Аудио :: Аудио:: Тамбиев

Чакъырылмагъан джерге барма, чакъырылгъан джерден къалма.
Эл ауузу – элия.
Нарт сёз – тилни бети.
Адебсиз адам – джюгенсиз ат.
Аз сёлеш, кёб ишле.
Къарнынг къанлынга кийирир.
Кесине гебен этелмеген, биреуге черен эте эди.
Аджашхан тёгерек айланыр.
Айранын берсенг, челегин да къызгъанма.
Тешик этген тынчды, аны джамагъан къыйынды.
Кийимни бичсенг, кенг бич, тар этген къыйын тюлдю.
Эртде тургъан бла эртде юйленнген сокъуранмаз.
Чомартха Тейри да борчлуду.
Джерни букъусу кёкге къонмаз.
Джарлы эскисин джамаса, къууаныр.
Арбаз сайлама да, хоншу сайла.
Айырылмаз джууугъунга, унутмаз сёзню айтма.
Къонагъы джокъну – шоху джокъ.
Бал ашаргъа сюе эсенг, чибин ургъаннга тёз.
Бойнуму джети джерден кессенг да, мен ол ишни этеллик тюлме.
Башланнган иш битер, къымылдагъан тиш тюшер.
Асхат ашлыкъ сата, юйдегиси ачдан къата.
Сууда джау джокъ, кёб сёзде магъана джокъ.
Адамны сабийин сюйген джюреги, бычакъча, джитиди.
Джюрек кёзден алгъа кёрюр.
Къарын къуру болса, джюрек уру болур.
Джюз элде джюз ёгюзюм болгъандан эсе, джюз джууугъум болсун.
Адамны адамлыгъы къыйынлыкъда айгъакъланады.
Мен да «сен», дейме, сен да «кесим», дейсе.
Сабий кёргенин унутмаз.
Таукел адам тау тешер.
Джырына кёре эжиую.
Игини сыйлагъан адетди.
Соргъан айыб тюлдю, билмеген айыбды.
Ауузу бла къуш тута айланады.
Ариуну – ауруу кёб.
Ишленмеген джаш – джюгенсиз ат, ишленмеген къыз – тузсуз хант.
Ишин билген, аны сыйын чыгъарады.
Эринчекни аурууу – кёб.
Джюрекге ариу – кёзге да ариу.
Джырчы ёлсе, джыры къалыр.
Джан саулукъ бермей, сан саулукъ бермезсе.
Джолда аягъынга сакъ бол, ушакъда тилинге сакъ бол.
Къанны къан бла джуума, аманны аман бла къуума.
Адеб базарда сатылмаз.
Къызны минг тилер, бир алыр.
Тойгъа алгъа да барма, тойда артха да къалма.
Билмезни кёзю кёрмез, этмезни къулагъы эшитмез.
Къонагъынгы артмагъын алма да, алгъышын ал.
Джашда акъыл джокъ, къартда къарыу джокъ.

Логин:	Регистрация

Пароль:	Забыли пароль?

Запомнить меня

Аудио

Тамбиев

Скачать

Адрес