Аудио :: Аудио:: Узденов П

Джюрекге ариу – кёзге да ариу.
Адамны джюреги нени кёрюрге сюйсе, кёзю да аны кёрюрге ёч болады.
Джаным-тиним – окъуу, билим.
Урунуу – насыбны анасы.
Келинин тута билмеген, къул этер, къызын тута билмеген, тул этер.
Адеб джокъда, намыс джокъ.
Гыдай эчки суугъа къараб, мюйюзле кёрмесе, джашма алкъын, дегенди.
Аман киши кеси юйюнде – къонакъ.
Джауумдан сора, кюн кюйдюрюр, ётюрюкден сора, айыб кюйдюрюр.
Ашыкъгъан cуу, тенгизге джетмез.
Илму – джашауну джолу.
Ашыкъгъанны этеги бутуна чырмалыр.
Чабакъгъа акъыл, табагъа тюшсе келеди.
Чабар ат – джетген къыз.
Эшекге миннген – биринчи айыб, андан джыгъылгъан – экинчи айыб.
Къарт бла баш аша, джаш бла аякъ аша.
Тилчи тилден къаныкъмаз.
Экиндини кеч къылсанг, чабыб джетер ашхам.
Билмегенинги, билгеннге сор.
Бал чибинни ургъаны – ачы, балы – татлы.
От этилмеген джерден тютюн чыкъмайды.
Ётюрюкчюню шагъаты – къатында.
Ёнгкюч къууана барыр, джылай келир.
Баш – акъыл ючюн, акъылман – халкъ ючюн.
Рысхы – сют юсюнде кёмюк кибикди.
Онгсузну – джакъла, тенгликни – сакъла.
Рысхысына кёре, джаш ёсер, къышлыгъына кёре, мал ёсер.
Тойну къарнашы – харс, джырны къарнашы – эжиу.
Къуллукъчума, деб махтанма, къуллукъ – хаух джамчыды!
Адебни адебсизден юрен.
Ашын ашагъанынгы, башын да сыйла.
Ана – юйню кюн джарыгъы.
Ёлген эшек бёрюден къоркъмайды.
Нарт сёз къарт болмаз.
Юйлю уругъа ит чабмаз.
Билмезни кёзю кёрмез, этмезни къулагъы эшитмез.
Джырчы ёлсе, джыры къалыр.
Тамырсыз терекге таянма – джыгъылырса.
Кёбню кёрген – кёб билир.
Гырджын – тепсини тамадасы.
Джаханимни кёрмей, джандетге кёл салмазса.
Келгинчи, къонакъ уялыр, келгенден сора, къонакъбай уялыр.
Тюкюрюк баш джармаз, налат кёз чыгъармаз!
Джангыз терек къынгыр ёсер.
Ач къарным, тынч къулагъым.
Урама да – ёледи, сатама да – келеди.
Аманнга алтын чыдамаз.
Юй ишлеген балта эшикде къалыр.
Тау башында, тау болмаз, джангыз терек, бау болмаз.
Иги сёз – джаннга азыкъ, аман сёз башха – къазыкъ.

Логин:	Регистрация

Пароль:	Забыли пароль?

Запомнить меня

Аудио

Узденов П

Скачать

Адрес