Песен: 4 Создан:
06.05.2015 Обновлен:
06.05.2015
| 15 Апреля | 2026 года |
Навигация
- Экеулен сёлеше тура эселе, орталарына барыб кирме.
- Кирсизни – саны таза, халалны – къаны таза.
- Акъыл неден да кючлюдю.
- Джарлы эскисин джамаса, къууаныр.
- Керти сёзге тёре джокъ.
- Кесинг сынамагъан затны, адамгъа буюрма.
- Джарлыны эшигин махтагъан джабар.
- Тамчы таш тешер.
- Тели турса – той бузар.
- Ач, тоймам, дейди, тойгъан, ач болмам, дейди.
- Ойнаб айтсанг да, эслеб айт.
- Адамны бетине къарама, адетине къара.
- Ариу – кёзге, акъыл – джюрекге.
- Байны къызы баймакъ болса да, юйде къалмаз!
- Аман къатын алгъан, арыр, иги къатын алгъан джарыр.
- Ёлюк кебинсиз къалмаз.
- Иесиз малны бёрю ашар.
- Ауругъаннга – кийик саулукъ, джетген къызгъа – чилле джаулукъ.
- Бек анасы джыламаз.
- Гырджын – тепсини тамадасы.
- Юйюнг бла джау болгъандан эсе, элинг бла джау бол.
- Джан саулукъ бермей, сан саулукъ бермезсе.
- Джети тилни билген джети кишиди.
- Адам сёзюнден белгили.
- Джыйырма къойну юч джыйырма эбзе кюте эди.
- Ишлемеген – тишлемез.
- Иши джокъну, сыйы джокъ.
- Ашатыргъа иш – ашхы, ишлетирге аш – ашхы.
- Кёл – къызбай, къол – батыр.
- Кёлю джокъну – джолу джокъ.
- Терек ауса, отунчу – кёб.
- Ауузу бла къуш тута айланады.
- Таугъа чыгъаллыкъ эсенг, тюзде къалма.
- Кёкдеги болмаса, джердегин кёрмейди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Сютден ауузу кюйген, суугъа юфгюре эди.
- Къонакъ хазыр болгъанлыкъгъа, къонакъбай хазыр тюлдю.
- Бойнуму джети джерден кессенг да, мен ол ишни этеллик тюлме.
- Термилгенинги табмазса, кюлгенинге тюберсе.
- Сакъламагъан затынга джолукъсанг, не бек къууанаса, не бек ачыйса.
- Таула не мийик болсала да, аууш табылыр.
- Башда акъыл болмаса, эки аякъгъа кюч джетер.
- Байма, деб да, къууанма, джарлыма, деб да, джылама.
- Эр сокъур болсун, къатын тилсиз болсун.
- Къазанда болса, чолпугъа чыгъар.
- Ашхылыкъ джерде джатмайды, аманлыкъ суугъа батмайды.
- Къарнынг бла ёч алма.
- Аууз сакълагъан – джан сакълар.
- Акъыл сабырлыкъ берир.
- Къазанчы аман болса, къазаны къайнамаз.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
