Аудио :: Аудио:: Боташев Н

Кесине оноу эте билмеген, халкъына да эте билмез.
Алма терегинден кери кетмез.
Къыз чыгъаргъан – къызыл къымжа.
Сабыр джетер муратха, сабырсыз къалыр уятха.
Сакъламагъан затынга джолукъсанг, не бек къууанаса, не бек ачыйса.
Ёксюзню къалачы уллу кёрюнюр.
Къайтырыкъ эшигинги, къаты уруб чыкъма.
Къарнынг къанлынга кийирир.
Джюрекден джюрекге джол барды.
Тойгъанлыкъ къойгъа джарашады.
Аш иеси бла татлыды.
Адебсиз адам – джюгенсиз ат.
Ёлген эшек бёрюден къоркъмайды.
Бозаны арты дауур болур.
Ач, тоймам, дейди, тойгъан, ач болмам, дейди.
Эринчекге кюн узун.
Башда акъыл болмаса, эки аякъгъа кюч джетер.
Джангызны оту джарыкъ джанмаз!
Мураты болгъанны джюрек тебюую башхады.
Биреуге аманлыкъны тилеме да, кесинге ашхылыкъны тиле.
Байлыкъ тауусулур, билим тауусулмаз.
Ойнай билмеген, оюн бузар.
Аууздан келген, къолдан келсе, ким да патчах болур эди.
Кёбге таш атма.
Байлыкъ адамны сокъур этер.
Ачлыкъ отха секиртир.
Къонагъынгы артмагъын алма да, алгъышын ал.
Бал – татлы, балдан да бала – татлы.
Суу ичген шауданынга тюкюрме.
Ач къарным, тынч къулагъым.
Чомарт бергенин айтмаз.
Сагъышы джокъ – джукъучу, акъылы джокъ – къаугъачы.
Юреннген ауруу къалмаз.
Айтханы чапыракъдан ётмеген.
Окъугъанны бети джарыкъ.
Байлыкъдан саулукъ ашхыды.
Кёпюр салгъан кеси ётер, уру къазгъан кеси кетер.
Ариу – кёзге, акъыл – джюрекге.
Къызын тута билмеген, тул этер, джашын тута билмеген, къул этер.
Джолда аягъынга сакъ бол, ушакъда тилинге сакъ бол.
Ёлюк кебинсиз къалмаз.
Эр сокъур болсун, къатын тилсиз болсун.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Сакъалы текени да бар, мыйыгъы киштикни да бар.
Къолу уллу – асыу, аягъы уллу – джарсыу.
Аз айтсам, кёб ангылагъыз.
Таукелге нюр джауар.
Айырылгъанланы айю ашар, бёлюннгенлени бёрю ашар.
Босагъагъа джууукъ орун болса, ашыгъыб тёрге озма.
Кёбден умут этиб, аздан къуру къалма.

Логин:	Регистрация

Пароль:	Забыли пароль?

Запомнить меня

Аудио

Боташев Н

Скачать

Адрес