Песен: 28 Создан:
06.05.2015 Обновлен:
29.01.2018
| 18 Июня | 2026 года |
Навигация
- Ашхы атаны – джашы ашхы, ашхы ананы – къызы ашхы.
- Тыш элде солтан болгъандан эсе, кесинги элде олтан болгъан игиди!
- Нафысынгы айтханын этме, намысынгы айтханын эт.
- Юреннген ауруу къалмаз.
- Кёб джат да, бек чаб.
- Зарда марда джокъ.
- Туз, гырджын аша, тюзлюк бла джаша.
- Кёл – къызбай, къол – батыр.
- Ачыу алгъа келсе, акъыл артха къалады.
- Джумушакъ сёз къаты таякъны сындырыр.
- Аманнга да, игиге да оноусуз къатышма.
- Хар сёзню орну барды.
- Келгинчи, къонакъ уялыр, келгенден сора, къонакъбай уялыр.
- Къартха ушагъан джаш – акъыллы, джашха ушагъан къарт – тели.
- Тилчи тилден къаныкъмаз.
- Биреуню эскиси биреуге джангы болмайды.
- Къазанда болса, чолпугъа чыгъар.
- Суугъа – таянма, джаугъа – ийнанма.
- Аман къатын алгъан, арыр, иги къатын алгъан джарыр.
- Чакъырылмагъан къонакъ къачан кетерин сормаз.
- Билим къая тешер.
- Адамны сабийин сюйген джюреги, бычакъча, джитиди.
- Аман адамны тепсинге олтуртсанг, къызынгы тилер.
- Ач бёрюге мекям джокъ.
- Азыгъы аз, алгъа къабар, аты аман, алгъа чабар.
- Аууз сакълагъан – джан сакълар.
- Нёгерсизни джолу узун.
- Кийиминг бла танылма, адамлыкъ бла таныл.
- Джерни букъусу кёкге къонмаз.
- Чомарт къонакъ юй иесин сыйлар.
- Ишге юренсин къоллары, халкъ бла болсун джоллары.
- Чарсда алчыны эл кёреди.
- Бозаны арты дауур болур.
- Бал чибинни ургъаны – ачы, балы – татлы.
- Тамчы таш тешер.
- Ётген ёмюр – акъгъан суу.
- Джаш болсун, къыз болсун, акъылы, саны тюз болсун.
- Къарт айтханны этмеген, къартаймаз.
- Къобан да къуру да къобханлай турмайды, адам да къуру да патчахлай турмайды.
- Садакъачыны джаны – къапчыгъында.
- Адам туугъан джеринде, ит тойгъан джеринде.
- Тойчу джашха къарама, къойчу джашха къара.
- Биреу ашаб къутулур, биреу джалаб тутулур.
- Уллу сёзде уят джокъ.
- Чабакъсыз кёлге къармакъ салгъанлыкъгъа, чабакъ тутмазса.
- Аш иеси бла татлыды.
- Сууда джау джокъ, кёб сёзде магъана джокъ.
- Хунаны тюбюн къазсанг, юсюнге ауар.
- Джашны джигитлиги сорулур, къызны джигерлиги сорулур.
- Айыбны суу бла джууалмазса.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
