Аудио :: Аудио:: Байчеккуев А

Адам къаллай бир ишленмесе, аллай бир кесин уллу кёреди.
Гыдай эчки суугъа къараб, мюйюзле кёрмесе, джашма алкъын, дегенди.
Киштикге къанат битсе, чыпчыкъ къалмаз эди.
Чалманны аллы къалай башланса, арты да алай барады.
Байма, деб да, къууанма, джарлыма, деб да, джылама.
Эртде тургъан джылкъычыны эркек аты тай табар.
Асхат ашлыкъ сата, юйдегиси ачдан къата.
Чомарт джарлы болмаз.
Джырына кёре эжиую.
Тил джюрекге джол ишлейди.
Байдан умут эте, джарлыдан ёгюз багъасы къорады.
Эски джаугъа ышанма.
Орну джокъну – сыйы джокъ.
Джылкъыдан – ат чыгъар, тукъумдан – джаш чыгъар.
Ата – билек, ана – джюрек!
Кёз – сюйген джерде, къол – ауругъан джерде.
Къулакъдан эсе, кёзге ышан.
Джырчы ёлсе, джыры къалыр.
Адамны адамлыгъы къыйынлыкъда айгъакъланады.
Къолу уллу – асыу, аягъы уллу – джарсыу.
Окъугъанны бети джарыкъ.
Кюл тюбюндеги от кёрюнмейди.
Къобан да къуру да къобханлай турмайды, адам да къуру да патчахлай турмайды.
Терслик кетер, тюзлюк джетер.
Ачылгъан эт джабылыр, кёрген кёз унутмаз.
Тыш элде солтан болгъандан эсе, кесинги элде олтан болгъан игиди!
Урама да – ёледи, сатама да – келеди.
Аманнга алтын чыдамаз.
Игиге айтсанг – билир, аманнга айтсанг – кюлюр.
Адебсиз адам – джюгенсиз ат.
Уллу къашыкъ эрин джыртар.
Джарлы эскисин джамаса, къууаныр.
Къыйынлы джети элге оноу этер.
Эте билген, этген этеди, эте билмеген, юретген этеди!
Ишни аллы бла къууанма да, арты бла къууан.
Байлыкъ келсе, акъыл кетер.
Бети – къучакълар, джюреги – бычакълар.
Ётюрюк хапар аякъ тюбю бла джюрюйдю.
Эм уллу байлыкъ – джан саулукъ.
Бойнуму джети джерден кессенг да, мен ол ишни этеллик тюлме.
Чабар ат – джетген къыз.
Ашлыкъны арба юйге келтирир, чана базаргъа элтир.
Аман хансны – урлугъу кёб.
Ким бла джюрюсенг, аны кёзю бла кёрюнюрсе.
Хансыз джомакъ болмаз.
Адеб базарда сатылмаз.
Игини сыйлагъан адетди.
Тура эдим джата, къайдан чыкъды хата?
Джангыз терек къынгыр ёсер.
Адамны бетине къарама, адетине къара.

Логин:	Регистрация

Пароль:	Забыли пароль?

Запомнить меня

Аудио

Байчеккуев А

Скачать

Адрес