Песен: 3 Создан:
06.05.2015 Обновлен:
06.05.2015
| 10 Сентября | 2026 года |
Навигация
- Биреуге аманлыкъ этиб, кесинге игилик табмазса.
- Къазанны башы ачыкъ болса, итге уят керекди.
- Ариу сёз аурууунгу алыр.
- Къызны минг тилер, бир алыр.
- Рысхы джалгъанды: келген да этер, кетген да этер.
- Берекет берсин деген джерде, берекет болур.
- Нафысынгы айтханын этме, намысынгы айтханын эт.
- Бюгюн дуния кибик, тамбла ахыратды.
- Ана къолу ачытмаз.
- Эски джаугъа ышанма.
- Къумурсхала джыйылсала, пилни да джыгъадыла.
- Биреу къой излей, биреу той излей.
- Адамны аты башхача, акъылы да башхады.
- Ётген ёмюр – акъгъан суу.
- Джырчы джырчыгъа – къарнаш.
- Къоркъакъны кёзю экили кёрюр.
- Ашда уялгъан – мухар, ишде уялгъан – хомух.
- Рысхы – насыбха къор.
- Ёзденликни джайгъан – джокълукъ.
- Гугурук къычырмаса да, тангны атары къалмаз.
- Джарашыу сюйген – джалынчакъ.
- Кийимни бир кюнню аясанг, минг кюннге джарар.
- Ким бла джюрюсенг, аны кёзю бла кёрюнюрсе.
- Юре билмеген ит, къонакъ келтирир.
- Къыйынлы джети элге оноу этер.
- Чакъырылмагъан къонакъ тёрге атламаз.
- Биреуню тёрюнден, кесинги эшик артынг игиди.
- Тойгъа алгъа да барма, тойда артха да къалма.
- Джюрекден джюрекге джол барды.
- Артына баргъанны, къатына барма.
- Бозаны арты дауур болур.
- Атынг аманнга чыкъгъандан эсе, джанынг тамагъынгдан чыкъсын.
- Ач уят къоймаз.
- Ач – эснер, ат – кишнер.
- Къатын къылыкъсыз, эр тынчлыкъсыз.
- Джангыз торгъай джырламаз.
- Насыблы элин сюер, насыбсыз кесин сюер.
- Къонакъ хазыр болгъанлыкъгъа, къонакъбай хазыр тюлдю.
- Сабий кёргенин унутмаз.
- Итли къонакъ джарашмаз.
- Алтыда кюлмеген, алтмышда кюлмез.
- Айран тёгюлсе, джугъусу къалыр.
- Башы ишлегенни, ауузу да ишлер.
- Тил – миллетни джаны.
- Айырылмаз джууугъунга, унутмаз сёзню айтма.
- Билген билмегенни юретген адетди.
- Аман эсирсе, юйюн ояр.
- Эки къатын алгъанны къулагъы тынгнгаймаз.
- Джаралыны джастыгъында сау ёлюр.
- Джолунга кёре – джюрюшюнг, джагъанга кёре – юлюшюнг.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
