Аудио :: Аудио:: Уртенова Тамара

Ойнай билмеген, оюн бузар.
Босагъа таш юйге кирмей эди, тыбыр таш эшикге чыкъмай эди.
Аджашхан тёгерек айланыр.
Байдан умут эте, джарлыдан ёгюз багъасы къорады.
Тура эдим джата, къайдан чыкъды хата?
Кеси юйюмде мен да ханма.
Ата Джуртуму башы болмасам да, босагъасында ташы болайым.
Тынгылагъан тынгы бузар.
Байлыкъ келсе, акъыл кетер.
Кёб джашагъан – кёб билир.
Зар адамны насыбы болмаз.
Къолунгдан къуймакъ ашатсанг да, атаны борчундан къутулмазса.
Айранны сюйген, ийнек тутар.
Ёпкелегенни ашы татлы болады.
Эринчекни аурууу – кёб.
Юйлю уругъа ит чабмаз.
Эшекге миннген – биринчи айыб, андан джыгъылгъан – экинчи айыб.
Келлик заман – къартлыкъ келтирир, кетген заман – джашлыкъ ёлтюрюр.
Къумурсхала джыйылсала, пилни да джыгъадыла.
Эринчекге кюн узун.
Ётюрюкню къуйругъу – бир тутум.
Суу ичген шауданынга тюкюрме.
Ач да бол, токъ да бол – намысынга бек бол.
Чакъырылмагъан джерге барма, чакъырылгъан джерден къалма.
Тёгюлген тюгел джыйылмайды.
Эринчекни эр алмаз, эр алса да, кёл салмаз, кёл салса да, кёб бармаз!
Тешик этген тынчды, аны джамагъан къыйынды.
Суу кетер, таш къалыр.
Ач къалгъандан, кеч къалгъан къолай.
Биреуню тёрюнден, кесинги эшик артынг игиди.
Баш – акъыл ючюн, акъылман – халкъ ючюн.
Адамгъа аман кюн соруб келмейди.
Эрине къаргъыш этген къатын, эрнин къабар.
Тыш элде солтан болгъандан эсе, кесинги элде олтан болгъан игиди!
Арба аугъандан сора, джол кёргюзтюучю кёб болур.
Ашхы – джыяр, аман – джояр.
Аллахдан тилесенг, кёб тиле.
Ишленмеклик адамлыкъды.
Эр абынмай, эл танымаз.
Ачлыкъда тары гырджын халыуадан татлы.
Адебни адебсизден юрен.
Сагъыш – къартлыкъгъа сюйюмчю.
Ётюрюкден тюбю джокъ, кёлтюрюрге джиби джокъ.
Ойнай билмеген, уруб къачар.
Кесинг сынамагъан затны, адамгъа буюрма.
Джаш болсун, къыз болсун, акъылы, саны тюз болсун.
Сескекли кесин билдирир.
Сютню башын джалагъан къутулур, тюбюн ичген тутулур.
Тели турса – той бузар.
Тенгни тенглиги джашай барсанг билинир.

Логин:	Регистрация

Пароль:	Забыли пароль?

Запомнить меня

Аудио

Уртенова Тамара

Скачать

Адрес