Аудио :: Аудио:: Магомет Ахияевич Хубиев

Таш бла ургъанны, аш бла ур.
Чомарт къолда мал къалмаз.
Уллу къазанда бишген эт, чий къалмаз.
Ашаса, ашамаса да, бёрюню ауузу – къан.
Акъдан къара болмаз.
Уруну арты – къуру.
Таукелге нюр джауар.
Адам къаллай бир ишленмесе, аллай бир кесин уллу кёреди.
Иесиз малны бёрю ашар.
Кесинг сынамагъан затны, адамгъа буюрма.
Кесинге джетмегенни, кёб сёлешме.
Ана – юйню кюн джарыгъы.
Кеси юйюмде мен да ханма.
Къонакъ аман болса, къонакъбай джунчур
Кёпюр салгъан кеси ётер, уру къазгъан кеси кетер.
Кёкдеги болмаса, джердегин кёрмейди.
Джарлыны тону джаз битер.
Аман къатын сабий табса, бий болур…
Онгсузну – джакъла, тенгликни – сакъла.
Иги сеники эсе да, сюйген кесимикин этеме.
Танг атмайма десе да, кюн къоярыкъ тюйюлдю.
Тёрени джагъы джокъ.
Элде адам къалмаса, ит тахтагъа минер.
Кесине гебен этелмеген, биреуге черен эте эди.
Адамны бетине къарама, адетине къара.
Махтаннган къыз, тойда джукълар.
Кюн кёрмеген, кюн кёрсе, кюндюз чыракъ джандырыр.
Тамчы таш тешер.
Билим ат болуб да чабар, къуш болуб да учар.
Сакъалы текени да бар, мыйыгъы киштикни да бар.
Сабыр джетер муратха, сабырсыз къалыр уятха.
Эки ойлашыб, бир сёлешген.
Ёлген ийнек сютлю болур.
Келинин тута билмеген, къул этер, къызын тута билмеген, тул этер.
Джашлыкъ этмеген, башлыкъ этмез.
Къызны минг тилер, бир алыр.
Ауурну тюбю бла, дженгилни башы бла джюрюген.
Душманны тышы – акъ, ичи – къара.
Ач бёрюге мекям джокъ.
Гугук кесини атын айтыб къычыргъанча, мен, мен деб нек тураса?
Хаухну атма, ёнгкючню сатма.
Аджал соруб келмез, келсе, къайтыб кетмез.
Кёбден умут этиб, аздан къуру къалма.
Ашына кёре табагъы, балына кёре къалагъы.
Телини эшигин, махтау джабар.
Акъыл къартда, джашда тюйюлдю – башдады.
Аман хансны – урлугъу кёб.
Мени джылытмагъан кюн, меннге тиймесин!
Джаш болсун, къыз болсун, акъылы, саны тюз болсун.
Нёгер болсанг, тенг бол, тенг болмасанг, кенг бол.

Логин:	Регистрация

Пароль:	Забыли пароль?

Запомнить меня

Аудио

Магомет Ахияевич Хубиев

Скачать

Адрес