Аудио :: Аудио:: Байчеккуев А

Юй кюйдю да, кюйюз чыкъды, ортасындан тюйюш чыкъды.
Бети бедерден, намыс сакълама.
Ачыу алгъа келсе, акъыл артха къалады.
Къыз чыгъаргъан – къызыл къымжа.
Аман адамны тепсинге олтуртсанг, къызынгы тилер.
«Ма», - дегенни билмесенг, «бер», - дегенни билмезсе.
Чакъырылмай келген къонакъ сыйланмай кетер.
Тилчиден кери бол.
Джюрек кёзден алгъа кёрюр.
Бир абыннган – минг сюрюнюр.
Байлыкъ келсе, акъыл кетер.
Байдан умут эте, джарлыдан ёгюз багъасы къорады.
Ашхы болсанг, атынг чыгъар, аман болсанг, джанынг чыгъар.
Атынг аманнга чыкъгъандан эсе, джанынг тамагъынгдан чыкъсын.
Босагъа таш юйге кирмей эди, тыбыр таш эшикге чыкъмай эди.
Аш хазыр болса, иш харам болур.
Биреуню тёрюнден, кесинги эшик артынг игиди.
Ат да турмайды бир териде.
Суугъа – чабакъ, къаягъа – ыргъакъ.
Байма, деб да, къууанма, джарлыма, деб да, джылама.
Тынгылагъан тынгы бузар.
Билгенни къолу къарны джандырыр.
Ичимден чыкъды хата, къайры барайым сата?
Ёксюзню къалачы уллу кёрюнюр.
Къолу уллу – асыу, аягъы уллу – джарсыу.
Келинни – келгинчи, бёркню кийгинчи кёр.
Сёз къанатсыз учар.
Сабыр джетер муратха, сабырсыз къалыр уятха.
Къошда джокъгъа – юлюш джокъ.
Керти сёзге тёре джокъ.
Кёбден умут этиб, аздан къуру къалма.
Джукъу тёшек сайламайды.
Ойнай билмеген, оюн бузар.
Ач къалгъандан, кеч къалгъан къолай.
Тойгъан джерден туугъан джер игиди.
Билеги кючлю, бирни джыгъар, билими кючлю, мингни джыгъар.
Чомарт джарлы болмаз.
Келлик заман – къартлыкъ келтирир, кетген заман – джашлыкъ ёлтюрюр.
Къартны бурнун сюрт да, оноугъа тут.
Ушамагъан – джукъмаз.
Къарыусузгъа кюлме, онгсузгъа тийме.
Сабийликде юретмесенг, уллу болса – тюзелмез.
Айтхан сёзюне табылгъан.
Ариу сёзде ауруу джокъ.
Биреу ашаб къутулур, биреу джалаб тутулур.
Дуния мал дунияда къалады.
Адам къыйынлыгъын кёлтюрюр, зауукълугъун кёлтюрмез.
Кесинге джетмегенни, кёб сёлешме.
Аз сёлеш, кёб ишле.
Аурууну келиую тынч, кетиую – къыйын.

Логин:	Регистрация

Пароль:	Забыли пароль?

Запомнить меня

Аудио

Байчеккуев А

Скачать

Адрес