Песен: 1 Создан:
06.05.2015 Обновлен:
06.05.2015
| 19 Июля | 2026 года |
Навигация
- Гырджын – тепсини тамадасы.
- Аджалсыз ёлюм болмаз.
- Термилгенинги табмазса, кюлгенинге тюберсе.
- Баланы адам этген анады.
- Джарлыны тону джаз битер.
- Джылкъыдан – ат чыгъар, тукъумдан – джаш чыгъар.
- Айран тёгюлсе, джугъусу къалыр.
- Атадан ёксюз – бир ёксюз, анадан ёксюз – эки ёксюз.
- Эринчекни аурууу – кёб.
- Хантына кёре тузу, юйюне кёре къызы.
- Сакъламагъан затынга джолукъсанг, не бек къууанаса, не бек ачыйса.
- Келинин тута билмеген, къул этер, къызын тута билмеген, тул этер.
- Келлик заман – къартлыкъ келтирир, кетген заман – джашлыкъ ёлтюрюр.
- Джаз бир кюнню джатсанг, къыш талай кюнню абынырса.
- Кёб джашагъан – кёб билир.
- Тура эдим джата, къайдан чыкъды хата?
- Биреуге кёлтюрген таягъынг, кесинги башынга урур.
- Ашда – бёрю, ишде – ёлю.
- Нарт сёз – тилни бети.
- Сагъышы джокъ – джукъучу, акъылы джокъ – къаугъачы.
- Керилген да, ургъан кибикди.
- Джарашыу сюйген – джалынчакъ.
- Къулакъдан эсе, кёзге ышан.
- Мен да «сен», дейме, сен да «кесим», дейсе.
- Чомартны къолун джокълукъ байлар.
- Ата Джуртуму башы болмасам да, босагъасында ташы болайым.
- Юреннген ауруу къалмаз.
- Кёб джат да, бек чаб.
- Арба аугъандан сора, джол кёргюзтюучю кёб болур.
- Тойгъан джерден туугъан джер игиди.
- Тынгылагъан тынгы бузар.
- Гитче джилтин уллу элни джандырыр.
- Акъыллы эркиши атын махтар, акъылсыз эркиши къатынын махтар.
- Хунаны тюбюн къазсанг, юсюнге ауар.
- Дуния малгъа сатылма, кесингден телиге къатылма.
- Хоншуну тауугъу къаз кёрюнюр, келини къыз кёрюнюр.
- Къыз тиширыу кеси юйюнде да къонакъды.
- Сабийликде юретмесенг, уллу болса – тюзелмез.
- Адамгъа аман кюн соруб келмейди.
- Къарнынг къанлынга кийирир.
- Тау башында, тау болмаз, джангыз терек, бау болмаз.
- Башы джабылгъан челекге, кир тюшмез.
- Ариу сёз – къылычдан джити.
- Аманнга игилик этсенг, юйюнге сау бармазса.
- Тойгъан джерге джети къайт.
- Билими азны – ауузунда кирит.
- Тойгъандан сора, ашны сёкме.
- Кёрмегеннге кебек – танг, битмегеннге сакъал – танг.
- Джолунга кёре – джюрюшюнг, джагъанга кёре – юлюшюнг.
- Ёгюзню мюйюзлери ауурлукъ этмейдиле.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
