Расширенный поиск
19 Августа 2026 года
Логин: Регистрация
Пароль: Забыли пароль?
Навигация
Словарь
  • Асхат ашлыкъ сата, юйдегиси ачдан къата.
  • Мени джылытмагъан кюн, меннге тиймесин!
  • Эли джокъну – кёлю джокъ.
  • Къар – келтирди, суу – элтди.
  • Соргъан айыб тюлдю, билмеген айыбды.
  • Иги сеники эсе да, сюйген кесимикин этеме.
  • Эринчекге кюн узун.
  • Джарашыу сюйген – джалынчакъ.
  • Босагъа таш юйге кирмей эди, тыбыр таш эшикге чыкъмай эди.
  • Борчунг бар эсе, хурджунунга ойлаб узал.
  • Ханы къызы буюгъа-буюгъа киштик болду.
  • Телиге от эт десенг, юйюнге от салыр.
  • Келинни – келгинчи, бёркню кийгинчи кёр.
  • Кесинг сынамагъан затны, адамгъа буюрма.
  • Билгенни къолу къарны джандырыр.
  • Сабийни джумушха джибер да, ызындан бар.
  • Тешик этген тынчды, аны джамагъан къыйынды.
  • Тилчи бир сагъатха айлыкъ хата этер.
  • Босагъагъа джууукъ орун болса, ашыгъыб тёрге озма.
  • Хазыр ашха – терен къашыкъ.
  • Алим болгъандан эсе, адам болгъан къыйынды.
  • Джиби бир къат джетмей эди да, эки къат тарта эди.
  • Чакъырылмай келген къонакъ сыйланмай кетер.
  • Чакъырылмагъан джерге барма, чакъырылгъан джерден къалма.
  • Эки элинги тыйсанг, джети элде махталырса.
  • Зар адамны насыбы болмаз.
  • Баланы адам этген анады.
  • Оюмсуз атлагъан, аджалсыз ёлюр.
  • Уллу къашыкъ эрин джыртар.
  • Джашда акъыл джокъ, къартда къарыу джокъ.
  • Башда акъыл болмаса, эки аякъгъа кюч джетер.
  • Тили узунну, намысы – къысха.
  • Шайтан алдады, тюзлюк къаргъады.
  • Юреннген ауруу къалмаз.
  • Эркишиге тары кебек танг кёрюнюр.
  • Орундукъ тюбюнде атылсам да, орта джиликме, де да айлан.
  • Ач къалгъандан, кеч къалгъан къолай.
  • Аз сёлеш, кёб ишле.
  • Ач – эснер, ат – кишнер.
  • Ач къарынны, токъ билмез
  • Биреуню эскиси биреуге джангы болмайды.
  • Акъыллы – эл иеси, тели – эл баласы.
  • Азыгъы аз, алгъа къабар, аты аман, алгъа чабар.
  • Игини сыйлагъан адетди.
  • Къазанны башы ачыкъ болса, итге уят керекди.
  • Ана кёлю – балада, бала кёлю – талада.
  • Тилчиден кери бол.
  • Хар адамгъа кеси миннген тау кибик.
  • Билимсиз иш бармаз.
  • Телиге акъыл салгъандан эсе, ёлгеннге джан салырса.

Форум

Форум / Бёлюмле :: Тематические разделы / Ана тилде :: Ana tilde
ГЕНРИХ ГЕЙНЕ. Ёлмезланы Мурадин кёчюргенди., "Кийик шималда бир нарат сюеледи..."
 
#1
Джаратама0
26.12.2021 18:49:34 Translit
* * *

Мен умут эте чыгъама,
Жаным, кюн сайын тангнга.
Къыйналама ингирде уа,
Тюбеялмайын cанга.

Тансыкълыкъ къысып, кече да
Жокъ жукъум, оюм нюрсюз.
Умутларымда, армауча,
Айланама мен кюндюз.

 
 
Страницы: Пред. 1 2
Ответы
 
#31
Джаратама0
28.01.2022 19:35:55 Translit
* * *

Жукъугъа батхан жерни
Уятып къоймазча бош,
Алтынбут жулдузчукъла
Айланалла дайым шош.

Сагъайгъанды жай агъач.
Да чапракъ эсе – къулакъ!
Тёш жукълайды, аумасы,
Къолча, созулуп узукъ

Бу таууш а неди?! Ол
Къозгъады жюрегими.
Булубулнуму ауазы
Эди, не – сюйгеними?
 
 
 
#32
Джаратама0
30.01.2022 00:41:56 Translit
* * *

Кюз арты. Къырау къагъады,
Ёзеннге туман тартып.
Шыхырдай, чапракъ агъады,
Агъачха сууукъ татып.

Кийимли мудах жёгеди.
Не келгенди кёлюне?
Ол чапракъларын тёгеди,
Жилягъанча кёрюне.

Жюрекде ёлюм, боран да.
Алай, жан тенгим, анда
Сыфатынг жашнап турады,
Ол жегёча деппанда.
 
 
 
#33
Джаратама0
30.01.2022 17:08:31 Translit
***

Билдим: мени сюесе,
Муратыма жетдим.
Алай, айтханынгда уа,
Къоркъан окъун этдим.

Жырлай эдим, мен, къушча,
Чыгъа эдим бийик.
Жиляй эдим, тенгиз а
Жана, ашхам кибик.

Да жюрегим да – кюнча!
Жарыкъ, уллу, керти.
Сюймекликге, суугъача,
Жана, батып кетди.
 
 
 
#34
Джаратама0
31.01.2022 19:19:39 Translit
***

Жаным, ариуну артал да
Ийнандырмайды сёзю.
Жокъду намысны, сенича,
Дум къара эки кёзю.

Мен сюеме да! О къойчу,
Жаным, ётюрюклени.
Тынгыла да, ангыларса
Жюрегинг бла мени.
 
 
 
#35
Джаратама0
02.02.2022 00:01:08 Translit
***

Алтын жулдузлада туууп,
Эннгенди ол кёкден.
Къуру да кёзчюгюн жумуп
Уппа этеме мен.

Юйде ойнай, булжуй кетсек,
Кеседи сёзюмю:
«Мени уппа эте, сен нек
Жумаса кёзюмю?»

Кесим да билмейме тюзюн.
Уппа эте дагъы
Аны эки жулдуз кёзюн
Жумама биягъы.
 
 
 
#36
Джаратама0
02.02.2022 19:45:28 Translit
***

Сен къайда болсанг, андама
Мен да. Бала, терс къарама.
Сен тюртесе да, бютюн да
Сюйгенден-сюе барама.

Къозууунг бир хычыуунду.
Кёзбаугъамы тюйюмчексе?
Къой мени деп ахсынаса.
Сора сюерге керексе!
 
 
 
#37
Джаратама0
03.02.2022 20:21:15 Translit
***

Тамбланы сакълайма хаман,
Бюгюнню этип харам.
Этдиргенди, этдиргенди
Бир умут татлы къарам.

Тилибиз алай жарлыды,
Къарыусузду ол нечик.
Эрнингден учуп кетеди
Сёз – сейир гёбелекчик.

Кёз къарам а къыйырсызды,
Жарыгъы болмаз мутхуз.
Кёлюнгде андан жанады
Аллай бир насып жулдуз.
 
 
 
#38
Джаратама0
04.02.2022 21:57:13 Translit
***

Ай болду сюймекликге,
Мен а уппачыкъ да этмей.
Къургъакъсып эринлерим,
Кюсемеклигим да кетмей.

Бир жууукъ эди насып,
Къаласын кесим ойдумму?
Кюнча эринчиклерин
Мен ычхындырып къойдумму?
 
 
 
#39
Джаратама0
05.02.2022 23:00:28 Translit
***

Сюйюм жарыкъ бере тиеклери,[1]
Жулдуз чыкъды кече чарсдан бери,
Жангы жашау тежей манга кёкден, -
Алдама сен.

Тартхан кибик тенгиз сууу айгъа,
Жаным санга тартады – субайгъа.
Эки кёзюнгдю жашаусуз этген, -
Алдама сен.




[1] Тиек - луч
 
 
 
#40
Джаратама0
07.02.2022 22:01:29 Translit
***

«Сыйлы бийче, ол кимди?!» – деп сорама.
«Ол къызмы?» «Хау!». «Танытайым». «Угъай!
Угъай, аныча ариугъа къалай
Базгъын? Ансыз да, кёр, шаша турама».

Керти ариуладан къоркъгъан этеме,
Кёре келген эсем да тапланы.
Жангы буйрукъ ауазларын эштеме
Умутланы, татлы азапланы.

Кёрсем тартынмай къатына барырча,
Ах, жумушармы къарамы, сёзю?
Ачы къадарымы жулдузларыча,
Бийлеп къойгъанды ол эки кёзю.
 
 
 
#
Джаратама0
  Translit
 
 
 
#41
Джаратама0
08.02.2022 20:17:38 Translit
***

Жашлыгъым! Ол узаяды,
Жол къоя кишиликге.
Къол тартынмай узалады
Энди къыз ёшюнлюкге.

Эм алгъа къозуп башлай да,
Кёп ариу болгъанды шош.
Озгъурлукъ, кёзбау хорлайды,
Уялыу жалгъанды, бош.

Зауукълукъ сынарча энди
Сезимим, къастым да аз.
Термилиу, кюйюу ёлгенди,
Жаш кёлсюзлюгюм да – тас.
 
 
 
#42
Джаратама0
11.02.2022 22:46:16 Translit
***

Бу жаз байрамында мен кимме,
Мен нек келгенме? Нёгерге?
Кесимме, биягъы кесимме,
Тансыкълыгъым бла бирге.


Да жокъду бир жарыкъ сезим да,
Къууанмайды кёлюм мында.
Умутларым, эки кёзюм да
Узакъ британ жагъасында.

Гюлле жыя, тенгиз жарыма.
Нёхюм а не хазна келир.
Мууал болур гюлтен, жаным а
Ангкъыт1 сууукъладан ёлюр.




1 Ангкъыт – къыш чилле
Изменено: elbars - 11.02.2022 22:47:17
 
 
 
#43
Джаратама0
12.02.2022 19:47:31 Translit
***


Уллу эди шам сюймеклик арада.
Саякъ эди къыз, гудучу эди жаш.
Тутса гудуну насыбы уруда,
Кюле эди къыз – субайсан къаракъаш.

Саякъ къошакълы эди, жаш а эуюл.
Кече ёлдюле сюймеклик узундан.
Тутуп баргъанда уа базар бегеуюл,
Кюле эди къыз гудуну ызындан.

«Келсенг эди, – деп айтдырды биреуден
Тутмакъ жаш, – санга термилеме да мен,
Инжийме, кюнюм да барады бата»…
Кюле эди къыз, башчыгъын ойната.

Тангнга гудуну асамакъгъа асдыла,
Итге да санмай, къабыр къаздыла.
Чагъыр да иче, кече суу бойнунда,
Кюле эди къыз, башханы къойнунда.
Изменено: elbars - 12.02.2022 19:48:50
 
 
 
#44
Джаратама0
17.02.2022 22:00:03 Translit
***

«Сыйлы бийче, ол кимди?!» – деп сорама.
«Ол къызмы?» «Хау!». «Танытайым». «Угъай!
Угъай, аныча ариугъа къалай
Базгъын? Ансыз да, кёр, шаша турама».

Керти ариуладан къоркъгъан этеме,
Кёре келген эсем да тапланы.
Жангы буйрукъ ауазларын эштеме
Умутланы, татлы азапланы.

Кёрсем тартынмай къатына барырча,
Ах, жумушармы къарамы, сёзю?
Ачы къадарымы жулдузларыча,
Бийлеп къойгъанды ол эки кёзю.
 
 
 
#45
Джаратама0
20.02.2022 00:03:20 Translit
***

Жашлыгъым! Ол узаяды,
Жол къоя кишиликге.
Къол тартынмай узалады
Энди къыз ёшюнлюкге.

Эм алгъа къозуп башлай да,
Кёп ариу болгъанды шош.
Озгъурлукъ, кёзбау хорлайды,
Уялыу жалгъанды, бош.

Зауукълукъ сынарча энди
Сезимим, къастым да аз.
Термилиу, кюйюу ёлгенди,
Жаш кёлсюзлюгюм да – тас.
 
 
 
#46
Джаратама0
22.02.2022 21:35:21 Translit
***

Бу жаз байрамында мен кимме,
Мен нек келгенме? Нёгерге?
Кесимме, биягъы кесимме
Тансыкълыгъым бла бирге.

Да жокъду бир жарыкъ сезим да,
Къууанмайды кёлюм мында.
Умутларым, эки кёзюм да
Узакъ британ жагъасында.

Гюлле жыя, тенгиз жарыма.
Нёхюм а не хазна келир.
Мууал болур гюлтен, жаным а
Ангкъыт[1] сууукъладан ёлюр.





[1] Ангкъыт – къыш чилле
 
 
 
#47
Джаратама0
25.02.2022 23:21:27 Translit
***

Уллу эди шам сюймеклик арада.
Саякъ эди къыз, гудучу эди жаш.
Тутса гудуну насыбы уруда,
Кюле эди къыз – субайсан къаракъаш.

Саякъ къошакълы эди, жаш а эуюл.
Кече ёлдюле сюймеклик узундан.
Тутуп баргъанда уа базар бегеуюл,
Кюле эди къыз гудуну ызындан.

«Келсенг эди, – деп айтдырды биреуден
Тутмакъ жаш, – санга термилеме да мен,
Инжийме, кюнюм да барады бата»…
Кюле эди къыз, башчыгъын ойната.

Тангнга гудуну асамакъгъа асдыла,
Итге да санмай, къабыр къаздыла.
Чагъыр да иче, кече суу бойнунда,
Кюле эди къыз, башханы къойнунда.
 
 
 
#48
Джаратама0
26.02.2022 20:22:29 Translit
***

Сур, ауур кече келеди
Кюн къакъдырмай юсюне.
Арыгъанбыз, энди неди
Той да, нёх[1] оюн да - не!

Чал къартлыкъ бизге жууукъду.
Унутханбыз биз жазны.
Жюреклерибиз сууукъду.
Жылынырбыз не хазна…




[1] Нёх - тос къыз; любовница
 
 
 
#49
Джаратама0
28.02.2022 21:38:14 Translit
***

Азап чекдир, аяма чырт да.
Эт не келсе да эсинге.
Сюйсенг а кюл, ачы ачыт да,
Алай сакълатама кесинги!

Тынчлыкъ берип, сагъат жукълатма,
Сюйсенг ууат, сюйсенг а – сой!
Алай мени бошха сакълатма,
Андан эсе ёлтюр да къой.

Сени сакълап кюнюм кетеди,
Аман бла чыгъа тангнга.
Шашып къалсам а, обур? Неди,
О не, бу этгенинг манга?

Тёзюмсюзлюк жилян эмгенча,
Эме, кетмез ауруу тапдым.
Аякъ тауушунгу эштгенча,
Туруп эшиклеге чапдым.

Да келмединг. Ичим кюеди,
Сууукъду кесиме тёшек.
Ингил гюлюнг нечик кюледи
Санга, о къарт, сылхыр эшек.


Гейнеден ахыр кёчюрме
 
 
 
Страницы: Пред. 1 2
Читают тему (гостей: 1)

Форум  Мобильный | Стационарный