Песен: 2 Создан:
06.05.2015 Обновлен:
06.05.2015
| 19 Июля | 2026 года |
Навигация
- Джарлы эскисин джамаса, къууаныр.
- Адеб базарда сатылмаз.
- Кесинг сынамагъан затны, адамгъа буюрма.
- Кёзден кетген, кёлден да кетеди.
- Ёгюзню мюйюзлери ауурлукъ этмейдиле.
- Хата – гитчеден.
- Ашда – бёрю, ишде – ёлю.
- Бичгенде ашыкъма, тикгенде ашыкъ.
- Кирсизни – саны таза, халалны – къаны таза.
- Аякъларынгы джууургъанынга кёре узат.
- Сакъ юйюне сау барыр.
- Намыс болмагъан джерде, насыб болмаз.
- Окъуу – билимни ачхычы, окъуу – дунияны бачхычы.
- Билимли ёлмез, билимсиз кёрмез.
- Ариу сёз – джаннга азыкъ, аман сёз – башха къазыкъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Аууздан келген, къолдан келсе, ким да патчах болур эди.
- Ишлегенде эринме, ишде чолакъ кёрюнме.
- Аманны эки битли тону болур, бирин сеннге кийдирир, бирин кеси киер.
- Къууут – джелге, берне – бошха.
- Къатыны харакетли болса, эри къымсыз болур.
- Ышармагъан – кюлмез, кюлмеген – къууанчны билмез.
- Билими азны – ауузунда кирит.
- Аз сёлеш, кёб ишле.
- Гугук кесини атын айтыб къычыргъанча, мен, мен деб нек тураса?
- Ашарыкъда сайлагъаннга – чий гырджын.
- Чалманны аллы къалай башланса, арты да алай барады.
- Сютню башын джалагъан къутулур, тюбюн ичген тутулур.
- Къонакъ кёб келюучю юйню, къазаны отдан тюшмез.
- Тамбла алтындан бюгюн багъыр ашхы.
- Ашхы – джыяр, аман – джояр.
- Ушамагъан – джукъмаз.
- Бек ашыкъгъан меннге джетсин, дегенди аракъы.
- Тойгъан антын унутур.
- Юре билмеген ит, къонакъ келтирир.
- Атадан ёксюз – бир ёксюз, анадан ёксюз – эки ёксюз.
- Иги сеники эсе да, сюйген кесимикин этеме.
- Айранын берсенг, челегин да къызгъанма.
- Телиге от эт десенг, юйюнге от салыр.
- Борчунг бар эсе, хурджунунга ойлаб узал.
- Эринчекни аурууу – кёб.
- Минг тенг да азды, бир джау да кёбдю.
- Ашхы болсанг, атынг чыгъар, аман болсанг, джанынг чыгъар.
- Кюн кёрмеген, кюн кёрсе, кюндюз чыракъ джандырыр.
- Кийим тукъум сордурур.
- «Ма», - дегенни билмесенг, «бер», - дегенни билмезсе.
- Садакъачыны джаны – къапчыгъында.
- Биреу къой излей, биреу той излей.
- Айтылгъан буйрукъ, сёгюлмез
- Чабакъсыз кёлге къармакъ салгъанлыкъгъа, чабакъ тутмазса.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
