Аудио :: Аудио:: Козбаева А

Телини эшигин, махтау джабар.
Тюзлюк шохлукъну бегитир.
Арпа, будай – ащды, алтын, кюмюш а – ташды.
Кёбге таш атма.
Тилсиз миллет джокъ болур.
Окъуусуз билим – джокъ, билимсиз кюнюнг – джокъ.
Намыс болмагъан джерде, насыб болмаз.
Чакъырылмай келген къонакъ сыйланмай кетер.
Ашхы болсанг, атынг чыгъар, аман болсанг, джанынг чыгъар.
Къарнынг бла ёч алма.
Къызгъанчдан ычхыныр, мухардан ычхынмаз.
Таш ата билмеген, башына урур.
Ачлыкъда тары гырджын халыуадан татлы.
Джюрекден джюрекге джол барды.
Иги болса, тамадама – махтау, аман болса, меннге – айыб.
Ургъан суудан башынгы сакъла.
Кесине оноу эте билмеген, халкъына да эте билмез.
Урама да – ёледи, сатама да – келеди.
Татлы сёз – балдан татлы.
Окъуу – билимни ачхычы, окъуу – дунияны бачхычы.
Узун джолну барсанг, бюгюн келирсе, къысха джолну барсанг, тамбла келирсе.
Мураты болгъанны джюрек тебюую башхады.
Ашлыкъ – бюртюкден, джюн – тюкден.
Сууда джау джокъ, кёб сёзде магъана джокъ.
Адамны сыфатына къарама, сёзюне къара.
Керек ташны ауурлугъу джокъ.
Уллу суу бла уллу ауруудан башынгы сакъла.
Бёрю да ач къалмасын, эчки да ашалмасын.
Акъыл сабырлыкъ берир.
Билмейме деген – бир сёз
Иесиз малны бёрю ашар.
Адам сёзге тынгыла, акъыл сёзню ангыла.
Юй кюйдю да, кюйюз чыкъды, ортасындан тюйюш чыкъды.
Ушамагъан – джукъмаз.
Ач – эснер, ат – кишнер.
Алим болгъандан эсе, адам болгъан къыйынды.
Джаралыны джастыгъында сау ёлюр.
Къарнынг къанлынга кийирир.
Уллу сёлешме да, уллу къаб.
Аджашхан тёгерек айланыр.
Уруну арты – къуру.
Ариу – кёзге, акъыл – джюрекге.
Алтыннга тот къонмаз.
Джылар джаш, атасыны сакъалы бла ойнар.
Тас болгъан бычакъны сабы – алтын.
Ашына кёре табагъы, балына кёре къалагъы.
Шайтан алдады, тюзлюк къаргъады.
Аджаллыгъа окъсуз шкок атылыр.
Мал кёб болса, джууукъ кёб болур.
Мухарны эси – ашарыкъда.

Логин:	Регистрация

Пароль:	Забыли пароль?

Запомнить меня

Аудио

Козбаева А

Скачать

Адрес