Аудио :: Аудио:: Узденов Сафар

Къазанчы аман болса, къазаны къайнамаз.
Чакъырылмай келген къонакъ сыйланмай кетер.
Эрине къаргъыш этген къатын, эрнин къабар.
Ачыкъ джюрекге джол – ачыкъ.
Окъугъан озар, окъумагъан тозар.
Башланнган иш битер, къымылдагъан тиш тюшер.
Байны къызы баймакъ болса да, юйде къалмаз!
Юйюнгден чыкъдынг – кюнюнгден чыкъдынг.
Хазыр ашха – терен къашыкъ.
Адамны сабийин сюйген джюреги, бычакъча, джитиди.
Тешик этген тынчды, аны джамагъан къыйынды.
Юре билмеген ит, къонакъ келтирир.
Терслик кетер, тюзлюк джетер.
Эм ашхы къайын ана мамукъ бла башынгы тешер.
Нёгерсизни джолу узун.
Иги джашны ышаны – аз сёлешиб, кёб тынгылар.
Джарлыны тону джаз битер.
Ат да турмайды бир териде.
Къонакъ кёб келюучю юйню, къазаны отдан тюшмез.
Къралынгы – душмандан, башынгы от бла суудан сакъла.
Эл ауузу – элия.
Джахил болса анасы, не билликди баласы?
Минг тенг да азды, бир джау да кёбдю.
Адеб базарда сатылмаз.
Тёрде – темир таякълы, къаяда – чыпчыкъ аякълы.
Эки ойлашыб, бир сёлешген.
Булут кёкге джарашыу, уят бетге джарашыу.
Кюл тюбюндеги от кёрюнмейди.
«Ма», - дегенни билмесенг, «бер», - дегенни билмезсе.
Ач, тоймам, дейди, тойгъан, ач болмам, дейди.
Ана къолу ачытмаз.
Ата Джуртун танымагъан, атасын да танымаз.
Ата джурт – алтын бешик.
Ашхы болсанг, атынг чыгъар, аман болсанг, джанынг чыгъар.
Акъыл неден да кючлюдю.
Айырылгъанланы айю ашар, бёлюннгенлени бёрю ашар.
Тура эдим джата, къайдан чыкъды хата?
Тюзню ётмеги тюзде къалса да, тас болмаз.
Ач – эснер, ат – кишнер.
Бичгенде ашыкъма, тикгенде ашыкъ.
Сёз садакъдан кючлюдю.
Уллу сёзде уят джокъ.
Суугъа – чабакъ, къаягъа – ыргъакъ.
Тойгъан антын унутур.
Чарсда алчыны эл кёреди.
Мал тутхан – май джалар.
Тил бла келеди джыр да.
Магъанасыз сёз – тауушсуз сыбызгъы.
Ишлегенден, къарагъан уста.
Ашхы сёз таш тешер.

Логин:	Регистрация

Пароль:	Забыли пароль?

Запомнить меня

Аудио

Узденов Сафар

Скачать

Адрес