Аудио :: Аудио:: Инструментальная музыка

Таш бла ургъанны, аш бла ур.
Тура эдим джата, къайдан чыкъды хата?
Къан бла кирген, джан бла чыгъар.
Уллу суу бла уллу ауруудан башынгы сакъла.
Керти сёзге тёре джокъ.
Чыбыкълыкъда бюгюлмеген, къазыкълыкъда бюгюлмей эди.
Къая джолда джортма, ачыкъ сёзден къоркъма.
Ургъан суудан башынгы сакъла.
Уллу къашыкъ эрин джыртар.
Тас болгъан бычакъны сабы – алтын.
Сабийни джумушха джибер да, ызындан бар.
Аз сёлеш, кёб ишле.
Башсыз урчукъ тюзюне айланмаз.
Ачлыкъда тары гырджын халыуадан татлы.
Эски джаугъа ышанма.
Тойгъанлыкъ къойгъа джарашады.
Ханы къызы буюгъа-буюгъа киштик болду.
Бир абыннган – минг сюрюнюр.
Сабий болмагъан джерде, мёлек болмаз.
Окъдан джара эртде-кеч болса да бителир, сёз джара, ёмюрге къалыр.
Ариу сёз джыланны орнундан чыгъарыр.
Биреуню къыйынлыгъы бла кесинге джол ишлеме.
Къарыусузгъа кюлме, онгсузгъа тийме.
Бетинги сатма, малынгы сат.
Ата Джуртча джер болмаз, туугъан элча эл болмаз.
Этим кетсе да, сюегим къалыр.
Джашны джигитлиги сорулур, къызны джигерлиги сорулур.
Алгъанда – джууукъ, бергенде – джау.
Джырына кёре эжиую.
Джыланны къуйругъундан басарынг келсе, аны башы болгъанын унутма.
Халкъгъа джарагъан, джарлы къалмаз.
Байма, деб да, къууанма, джарлыма, деб да, джылама.
Тешигини къатында, чычхан да батыр болур.
Ишни аллы бла къууанма да, арты бла къууан.
Эм уллу байлыкъ – джан саулукъ.
Мени джылытмагъан кюн, меннге тиймесин!
Акъыл сабырлыкъ берир.
Кюл тюбюндеги от кёрюнмейди.
Мухардан ач ычхынмаз.
Сакъ юйюне сау барыр.
Билеги кючлю, бирни джыгъар, билими кючлю, мингни джыгъар.
Адеб джокъда, намыс джокъ.
Тёгюлген тюгел джыйылмайды.
Бичгенде ашыкъма, тикгенде ашыкъ.
Сёз – кюмюш, джыр – алтын.
Байлыкъ келсе, акъыл кетер.
Туз, гырджын аша, тюзлюк бла джаша.
Джетген къыз джерли эшекни танымаз.
Иги джашны ышаны – аз сёлешиб, кёб тынгылар.
Адамны бетине къарама, адетине къара.

Логин:	Регистрация

Пароль:	Забыли пароль?

Запомнить меня

Аудио

Инструментальная музыка

Скачать

Адрес