Аудио :: Аудио:: Радиопередачи / Radyoberiule

Ашда – бёрю, ишде – ёлю.
Ёпкелегенни ашы татлы болады.
Чомарт къолда мал къалмаз.
Уллу къашыкъ эрин джыртар.
Танг атмайма десе да, кюн къоярыкъ тюйюлдю.
Садакъачыны джаны – къапчыгъында.
Сескекли кесин билдирир.
Ачлыкъ отха секиртир.
Къарт бла баш аша, джаш бла аякъ аша.
Сёлеш деб шай берген, тохта деб, сом берген.
Ач къалгъандан, кеч къалгъан къолай.
Сибиртки да сыйлы болду, кюрек да кюнлю болду.
Джарашыу сюйген – джалынчакъ.
Кёз – сюйген джерде, къол – ауругъан джерде.
Чакъырылмагъан къонакъ тёрге атламаз.
Сёз сёзню айтдырыр.
Къызны минг тилер, бир алыр.
Эки къатын алгъан – эки ташны ортасына башын салгъан.
Тили узунну, намысы – къысха.
Окъугъан – асыу, окъумагъан – джарсыу.
Бастасын ашагъан, хантусун да ичер.
Таукелге нюр джауар.
Миллетни бойну – базыкъ, аны бла кюрешген – джазыкъ.
Алгъанда – джууукъ, бергенде – джау.
Сёз садакъдан кючлюдю.
Накъырда – кертини келечиси.
Къартны бурнун сюрт да, оноугъа тут.
Бет бетге къараса, бет да джерге къарар.
Аш хазыр болса, иш харам болур.
Къралынгы – душмандан, башынгы от бла суудан сакъла.
Татлы сёз – балдан татлы.
Кёзню ачылгъаны – иги, ауузну джабылгъаны – иги.
Намысы болмагъанны, сыйы болмаз.
Тюзлюк шохлукъну бегитир.
Иги – алгъыш этер, аман – къаргъыш этер.
Джюрек кёзден алгъа кёрюр.
Ариу джол аджал келтирмез.
Эшекни не къадар тюйсенг да, ат болмаз.
Узун джолну барсанг, бюгюн келирсе, къысха джолну барсанг, тамбла келирсе.
Адамны аты башхача, акъылы да башхады.
Гитче джилтин уллу элни джандырыр.
Ашда уялгъан – мухар, ишде уялгъан – хомух.
Адеби болмагъан къыз – тузсуз хант.
Кийим тукъум сордурур.
Ётген ёмюр – акъгъан суу.
Малны кют, джерни тюрт.
Билгенни къолу къарны джандырыр.
Суу да къайтады чыкъгъан джерине.
Соргъан айыб тюлдю, билмеген айыбды.
Билген билмегенни юретген адетди.

Логин:	Регистрация

Пароль:	Забыли пароль?

Запомнить меня

Аудио

Радиопередачи / Radyoberiule

Скачать

Адрес