Аудио :: Аудио:: Байрамуков Ю

Бет бетге къараса, бет да джерге къарар.
Кёзю сокъурдан – къоркъма, кёлю сокъурдан – къоркъ.
Акъыллы башны – тили къысха.
Джигер – джаннга къыйынлыкъ.
Акъылсызны джууукъгъа алма, акъыллыны кенгнге салма.
Къарын къуру болса, джюрек уру болур.
Ашда – бёрю, ишде – ёлю.
Джылар джаш, атасыны сакъалы бла ойнар.
Мал ёлсе, сюек къалыр, адам ёлсе, иши къалыр.
Шекер бла туз – бир болмаз, ушамагъан – юй болмаз.
Байлыкъ келсе, акъыл кетер.
Тойгъан джерге джети къайт.
Бети – къучакълар, джюреги – бычакълар.
Джан саулукъ бермей, сан саулукъ бермезсе.
Бозаны арты дауур болур.
Билмезни кёзю кёрмез, этмезни къулагъы эшитмез.
Джашда акъыл джокъ, къартда къарыу джокъ.
Ач келгенни – тойдур, кеч келгенни – къондур.
Тойгъан джерден туугъан джер игиди.
Элге къуллукъ этмеген, элге ие болмаз.
Джыгъылгъанны сырты джерден тоймаз.
Ёзденликни джайгъан – джокълукъ.
Ишленмеклик адамлыкъды.
Кёзню ачылгъаны – иги, ауузну джабылгъаны – иги.
Бал ашаргъа сюе эсенг, чибин ургъаннга тёз.
Джылыгъа джылан илешир.
Мени джылытмагъан кюн, меннге тиймесин!
Ачыу алгъа келсе, акъыл артха къалады.
Къыйынлы джети элге оноу этер.
Адеб этмеген, адеб кёрмез.
Намыс болмагъан джерде, насыб болмаз.
Мен да «сен», дейме, сен да «кесим», дейсе.
Кёл – къызбай, къол – батыр.
Миллетни бойну – базыкъ, аны бла кюрешген – джазыкъ.
Ач къарынны, токъ билмез
Ёпкелегенни ашы татлы болады.
Бюгюн дуния кибик, тамбла ахыратды.
Ишлерге уял да, ашаргъа табма.
Кёб къычыргъандан – къоркъма, тынч олтургъандан – къоркъ.
Джаралыны джастыгъында сау ёлюр.
Тулпарлыкъ, билекден тюл – джюрекден.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Окъугъанны бети джарыкъ.
Эшекни не къадар тюйсенг да, ат болмаз.
Босагъа таш юйге кирмей эди, тыбыр таш эшикге чыкъмай эди.
Мухар, кеси тойса да, кёзю тоймаз.
Къан бла кирген, джан бла чыгъар.
Ёксюзню тилеги къабыл болур.
Алтыннга тот къонмаз.
Уллу суу бла уллу ауруудан башынгы сакъла.

Логин:	Регистрация

Пароль:	Забыли пароль?

Запомнить меня

Аудио

Байрамуков Ю

Скачать

Адрес