Аудио :: Аудио:: Радиопередачи / Radyoberiule

Адам сёзюнден белгили.
Къошда джокъгъа – юлюш джокъ.
Эркишиге тары кебек танг кёрюнюр.
Юй ишлеген балта эшикде къалыр.
Байлыкъ адамны сокъур этер.
Атлыны кёрсе, джаяуну буту талыр.
Намыс сатылыб алынмайды.
Тенги кёбню джау алмаз, акъылы кёбню дау алмаз.
Телини эшигин, махтау джабар.
Юйюнгден чыкъдынг – кюнюнгден чыкъдынг.
Накъырда – кертини келечиси.
Кесинге джетмегенни, кёб сёлешме.
Аманнга алтын чыдамаз.
Къартны бурнун сюрт да, оноугъа тут.
Тенгинг джокъ эсе – изле, бар эсе – сакъла!
Аман къатын алгъан, арыр, иги къатын алгъан джарыр.
Тилчиден кери бол.
Ат да турмайды бир териде.
Агъач – джерни чырайы, кийим – эрни чырайы.
Танг атмайма десе да, кюн къоярыкъ тюйюлдю.
Сабийликде юретмесенг, уллу болса – тюзелмез.
Тулпарлыкъ, билекден тюл – джюрекден.
Къонакъ хазыр болгъанлыкъгъа, къонакъбай хазыр тюлдю.
Aдам боллукъ, сыфатындан белгили.
Дженгил джетерикме деб, узун джолну къоюб, къысхасын барма.
Сютден ауузу кюйген, суугъа юфгюре эди.
Сютню башын джалагъан къутулур, тюбюн ичген тутулур.
Иесиз малны бёрю ашар.
Тамчы таш тешер.
Айранны сюйген, ийнек тутар.
Окъугъан – асыу, окъумагъан – джарсыу.
Бетинги сатма, малынгы сат.
Мураты болгъанны джюрек тебюую башхады.
Ачлыкъда тары гырджын халыуадан татлы.
Тилчи тилден къаныкъмаз.
Ариу сёз – джаннга азыкъ, аман сёз – башха къазыкъ.
Джан саулукъ бермей, сан саулукъ бермезсе.
Ушамагъан – джукъмаз.
Кёб къычыргъандан – къоркъма, тынч олтургъандан – къоркъ.
Ауругъаннга – кийик саулукъ, джетген къызгъа – чилле джаулукъ.
Уясында не кёрсе, учханында аны этер.
Ана къойну – балагъа джандет.
Къызбайны юйюне дери сюрсенг, батыр болур.
Акъыллы башны – тили къысха.
Ач къалгъандан, кеч къалгъан къолай.
Эм ашхы къайын ана мамукъ бла башынгы тешер.
Ач къарынны, токъ билмез
Ашын ашагъанынгы, башын да сыйла.
Ётюрюкчюню шагъаты – къатында.
Джерни букъусу кёкге къонмаз.

Логин:	Регистрация

Пароль:	Забыли пароль?

Запомнить меня

Аудио

Радиопередачи / Radyoberiule

Скачать

Адрес