Расширенный поиск
15 Августа 2026 года
Логин: Регистрация
Пароль: Забыли пароль?
Навигация
Словарь
  • Элде адам къалмаса, ит тахтагъа минер.
  • Телиге акъыл салгъандан эсе, ёлгеннге джан салырса.
  • Чабакъсыз кёлге къармакъ салгъанлыкъгъа, чабакъ тутмазса.
  • Тай асырагъан, атха минер.
  • Суу да къайтады чыкъгъан джерине.
  • Билмезни кёзю кёрмез, этмезни къулагъы эшитмез.
  • Дуния малгъа сатылма, кесингден телиге къатылма.
  • Къарт бла баш аша, джаш бла аякъ аша.
  • Уллу къашыкъ эрин джыртар.
  • Айтхан сёзюне табылгъан.
  • Чомарт къонакъ юй иесин сыйлар.
  • Кюл тюбюндеги от кёрюнмейди.
  • Тамырсыз терекге таянма – джыгъылырса.
  • Ауругъан – джашаудан умутчу.
  • Къызбайны юйюне дери сюрсенг, батыр болур.
  • Намыс болмагъан джерде, насыб болмаз.
  • Мухарны эси – ашарыкъда.
  • Джашынгы кесинг юретмесенг, джашау юретир.
  • Джыйырма къойну юч джыйырма эбзе кюте эди.
  • Тин – байлыгъынг, терен саулугъунг.
  • Керти сёзге тёре джокъ.
  • Хар ишни да аллы къыйынды.
  • Ишленмеген джаш – джюгенсиз ат, ишленмеген къыз – тузсуз хант.
  • Аджаллыгъа окъсуз шкок атылыр.
  • Ариу сёз джыланны орнундан чыгъарыр.
  • Кёб джат да, бек чаб.
  • Ётюрюк хапар аякъ тюбю бла джюрюйдю.
  • Баш – акъыл ючюн, акъылман – халкъ ючюн.
  • Атадан ёксюз – бир ёксюз, анадан ёксюз – эки ёксюз.
  • Ана къолу ачытмаз.
  • Арпа, будай – ащды, алтын, кюмюш а – ташды.
  • Къарыусузгъа кюлме, онгсузгъа тийме.
  • Нафысынгы айтханын этме, намысынгы айтханын эт.
  • Махтаннган къыз, тойда джукълар.
  • Агъач халкъгъа алтынды, иссиликге салкъынды.
  • Суу ичген шауданынга тюкюрме.
  • Ана кёлю – балада, бала кёлю – талада.
  • Эртде тургъан бла эртде юйленнген сокъуранмаз.
  • Битмегеннге сакъал – танг.
  • Ишин билген, аны сыйын чыгъарады.
  • Магъанасыз сёз – тауушсуз сыбызгъы.
  • Аманнга алтын чыдамаз.
  • Джаш болсун, къыз болсун, акъылы, саны тюз болсун.
  • Байлыкъ адамны сокъур этер.
  • Аш кетер да бет къалыр.
  • Аш иеси бла татлыды.
  • Ёлген аслан – сау чычхан.
  • Бал – татлы, балдан да бала – татлы.
  • Мал тутхан – май джалар.
  • Алим болгъандан эсе, адам болгъан къыйынды.

Фотографии

+ Создать галерею
Альбомы Эльбрусоида / Спорт

Команда в лицах

Фотографий - 15