Аудио :: Аудио:: Хапчаева Р

Насыблы элин сюер, насыбсыз кесин сюер.
Ойнай билмеген, уруб къачар.
Хазыр ашха – терен къашыкъ.
Билмезни кёзю кёрмез, этмезни къулагъы эшитмез.
Ата джурт – алтын бешик.
Эркиши – от, тиширыу – суу.
Кёрмегеннге кебек – танг, битмегеннге сакъал – танг.
Нёгерсизни джолу узун.
Байма, деб да, къууанма, джарлыма, деб да, джылама.
Мухардан ач ычхынмаз.
Джангыз торгъай джырламаз.
Олтуруб кёрюнмей эди да, ёрге туруб кёрюне эди.
Рысхы – сют юсюнде кёмюк кибикди.
Аджашхан тёгерек айланыр.
Билимсиз иш бармаз.
Ачлыкъда тары гырджын халыуадан татлы.
Ушамагъан – джукъмаз.
Сескекли кесин билдирир.
Aдам боллукъ, сыфатындан белгили.
Акъыл къартда, джашда тюйюлдю – башдады.
Къазанчы аман болса, къазаны къайнамаз.
Байлыкъ келсе, акъыл кетер.
Аууз сакълагъан – джан сакълар.
Ёлюк кебинсиз къалмаз.
Кийимни бичсенг, кенг бич, тар этген къыйын тюлдю.
Тили узунну, намысы – къысха.
Бети къызарыучу адамны, джюреги харам болмаз.
Орундукъ тюбюнде атылсам да, орта джиликме, де да айлан.
Ачылгъан эт джабылыр, кёрген кёз унутмаз.
Биреуге аманлыкъны тилеме да, кесинге ашхылыкъны тиле.
Болджал ишни бёрю ашар.
Адамны сыфатына къарама, сёзюне къара.
Арбаз сайлама да, хоншу сайла.
Аманнга игилик этсенг, юйюнге сау бармазса.
Байлыкъ болгъан джерде, тынчлыкъ джокъду.
Ёмюрлюк шохлукъну джел элтмез.
Ишлегенде эринме, ишде чолакъ кёрюнме.
Агъач – джерни чырайы, кийим – эрни чырайы.
Суугъа – таянма, джаугъа – ийнанма.
Адамны аманы адамны бети бла ойнар.
Ариу сёз джыланны орнундан чыгъарыр.
Окъугъанны бети джарыкъ.
Эки элинги тыйсанг, джети элде махталырса.
Тюзню ётмеги тюзде къалса да, тас болмаз.
Эр сокъур болсун, къатын тилсиз болсун.
Баш болса, бёрк табылыр.
Чомарт бергенин айтмаз.
Адеби болмагъан къыз – тузсуз хант.
Ишни ахырын ойламай, аллын башлама.
Байлыкъ адамны сокъур этер.

Логин:	Регистрация

Пароль:	Забыли пароль?

Запомнить меня

Аудио

Хапчаева Р

Скачать

Адрес