Песен: 58 Создан:
06.05.2015 Обновлен:
06.05.2015
| 19 Июля | 2026 года |
Навигация
- Адам къыйынлыгъын кёлтюрюр, зауукълугъун кёлтюрмез.
- Садакъачыны джаны – къапчыгъында.
- Ат басханны джер билед.
- Ана – юйню кюн джарыгъы.
- Кёбден умут этиб, аздан къуру къалма.
- Ариу сёз – къылычдан джити.
- Къонакъ болсанг, ийнакъ бол.
- Ауругъанны сау билмез, ач къарынны токъ билмез.
- Мал тутхан – май джалар.
- Магъанасыз сёз – тауушсуз сыбызгъы.
- Эртде тургъан бла эртде юйленнген сокъуранмаз.
- Биреуге аманлыкъны тилеме да, кесинге ашхылыкъны тиле.
- Окъуусуз билим – джокъ, билимсиз кюнюнг – джокъ.
- Келгинчи, къонакъ уялыр, келгенден сора, къонакъбай уялыр.
- Джаханимни кёрмей, джандетге кёл салмазса.
- Ат да турмайды бир териде.
- Зарда марда джокъ.
- Ёмюрлюк шохлукъну джел элтмез.
- Адамны аты башхача, акъылы да башхады.
- Таякъ этден ётер, тил сюекден ётер.
- Намысы джокъну – дуниясы джокъ.
- Адеб базарда сатылмаз.
- Айранын берсенг, челегин да къызгъанма.
- Аууздан келген, къолдан келсе, ким да патчах болур эди.
- Ышармагъан – кюлмез, кюлмеген – къууанчны билмез.
- Бермеген къол, алмайды.
- Бир онгсуз адам адет чыгъарды, деб эштирик тюлсе.
- Мен да «сен», дейме, сен да «кесим», дейсе.
- Ата Джуртуму башы болмасам да, босагъасында ташы болайым.
- Ойнай-ойнай кёз чыгъар.
- Бет бетге къараса, бет да джерге къарар.
- Иги адам абынса да, джангылмаз.
- Дженгил джетерикме деб, узун джолну къоюб, къысхасын барма.
- Таукел адам тау тешер.
- Эринчекни эр алмаз, эр алса да, кёл салмаз, кёл салса да, кёб бармаз!
- Байма, деб да, къууанма, джарлыма, деб да, джылама.
- Къайгъы тюбю – тенгиз.
- Бастасын ашагъан, хантусун да ичер.
- Татлы тилде – сёз ариу, чемер къолда – иш ариу.
- Ауузу аманнга «иги», деме.
- Эрни эр этерик да, къара джер этерик да, тиширыуду.
- Гитче джилтин уллу элни джандырыр.
- Ашлыкъ – бюртюкден, джюн – тюкден.
- Ишлемеген – тишлемез.
- Ким бла джюрюсенг, аны кёзю бла кёрюнюрсе.
- Адамны артындан къара сабан сюрме.
- Къайтырыкъ эшигинги, къаты уруб чыкъма.
- Ашхылыкъ джерде джатмайды, аманлыкъ суугъа батмайды.
- Битмегеннге сакъал – танг.
- Тёрде – темир таякълы, къаяда – чыпчыкъ аякълы.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
