Песен: 5 Создан:
06.05.2015 Обновлен:
06.05.2015
| 10 Сентября | 2026 года |
Навигация
- Ёлген аслан – сау чычхан.
- Оюмсуз атлагъан, аджалсыз ёлюр.
- Билгенни къолу къарны джандырыр.
- Чакъырылмагъан джерге барма, чакъырылгъан джерден къалма.
- Башсыз урчукъ тюзюне айланмаз.
- Биреу къой излей, биреу той излей.
- Адамны бетине къарама, адетине къара.
- Ач келгенни – тойдур, кеч келгенни – къондур.
- Уруну арты – къуру.
- Эртде тургъан джылкъычыны эркек аты тай табар.
- Ауузу аманнга «иги», деме.
- Бек анасы джыламаз.
- Адамны аманы адамны бети бла ойнар.
- Намыс сатылыб алынмайды.
- Эшекни не къадар тюйсенг да, ат болмаз.
- Къыйынлы джети элни къайгъысын этер.
- Аманнга игилик этсенг, юйюнге сау бармазса.
- Хата – гитчеден.
- Айранны сюйген, ийнек тутар.
- Сууда джау джокъ, кёб сёзде магъана джокъ.
- Сёз – кюмюш, джыр – алтын.
- Аман киши кеси юйюнде – къонакъ.
- Ишленмеген джаш – джюгенсиз ат, ишленмеген къыз – тузсуз хант.
- Алим болгъандан эсе, адам болгъан къыйынды.
- Ач къарынны, токъ билмез
- Керти сёзге тёре джокъ.
- Кёб джашагъан – кёб билир.
- Хар сёзню орну барды.
- Къарнынг тойгъунчу аша да, белинг талгъынчы ишле.
- Сибиртки да сыйлы болду, кюрек да кюнлю болду.
- Сагъышы джокъ – джукъучу, акъылы джокъ – къаугъачы.
- Нарт сёз – тилни бети.
- Ашхы тенг джолгъа салыр, аман тенг джолдан тайдырыр.
- Биреуге аманлыкъ этиб, кесинге игилик табмазса.
- Акъылсызны джууукъгъа алма, акъыллыны кенгнге салма.
- Ёзденликни джайгъан – джокълукъ.
- Азыкъ аз болса, эртде орун сал.
- Къар – келтирди, суу – элтди.
- Джырчы джырчыгъа – къарнаш.
- Башланнган иш битер, къымылдагъан тиш тюшер.
- Эм ашхы къайын ана мамукъ бла башынгы тешер.
- Акъыллы айтыр эди, акъылсыз къоймайды.
- Баргъанынга кёре болур келгенинг.
- Аш берме да, къаш бер.
- Телиге акъыл салгъандан эсе, ёлгеннге джан салырса.
- Къарнынг къанлынга кийирир.
- Аш иеси бла татлыды.
- Къошда джокъгъа – юлюш джокъ.
- Ёпкелегенни ашы татлы болады.
- Акъдан къара болмаз.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
