Песен: 1 Создан:
29.01.2018 Обновлен:
29.01.2018
| 19 Июля | 2026 года |
Навигация
- Дууулдаса – бал чибин, къонса – къара чибин.
- Кёзден кетген, кёлден да кетеди.
- Къызны минг тилер, бир алыр.
- Къонакъ аз олтурур, кёб сынар.
- Ишин билген, аны сыйын чыгъарады.
- Намыс сатылыб алынмайды.
- Ашлыкъ – бюртюкден, джюн – тюкден.
- Уллу къашыкъ эрин джыртар.
- Чабакъ башындан чирийди.
- Шайтан алдады, тюзлюк къаргъады.
- Кийиминг бла танылма, адамлыкъ бла таныл.
- Хар сёзню орну барды.
- Орну джокъну – сыйы джокъ.
- Борчунг бар эсе, хурджунунга ойлаб узал.
- Ёлюр джаннга, ёкюл джокъ.
- Аман киши кеси юйюнде – къонакъ.
- Бермеген къол, алмайды.
- Байма, деб да, къууанма, джарлыма, деб да, джылама.
- Адамны адамлыгъы къыйынлыкъда айгъакъланады.
- Экеу тутушса, биреу джыгъылыр.
- Алтыда кюлмеген, алтмышда кюлмез.
- Сабыр джетер муратха, сабырсыз къалыр уятха.
- Сёз къанатсыз учар.
- Азыгъы аз, алгъа къабар, аты аман, алгъа чабар.
- Дженгил джетерикме деб, узун джолну къоюб, къысхасын барма.
- Къая джолда джортма, ачыкъ сёзден къоркъма.
- Аш хазыр болса, иш харам болур.
- Юреннген ауруу къалмаз.
- Ач къарынны, токъ билмез
- Къазанчы аман болса, къазаны къайнамаз.
- Кюлме джашха – келир башха.
- Арбаз къынгырды да, ийнек сауалмайма.
- Ариуну – ауруу кёб.
- Къызгъанчдан ычхыныр, мухардан ычхынмаз.
- Телиге акъыл салгъандан эсе, ёлгеннге джан салырса.
- Сабийликде юретмесенг, уллу болса – тюзелмез.
- Сагъышы джокъ – джукъучу, акъылы джокъ – къаугъачы.
- Бал чибинни ургъаны – ачы, балы – татлы.
- Келгинчи, къонакъ уялыр, келгенден сора, къонакъбай уялыр.
- Джолунга кёре – джюрюшюнг, джагъанга кёре – юлюшюнг.
- Байдан умут эте, джарлыдан ёгюз багъасы къорады.
- Аджалсыз ёлюм болмаз.
- Кёзю сокъурдан – къоркъма, кёлю сокъурдан – къоркъ.
- Бюгюн дуния кибик, тамбла ахыратды.
- Юйлю уругъа ит чабмаз.
- Юйюнг бла джау болгъандан эсе, элинг бла джау бол.
- Болджал ишни бёрю ашар.
- Билмейме деген – бир сёз
- Атлыны ашхысы, ат тизгининден билинир
- Аманны тукъумуна къарама, игини тукъумун сорма.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
