Аудио :: Аудио:: Тартыула / Tartıula

Иши джокъну, сыйы джокъ.
Эри аманны, къатыны – аман.
Къыз тиширыу кеси юйюнде да къонакъды.
Башланнган иш битер, къымылдагъан тиш тюшер.
Ауузу аманнга «иги», деме.
Адам туугъан джеринде, ит тойгъан джеринде.
Тёгюлген тюгел джыйылмайды.
Иги бла джюрюсенг, джетерсе муратынга, аман бла джюрюсенг, къалырса уятха.
Сакъ юйюне сау барыр.
Къыз келсе, джумуш эте келеди, къатын келсе, ушакъ эте келеди.
Кёбден умут этиб, аздан къуру къалма.
Джаханимни кёрмей, джандетге кёл салмазса.
Кёз – сюйген джерде, къол – ауругъан джерде.
Сабийликде юретмесенг, уллу болса – тюзелмез.
Джылыгъа джылан илешир.
Къууут – джелге, берне – бошха.
Ачлыкъ отха секиртир.
Аз айтсам, кёб ангылагъыз.
Къуру гыбыт бек дыгъырдар.
Биреуге аманлыкъ этиб, кесинге игилик табмазса.
Мураты болгъанны джюрек тебюую башхады.
Акъыллы эркиши атын махтар, акъылсыз эркиши къатынын махтар.
Аман къатын сабий табса, бий болур…
Ашыкъгъан cуу, тенгизге джетмез.
Биреуге аманлыкъны тилеме да, кесинге ашхылыкъны тиле.
Чомарт къолда мал къалмаз.
Ачны эсинде – аш.
Адамны аманы адамны бети бла ойнар.
Мал тутхан – май джалар.
Аман адамны тепсинге олтуртсанг, къызынгы тилер.
Кютгени беш эчки, сызгъыргъаны уа, джерни джарады.
Къарт болгъан джерде, берекет болур, сабий болгъан джерде, оюн болур.
Айырылмаз джууугъунга, унутмаз сёзню айтма.
Уясында не кёрсе, учханында аны этер.
Нарт сёз къарт болмаз.
Терслик кетер, тюзлюк джетер.
Аджашхан тёгерек айланыр.
Аш иеси бла татлыды.
Эшекге миннген – биринчи айыб, андан джыгъылгъан – экинчи айыб.
Уллу къашыкъ эрин джыртар.
Тил – миллетни джаны.
Уллу суу бла уллу ауруудан башынгы сакъла.
Сибиртки да сыйлы болду, кюрек да кюнлю болду.
Айранны сюйген, ийнек тутар.
Ишлегенден, къарагъан уста.
Харам къарнашдан, халал тенг ашхы.
Ариу сёз – къылычдан джити.
Алтыда кюлмеген, алтмышда кюлмез.
Бир абыннган – минг сюрюнюр.
Къарт бла баш аша, джаш бла аякъ аша.

Логин:	Регистрация

Пароль:	Забыли пароль?

Запомнить меня

Аудио

Тартыула / Tartıula

Скачать

Адрес