Песен: 7 Создан:
06.05.2015 Обновлен:
14.03.2018
| 15 Апреля | 2026 года |
Навигация
- Экеу тутушса, биреу джыгъылыр.
- Джарлы джети элни сёзюн этер.
- Биреуге аманлыкъ этиб, кесинге игилик табмазса.
- Джылкъыдан – ат чыгъар, тукъумдан – джаш чыгъар.
- Тин – байлыгъынг, терен саулугъунг.
- Иги – алгъыш этер, аман – къаргъыш этер.
- Эркишиге тары кебек танг кёрюнюр.
- Кёбню кёрген – кёб билир.
- Биреуню тёрюнден, кесинги эшик артынг игиди.
- Кёз – сюйген джерде, къол – ауругъан джерде.
- Биреуге аманлыкъны тилеме да, кесинге ашхылыкъны тиле.
- Байма, деб да, къууанма, джарлыма, деб да, джылама.
- Бойнуму джети джерден кессенг да, мен ол ишни этеллик тюлме.
- Кёбден умут этиб, аздан къуру къалма.
- Акъыллы айтыр эди, акъылсыз къоймайды.
- Садакъачыны джаны – къапчыгъында.
- Ачыу алгъа келсе, акъыл артха къалады.
- Билген билмегенни юретген адетди.
- Ашарыкъда сайлагъаннга – чий гырджын.
- Эрни эр этерик да, къара джер этерик да, тиширыуду.
- Кёзден кетген, кёлден да кетеди.
- Ашда уялгъан – мухар, ишде уялгъан – хомух.
- Насыблы элин сюер, насыбсыз кесин сюер.
- Ёксюзню къалачы уллу кёрюнюр.
- Аманны къуугъан, аманлыкъ табар.
- Тик ёргени, тик энгишгеси да болады.
- Джангыз торгъай джырламаз.
- Айыбны суу бла джууалмазса.
- Чыбыкълыкъда бюгюлмеген, къазыкълыкъда бюгюлмей эди.
- Эрине къаргъыш этген къатын, эрнин къабар.
- Аурууну келиую тынч, кетиую – къыйын.
- Акъыл неден да кючлюдю.
- Эл ауузу – элек, анга ийнаннган – халек.
- Ана къойну – балагъа джандет.
- Тойгъандан сора, ашны сёкме.
- Урама да – ёледи, сатама да – келеди.
- Кесинге джетмегенни, кёб сёлешме.
- Хазыр ашха – терен къашыкъ.
- Ханы къызы буюгъа-буюгъа киштик болду.
- Чакъырылмагъан къонакъ – орунсуз.
- Алим болгъандан эсе, адам болгъан къыйынды.
- Къарт бла баш аша, джаш бла аякъ аша.
- Тёрдеги кюлсе, эшикдеги ышарыр.
- Чёбню кёлтюрсенг, тюбюнден сёз чыгъар.
- Ач отунчуну ачыуу – бурнунда.
- Биреуге кёлтюрген таягъынг, кесинги башынга урур.
- Дуния аламаты сен эсенг да, игиме деб айтма.
- Хаухну атма, ёнгкючню сатма.
- Хунаны тюбюн къазсанг, юсюнге ауар.
- Къызгъанчдан ычхыныр, мухардан ычхынмаз.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
