Аудио :: Аудио:: Байрамуков А.-А.

Джахил болса анасы, не билликди баласы?
Аз сёлешген, къайгъысыз турур.
Ашхы тенг джолгъа салыр, аман тенг джолдан тайдырыр.
Сууда джау джокъ, кёб сёзде магъана джокъ.
Келинни – келгинчи, бёркню кийгинчи кёр.
Игини сыйлагъан адетди.
Тилчиден кери бол.
Къозулугъунда тоймагъан, къойлугъунда тоймаз.
Болджал ишни бёрю ашар.
Ёлюр джаннга, ёкюл джокъ.
Бюгюн дуния кибик, тамбла ахыратды.
Чомарт къонакъ юй иесин сыйлар.
Акъыл неден да кючлюдю.
Таукел адам тау тешер.
Къызбайны юйюне дери сюрсенг, батыр болур.
Хаухну атма, ёнгкючню сатма.
Байлыкъ болгъан джерде, тынчлыкъ джокъду.
Аман къатын алгъан, арыр, иги къатын алгъан джарыр.
Джетген къыз джерли эшекни танымаз.
Къыз тиширыу кеси юйюнде да къонакъды.
Адеб этмеген, адеб кёрмез.
Джети тилни билген джети кишиди.
Билим къая тешер.
Чёбню кёлтюрсенг, тюбюнден сёз чыгъар.
Ана кёлю – балада, бала кёлю – талада.
Айырылмаз джууугъунга, унутмаз сёзню айтма.
Адам туугъан джеринде, ит тойгъан джеринде.
Суу да къайтады чыкъгъан джерине.
От этилмеген джерден тютюн чыкъмайды.
Ишлегенден, къарагъан уста.
Сакъламагъан затынга джолукъсанг, не бек къууанаса, не бек ачыйса.
Билимден уллу байлыкъ джокъду.
Тёгюлген тюгел джыйылмайды.
Къазанчы аман болса, къазаны къайнамаз.
Тиширыусуз юй – отсуз от джагъа.
Эл тойса, тоймагъан, эл къойса, къоймагъан.
Тойгъандан сора, ашны сёкме.
Ишлемеген – тишлемез.
Уллу къазанда бишген эт, чий къалмаз.
Ёзденликни джайгъан – джокълукъ.
Намыс сатылыб алынмайды.
Билим – акъылны чырагъы.
Къуру гыбыт бек дыгъырдар.
Рысхы джалгъанды: келген да этер, кетген да этер.
Артына баргъанны, къатына барма.
Къайтырыкъ эшигинги, къаты уруб чыкъма.
Джолда аягъынга сакъ бол, ушакъда тилинге сакъ бол.
Джиби бир къат джетмей эди да, эки къат тарта эди.
Аман хансны – урлугъу кёб.
Иги сёз – джаннга азыкъ, аман сёз башха – къазыкъ.

Логин:	Регистрация

Пароль:	Забыли пароль?

Запомнить меня

Аудио

Байрамуков А.-А.

Скачать

Адрес