Аудио :: Аудио:: Габаев Тенгиз

Тешик этген тынчды, аны джамагъан къыйынды.
Къозулугъунда тоймагъан, къойлугъунда тоймаз.
Къанны къан бла джуума, аманны аман бла къуума.
Баш болса, бёрк табылыр.
Къонакъ болсанг, ийнакъ бол.
Ачлыкъ отха секиртир.
Ачыкъ джюрекге джол – ачыкъ.
Аджал соруб келмез, келсе, къайтыб кетмез.
Эм уллу байлыкъ – джан саулукъ.
Ёмюрлюк шохлукъну джел элтмез.
Джюрекге ариу – кёзге да ариу.
Итли къонакъ джарашмаз.
Ашын ашагъанынгы, башын да сыйла.
Эл элде бирер малынг болгъандан эсе, бирер тенгинг болсун.
Джыгъылгъанны сырты джерден тоймаз.
Джырчы ёлсе, джыры къалыр.
Таш бла ургъанны, аш бла ур.
Суу да къайтады чыкъгъан джерине.
Нёгер болсанг, тенг бол, тенг болмасанг, кенг бол.
Ёгюзню мюйюзлери ауурлукъ этмейдиле.
Мал кёб болса, джууукъ кёб болур.
Этни бети бла шорпасы.
Къатын къылыкъсыз, эр тынчлыкъсыз.
Ёгюзню мюйюзюнден тутадыла, адамны сёзюнден тутадыла.
Къууут – джелге, берне – бошха.
Баш – акъыл ючюн, акъылман – халкъ ючюн.
Адам сёзюнден белгили.
Аз сёлеш, кёб ишле.
Ёксюзню тилеги къабыл болур.
Арба аугъандан сора, джол кёргюзтюучю кёб болур.
Къарт бла баш аша, джаш бла аякъ аша.
Ачлыкъда тары гырджын халыуадан татлы.
Джуртун къоругъан озар.
Арыгъан къош чамчы болур.
Адебсиз адам – джюгенсиз ат.
Аш берме да, къаш бер.
Тамбла алтындан бюгюн багъыр ашхы.
Хатерли къул болур.
Кёлсюзден сёзсюз тууар.
От этилмеген джерден тютюн чыкъмайды.
Игилик игилик бла сингдирилиучю затды.
Суугъа – таянма, джаугъа – ийнанма.
Джахил болса анасы, не билликди баласы?
Джетген къыз джерли эшекни танымаз.
Иги джашны ышаны – аз сёлешиб, кёб тынгылар.
Байлыкъ келсе, акъыл кетер.
Алгъанда – джууукъ, бергенде – джау.
Уллу атлама – абынырса, уллу къабма – къарылырса.
Телиге акъыл салгъандан эсе, ёлгеннге джан салырса.
Айырылгъанланы айю ашар, бёлюннгенлени бёрю ашар.

Логин:	Регистрация

Пароль:	Забыли пароль?

Запомнить меня

Аудио

Габаев Тенгиз

Скачать

Адрес