Следы нашей истории (Tarihibizni izlari)
Фотографий - 156
| 13 Августа | 2026 года |
Навигация
- Асхат ашлыкъ сата, юйдегиси ачдан къата.
- Кёпюр салгъан кеси ётер, уру къазгъан кеси кетер.
- Аш берме да, къаш бер.
- Ауругъаннга – кийик саулукъ, джетген къызгъа – чилле джаулукъ.
- Агъач халкъгъа алтынды, иссиликге салкъынды.
- Аз айтсам, кёб ангылагъыз.
- Бал ашаргъа сюе эсенг, чибин ургъаннга тёз.
- Аллахха ийнаннган кишини, Аллах онгдурур ишин.
- Сабий кёргенин унутмаз.
- Кёбден умут этиб, аздан къуру къалма.
- Аууз сакълагъан – джан сакълар.
- Кёкдеги болмаса, джердегин кёрмейди.
- Алтыда кюлмеген, алтмышда кюлмез.
- Къолунгдан къуймакъ ашатсанг да, атаны борчундан къутулмазса.
- Окъуу – билимни ачхычы, окъуу – дунияны бачхычы.
- Айтылгъан сёз ызына къайтмаз.
- Минг тенг да азды, бир джау да кёбдю.
- Къонакъ аман болса, къонакъбай джунчур
- Сёлеш деб шай берген, тохта деб, сом берген.
- Келгинчи, къонакъ уялыр, келгенден сора, къонакъбай уялыр.
- Джырчы ёлсе, джыры къалыр.
- Къарнынг бла ёч алма.
- Атадан ёксюз – бир ёксюз, анадан ёксюз – эки ёксюз.
- Байлыкъ тауусулур, билим тауусулмаз.
- Чакъырылмагъан джерге барма, чакъырылгъан джерден къалма.
- Татлы сёз – балдан татлы.
- Билимсиз иш бармаз.
- Ёнгкюч къууана барыр, джылай келир.
- Джан саулукъ бермей, сан саулукъ бермезсе.
- Кютгени беш эчки, сызгъыргъаны уа, джерни джарады.
- Джарашыу сюйген – джалынчакъ.
- Иги болса, тамадама – махтау, аман болса, меннге – айыб.
- Тик ёргени, тик энгишгеси да болады.
- Аджашханны ызындагъы кёреди, джангылгъанны джанындагъы биледи.
- Атлыны кёрсе, джаяуну буту талыр.
- Чыбыкълыкъда бюгюлмеген, къазыкълыкъда бюгюлмей эди.
- Юреннген ауруу къалмаз.
- Арыгъан къош чамчы болур.
- Шапа кёб болса, аш татымсыз болур.
- Таш ата билмеген, башына урур.
- Сёз садакъдан кючлюдю.
- Хоншуну тауугъу къаз кёрюнюр, келини къыз кёрюнюр.
- Кюлме джашха – келир башха.
- Элиб деген, элге болушур.
- Хаухну атма, ёнгкючню сатма.
- Тели турса – той бузар.
- Мухардан ач ычхынмаз.
- Кесинг сынамагъан затны, адамгъа буюрма.
- Таула не мийик болсала да, аууш табылыр.
- Чакъырылмай келген къонакъ сыйланмай кетер.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
