Аудио :: Аудио:: Байрамуков А.-А.

Ата Джуртуму башы болмасам да, босагъасында ташы болайым.
Тура эдим джата, къайдан чыкъды хата?
Этим кетсе да, сюегим къалыр.
Келгинчи, къонакъ уялыр, келгенден сора, къонакъбай уялыр.
Нёгерсизни джолу узун.
Уясында не кёрсе, учханында аны этер.
Аман эсирсе, юйюн ояр.
Билим насыб берир, билим джолну керир.
Акъыл къартда, джашда тюйюлдю – башдады.
Керилген да, ургъан кибикди.
Оюмсуз атлагъан, аджалсыз ёлюр.
Къалгъан ишге къар джауар.
Джюрекден джюрекге джол барды.
Сабий болмагъан джерде, мёлек болмаз.
Таш бла ургъанны, аш бла ур.
Рысхы – сют юсюнде кёмюк кибикди.
Джангыз терек къынгыр ёсер.
Минг тенг да азды, бир джау да кёбдю.
Къолу уллу – асыу, аягъы уллу – джарсыу.
Тешик этген тынчды, аны джамагъан къыйынды.
Тойгъан джерге джети къайт.
Арбаз сайлама да, хоншу сайла.
Ауругъанны сау билмез, ач къарынны токъ билмез.
Тенгинг джокъ эсе – изле, бар эсе – сакъла!
Аман къатын сабий табса, бий болур…
Ойнай билмеген, оюн бузар.
Къартны сыйын кёрмеген, къартлыгъында сыйлы болмаз.
Ашына кёре табагъы, балына кёре къалагъы.
Къулакъдан эсе, кёзге ышан.
Тин – байлыгъынг, терен саулугъунг.
Джетген къыз джерли эшекни танымаз.
Алтыннга тот къонмаз.
Джахил болса анасы, не билликди баласы?
Ойнай-ойнай кёз чыгъар.
Джюрек кёзден алгъа кёрюр.
Ким бла джюрюсенг, аны кёзю бла кёрюнюрсе.
Термилгенинги табмазса, кюлгенинге тюберсе.
Борчунг бар эсе, хурджунунга ойлаб узал.
Баланы адам этген анады.
Хаухну атма, ёнгкючню сатма.
Акъыллы эркиши атын махтар, акъылсыз эркиши къатынын махтар.
Бети – къучакълар, джюреги – бычакълар.
Зарда марда джокъ.
Аллахха ийнаннган кишини, Аллах онгдурур ишин.
Акъдан къара болмаз.
Аууздан келген, къолдан келсе, ким да патчах болур эди.
Кёб ант этген, кёб ётюрюк айтыр.
Билген билмегенни юретген адетди.
Ата – баланы уясы.
Иесиз малны бёрю ашар.

Логин:	Регистрация

Пароль:	Забыли пароль?

Запомнить меня

Аудио

Байрамуков А.-А.

Скачать

Адрес