Аудио :: Аудио:: Уртенова Тамара

Чакъырылгъанны аты, чакъырылмагъанны багъасы болур.
Игини сыйлагъан адетди.
Бал ашаргъа сюе эсенг, чибин ургъаннга тёз.
Ауузу аманнга «иги», деме.
Берекет берсин деген джерде, берекет болур.
Адамны бетине къарама, адетине къара.
Абынмазлыкъ аякъ джокъ, джангылмазлыкъ джаякъ джокъ.
Айтханы чапыракъдан ётмеген.
Сакъламагъан затынга джолукъсанг, не бек къууанаса, не бек ачыйса.
Къыз тиширыу кеси юйюнде да къонакъды.
Эки элинги тыйсанг, джети элде махталырса.
Ана къолу ачытмаз.
Айыбны суу бла джууалмазса.
Билимсиз иш бармаз.
Ишлерге уял да, ашаргъа табма.
Булут кёкге джарашыу, уят бетге джарашыу.
Аз сёлеш, кёб ишле.
Шайтан алдады, тюзлюк къаргъады.
Олтуруб кёрюнмей эди да, ёрге туруб кёрюне эди.
Бал – татлы, балдан да бала – татлы.
Ата джурт – алтын бешик.
Хата – гитчеден.
Гырджын – тепсини тамадасы.
Рысхысына кёре, джаш ёсер, къышлыгъына кёре, мал ёсер.
Эрине къаргъыш этген къатын, эрнин къабар.
Билеги кючлю, бирни джыгъар, билими кючлю, мингни джыгъар.
Тилчи бир сагъатха айлыкъ хата этер.
Акъылсызны джууукъгъа алма, акъыллыны кенгнге салма.
Башсыз урчукъ тюзюне айланмаз.
Кёл ашады да, кеси ашады.
Ёгюзню мюйюзлери ауурлукъ этмейдиле.
Чомартны къолун джокълукъ байлар.
Тойчу джашха къарама, къойчу джашха къара.
Адамны аты башхача, акъылы да башхады.
Байны оноуу, джарлыгъа джарамаз.
Сагъыш – къартлыкъгъа сюйюмчю.
Кюн – узун, ёмюр – къысха.
Татлы тилде – сёз ариу, чемер къолда – иш ариу.
Бойнуму джети джерден кессенг да, мен ол ишни этеллик тюлме.
Ата Джуртун танымагъан, атасын да танымаз.
Нёгер болсанг, тенг бол, тенг болмасанг, кенг бол.
Ауругъанны сау билмез, ач къарынны токъ билмез.
Ат басханны джер билед.
Къая джолда джортма, ачыкъ сёзден къоркъма.
Душманны тышы – акъ, ичи – къара.
Байлыкъдан саулукъ ашхыды.
Хар сёзню орну барды.
Юре билмеген ит, къонакъ келтирир.
Айтхан – тынч, этген – къыйын.
Джангызны оту джарыкъ джанмаз!

Логин:	Регистрация

Пароль:	Забыли пароль?

Запомнить меня

Аудио

Уртенова Тамара

Скачать

Адрес