Аудио :: Аудио:: Народные мелодии

Акъыл неден да кючлюдю.
Намыс сатылыб алынмайды.
Кёл – къызбай, къол – батыр.
«Ёгюз, джаргъа джууукъ барма, меннге джюк боллукъса», - дегенди эшек.
Ёпкелегенни ашы татлы болады.
Тёрени джагъы джокъ.
Чомартны къолу берекет.
Эте билген, этген этеди, эте билмеген, юретген этеди!
Ач отунчуну ачыуу – бурнунда.
Ёлген аслан – сау чычхан.
Сабий болмагъан джерде, мёлек болмаз.
Джаным-тиним – окъуу, билим.
Иги – алгъыш этер, аман – къаргъыш этер.
Адеб этмеген, адеб кёрмез.
Арба аугъандан сора, джол кёргюзтюучю кёб болур.
Чомарт бергенин айтмаз.
Таукел адам тау тешер.
Мухарны эси – ашарыкъда.
Халкъгъа джарагъан, джарлы къалмаз.
Байлыкъ келсе, акъыл кетер.
Кесинг сынамагъан затны, адамгъа буюрма.
Алма терегинден кери кетмез.
Мал ёлсе, сюек къалыр, адам ёлсе, иши къалыр.
Босагъа таш юйге кирмей эди, тыбыр таш эшикге чыкъмай эди.
Аллахдан тилесенг, кёб тиле.
Ишлегенде эринме, ишде чолакъ кёрюнме.
Аз сёлеш, кёб ишле.
Ауругъанны сау билмез, ач къарынны токъ билмез.
Ашыкъгъанны этеги бутуна чырмалыр.
Алтыда кюлмеген, алтмышда кюлмез.
Адеб джокъда, намыс джокъ.
Кийиминг бла танылма, адамлыкъ бла таныл.
Бети бедерден, намыс сакълама.
Уллу сёлешме да, уллу къаб.
Ауурну тюбю бла, дженгилни башы бла джюрюген.
Кёзюнде тереги болгъан, чёбю болгъаннга кюле эди.
Эллинг бла джау болсанг да, юйюнг бла джау болма.
Эринчекни аурууу – кёб.
Джуртун къоругъан озар.
Тилчи бир сагъатха айлыкъ хата этер.
Тойгъан джерге джети къайт.
Этим кетсе да, сюегим къалыр.
Ариу сёз джыланны орнундан чыгъарыр.
Аджашханны ызындагъы кёреди, джангылгъанны джанындагъы биледи.
Нарт сёз къарт болмаз.
Ата – баланы уясы.
Хоншуну тауугъу къаз кёрюнюр, келини къыз кёрюнюр.
Тешик этген тынчды, аны джамагъан къыйынды.
Туз, гырджын аша, тюзлюк бла джаша.
Бичгенде ашыкъма, тикгенде ашыкъ.

Логин:	Регистрация

Пароль:	Забыли пароль?

Запомнить меня

Аудио

Народные мелодии

Скачать

Адрес