол берир Тюзлюкге, Тюзге.

Бизге къазгъан урусуна
Душман кеси тюшмей къалмаз.
Халкъны тынглайма ауазына:
Беш Тау Эл – беш ууахты намаз.
 
 
 
#3
Джаратама1
25.04.2016 02:41:55 Translit
ЁЗДЕНЛАНЫ Альберт

ДЖАНЫМ КЪУРМАН БОЛСУН МАЛКЪАРГЪА
(джыр)

Жюрегингде пелиуанлыкъ жашагъан,
Ариулугъу сюймекликге ушагъан,
Тау намысы ушап тауда акъ къаргъа...
Жаным къурман болсун Журтум Малкъаргъа!

Мен бетиме салсам къолун анамы,
Беш бармагъын Беш Тау Эли сунама,
Эринлерим сыласала аланы,
Сау Малкъарны уппа этген сунама!

Зар кёз тие кёк суууна,ташына,..
Ариулугъу душман бола башына,
Таш башында амал тапхан жашаргъа,
Жаным къурман болсун тажал Малкъаргъа!

Мен бетиме салсам къолун анамы,
Беш бармагъын Беш Тау Эли сунама,
Эринлерим сыласала аланы,
Сау Малкъарны уппа этген сунама!

Тешдиртмеген тинин зорлукъ садакъгъа,
Сюргюнде да тилемеген садакъа,
Дерт тутмагъан Аллах берген къадаргъа,
Жаным къурман болсун шыйых Малкъаргъа!

Мен бетиме салсам къолун анамы,
Беш бармагъын Беш Тау Эли сунама,
Эринлерим сыласала аланы,
Сау Малкъарны уппа этген сунама!

Жаным саудан ачхан жандет эшигим,
Ёлсем, ырахат жукълар топуракъ бешигим,
Ата Журтум, Ана Сютюм, Къадарым-
Жаным къурман болсун санга, Малкъарым!

Мен бетиме салсам къолун анамы,
Беш бармагъын Беш Тау Эли сунама,
Эринлерим сыласала аланы,
Сау Малкъарны уппа этген сунама!
 
 
 
#4
Джаратама0
25.04.2016 02:42:55 Translit
ЖАБЕЛЛАНЫ Лаура

МАЛКЪАРЫМ

О, Малкъарым, санга тансыкъдан бирде
булутланы къарлы таугъа ушатдым,
Аллах айтып, жашнап тургъун ёмюрде,
тансыкълыгъым – сюйгениме шагъатым.

Беш Тау Элим, сен – беш учлу жулдузум,
умутуму, ийнамымы бешиги...
Чурум бир кёп, амал – къысха, жол – узун,–
ачармамы жан тынчлыкъны эшигин ?

Жарсыуладан болгъан кибик ышыгъым,
кёрюнесе Жаннет кибик кёзюме,
анамача, къучагъынга ашыкъдым,
къор болайым жайларынга, кюзюнге!

Алты харфынг тёрт санымдан багъалы,
жан тамырым – Эркинликни ёзени.
Къыйынлыкъда чыдай билген Малкъарым,
Фирдауусда тапха эдим мен сени...
 
 
 
#5
Джаратама1
26.04.2016 00:35:43 Translit
Зумакъулланы Танзиля

МАЛКЪАРЫМ

Беш тау элинг жашар ючюн бу ташда,
Ёхтемликде, ачыу кёрмей, къууанчда,
Беш да жаным болса, барын берирем,
Ташларынгы мен къучакълай ёлюрем!
Манга саугъа къаты ташынг, акъ къарынг,
Тюз ниетли, татлы тилли Малкъарым!

Намыс, сыйны бийикледе туталгъан,
Сёз айтханда, дуния эштирча айталгъан.
Тепсегенде, дуниягъа къарс кьакъдыргъан,
Ташда от да, ташда гюл да чакъдыргъан.

Къула тюзге къуйгъанда жашын, къартын,
Кёмген суна ёмюрлеге журт отун,
Жаннган отдан жанмагъанлай чыгъалгъан,
Тобукъланмай, намысында къалалгъан,
Ахшыларын миндиралгъан ёрлеге,
Къартларын да олтурталгъан тёрлеге,
Малкъар! Мени къарыусузгъа санама,
Къыйын кюнде тыянч болур балангма.

Ичлеринде ёмюр жарсыу къайнагъан,
Ачыуладан ёз ташларын чайнагъан
Тауларынгы мен тиллерин ачарма,
Жарытырма, къайгъыларын чачарма.

Сен чыкъ десенг, къазауатха чыгъарма.
Къажауунгу мен, окъ болуп, жыгъарма.
Къызыу болсанг, жауун болуп, жауарма.
Сууукъ болсанг, отун болуп жанарма.

Тыпырынгы жаныуумда жылыта,
Барын - ёрню, энишни да жарыта,
Бушууунгу, жарсыуунгу къурута,
Сау дуниягьа иги бла таныта,
Къууанчынга ахшыланы жыярма,
Этегинги алтын бла къыярма.

Аллах айтып, муратыма жеталсам,
Ёлмез кибик, санга тенг жыр эталсам,
Керти окъун халкъ шайыры болурма,
Бу тауланы нарт шайыры болурма,
Ёмюрлеге жумуш эте турурма.
Изменено: shaudan - 26.04.2016 00:38:36
 
 
 
#6
Джаратама1
26.04.2016 01:28:18 Translit
Нашла в теме тексты песен. Автора не знаю.

*Беш тау элден къуралгъан*

Беш тау элден къуралгъан,
Беш тау элден туралгъан,
Малкъарны тансыкълайма мен.
Анабызны сютюча,
Аны туз гыржыныча,
Сюе эсде тутама мен.
Сюеме тау кырдыкны,
Жаз башы чуакъ кюнню,
Малкъарны танг ариулугъу
Омакъдан омакъ чагъа,
Журтунга юлгю сала,
Келедиле санга сукълана.
Бийик баргъан къаяларынг,
Ахырсыз шауданларынг,
Элиме къууат бередиле.
Тауласыз Малкъар болмаз,
Таулусуз Малкъар онгмаз
Ма олду мени айтырым.
Если радость придет, радость прими
И не гордись, будь достоин ее.
Если горе придет, губы сожми
И не страшись, будь достоин его.

К. Кулиев
 
 
 
Страницы: 1
Читают тему (гостей: 1)

Форум  Мобильный | Стационарный