Аудио :: Аудио:: Детские

Къайтырыкъ эшигинги, къаты уруб чыкъма.
Джиби бир къат джетмей эди да, эки къат тарта эди.
Джукъу тёшек сайламайды.
Азыкъ аз болса, эртде орун сал.
Къатын байлыкъны сюер, эр саулукъну сюер.
Къатын къылыкъсыз, эр тынчлыкъсыз.
Атынг аманнга чыкъгъандан эсе, джанынг тамагъынгдан чыкъсын.
Кёл – къызбай, къол – батыр.
Уллу сёзде уят джокъ.
Кийимни бир кюнню аясанг, минг кюннге джарар.
Билмезни кёзю кёрмез, этмезни къулагъы эшитмез.
Ёлген аслан – сау чычхан.
Ургъан суудан башынгы сакъла.
Соргъан айыб тюлдю, билмеген айыбды.
Элде адам къалмаса, ит тахтагъа минер.
Чомартны къолу берекет.
Акъыллы башны – тили къысха.
Байма, деб да, къууанма, джарлыма, деб да, джылама.
Тёрени джагъы джокъ.
Булут кёкге джарашыу, уят бетге джарашыу.
Къонакъ аман болса, къонакъбай джунчур
Суу да къайтады чыкъгъан джерине.
Уллу атлама – абынырса, уллу къабма – къарылырса.
Босагъа таш юйге кирмей эди, тыбыр таш эшикге чыкъмай эди.
Таш бла ургъанны, аш бла ур.
Къатыны харакетли болса, эри къымсыз болур.
Джетген къыз джерли эшекни танымаз.
Сабий болмагъан джерде, мёлек болмаз.
Хазыр ашха – терен къашыкъ.
Сескекли кесин билдирир.
Джырына кёре эжиую.
Игиге айтсанг – билир, аманнга айтсанг – кюлюр.
Элиб деген, элге болушур.
Арпа, будай – ащды, алтын, кюмюш а – ташды.
Баргъанынга кёре болур келгенинг.
Хар ишни да аллы къыйынды.
Насыб бютеу халкъны юлюшюдю.
Тойгъа барсанг, тоюб бар, эски тонунгу къоюб бар.
Ауругъан – джашаудан умутчу.
Чакъырылмай келген къонакъ сыйланмай кетер.
Окъумагъан сокъурду, сокъур ташха абыныр!
Хар зат кесини орнуна иги.
Иги бла джюрюсенг, джетерсе муратынга, аман бла джюрюсенг, къалырса уятха.
Эки ойлашыб, бир сёлешген.
Ётген ёмюр – акъгъан суу.
Айырылгъанланы айю ашар, бёлюннгенлени бёрю ашар.
Кёб джашагъан – кёб билир.
Кюн кёрмеген, кюн кёрсе, кюндюз чыракъ джандырыр.
Бал ашаргъа сюе эсенг, чибин ургъаннга тёз.
Юйюнгден чыкъдынг – кюнюнгден чыкъдынг.

Логин:	Регистрация

Пароль:	Забыли пароль?

Запомнить меня

Аудио

Детские

Скачать

Адрес