Аудио :: Аудио:: Карачаева А

Иесиз малны бёрю ашар.
Окъдан джара эртде-кеч болса да бителир, сёз джара, ёмюрге къалыр.
Ойнаб айтсанг да, эслеб айт.
Акъыллы башны – тили къысха.
Чомарт къонакъ юй иесин сыйлар.
Тойчу джашха къарама, къойчу джашха къара.
Аманны къуугъан, аманлыкъ табар.
Сютден ауузу кюйген, суугъа юфгюре эди.
Аман эсирсе, юйюн ояр.
Сормай – алма, чакъырылмай – барма.
Билим – акъылны чырагъы.
Уруну арты – къуру.
Кютгени беш эчки, сызгъыргъаны уа, джерни джарады.
Кеси юйюмде мен да ханма.
Башынга джетмегенни сорма.
Джол бла сёзню къыйыры джокъ.
Ёпкелегенни ашы татлы болады.
Кёзден кетген, кёлден да кетеди.
От этилмеген джерден тютюн чыкъмайды.
Бермеген къол, алмайды.
Ауузу аманнга «иги», деме.
Ариу – кёзге, акъыл – джюрекге.
Тюзню ётмеги тюзде къалса да, тас болмаз.
Окъ къызбайны джокълайды.
Хар сёзню орну барды.
Эте билген, этген этеди, эте билмеген, юретген этеди!
Чыбыкълыкъда бюгюлмеген, къазыкълыкъда бюгюлмей эди.
Хантына кёре тузу, юйюне кёре къызы.
Къыз тиширыу кеси юйюнде да къонакъды.
Эринчекни аурууу – кёб.
Ачыу алгъа келсе, акъыл артха къалады.
Ёксюзню тилеги къабыл болур.
Къуру гыбыт бек дыгъырдар.
Ач келгенни – тойдур, кеч келгенни – къондур.
Къоркъакъны кёзю экили кёрюр.
Къарнынг къанлынга кийирир.
Джан саулукъ бермей, сан саулукъ бермезсе.
Юй ишлеген балта эшикде къалыр.
Мураты болгъанны джюрек тебюую башхады.
Алма терегинден кери кетмез.
Тамчы таш тешер.
Къалгъан ишге къар джауар.
Келлик заман – къартлыкъ келтирир, кетген заман – джашлыкъ ёлтюрюр.
Эркишини аманы тиширыуну джылатыр.
Эки къатын алгъан – эки ташны ортасына башын салгъан.
Халкъны юйю – туугъан джери.
Джырына кёре эжиую.
Суугъа – таянма, джаугъа – ийнанма.
Окъумагъан сокъурду, сокъур ташха абыныр!
Ашаса, ашамаса да, бёрюню ауузу – къан.

Логин:	Регистрация

Пароль:	Забыли пароль?

Запомнить меня

Аудио

Карачаева А

Скачать

Адрес