Аудио :: Аудио:: Отаров О

Ач къарынны, токъ билмез
Чомартха хар кюн да байрамды.
Иги адам абынса да, джангылмаз.
Бал чибинни ургъаны – ачы, балы – татлы.
Ач къарным, тынч къулагъым.
Ашхы тенг джолгъа салыр, аман тенг джолдан тайдырыр.
Насыблы элин сюер, насыбсыз кесин сюер.
Иги адамны бир сёзю эки болмаз.
Ачыу алгъа келсе, акъыл артха къалады.
Къонакъ аз олтурур, кёб сынар.
Кютгени беш эчки, сызгъыргъаны уа, джерни джарады.
Джерни букъусу кёкге къонмаз.
Аманны эки битли тону болур, бирин сеннге кийдирир, бирин кеси киер.
Чомарт къолда мал къалмаз.
Борчунг бар эсе, хурджунунга ойлаб узал.
Сагъыш – къартлыкъгъа сюйюмчю.
Джарлыны эшигин махтагъан джабар.
Джюрек кёзден алгъа кёрюр.
Гугук кесини атын айтыб къычыргъанча, мен, мен деб нек тураса?
Джангыз торгъай джырламаз.
Урама да – ёледи, сатама да – келеди.
Тойчу джашха къарама, къойчу джашха къара.
Бермеген къол, алмайды.
Къарын къуру болса, джюрек уру болур.
Иги бла джюрюсенг, джетерсе муратынга, аман бла джюрюсенг, къалырса уятха.
Ушамагъан – джукъмаз.
Джаш болсун, къыз болсун, акъылы, саны тюз болсун.
Эшекге миннген – биринчи айыб, андан джыгъылгъан – экинчи айыб.
Сабий кёргенин унутмаз.
Ариу сёз – джаннга азыкъ, аман сёз – башха къазыкъ.
Баланы адам этген анады.
Джахил болса анасы, не билликди баласы?
Келгинчи, къонакъ уялыр, келгенден сора, къонакъбай уялыр.
Эм ашхы къайын ана мамукъ бла башынгы тешер.
Къарнынг бла ёч алма.
Джаш къарыу бла кючлю, къарт акъыл бла кючлю.
Къая джолда джортма, ачыкъ сёзден къоркъма.
Ашхы сёз таш тешер.
Тил джюрекге джол ишлейди.
Душманны тышы – акъ, ичи – къара.
Джаханимни кёрмей, джандетге кёл салмазса.
Чалманны аллы къалай башланса, арты да алай барады.
Къарыусузгъа кюлме, онгсузгъа тийме.
Джангыз терек къынгыр ёсер.
Керти сёзге тёре джокъ.
Къолу уллу – асыу, аягъы уллу – джарсыу.
Айтылгъан сёз ызына къайтмаз.
Къыз чыгъаргъан – къызыл къымжа.
Къаллай салам берсенг, аллай джууаб алырса.
Иесиз малны бёрю ашар.

Логин:	Регистрация

Пароль:	Забыли пароль?

Запомнить меня

Аудио

Отаров О

Скачать

Адрес