Песен: 51 Создан:
06.05.2015 Обновлен:
06.05.2015
| 10 Сентября | 2026 года |
Навигация
- Акъыллы эркиши атын махтар, акъылсыз эркиши къатынын махтар.
- Босагъа таш юйге кирмей эди, тыбыр таш эшикге чыкъмай эди.
- Гитче джилтин уллу элни джандырыр.
- Къазанчы аман болса, къазаны къайнамаз.
- Акъыл къартда, джашда тюйюлдю – башдады.
- Ёлген аслан – сау чычхан.
- Джюз элде джюз ёгюзюм болгъандан эсе, джюз джууугъум болсун.
- Джол бла сёзню къыйыры джокъ.
- Тюз сёз баргъан сууну тыяр.
- Экиндини кеч къылсанг, чабыб джетер ашхам.
- Ойнаб айтсанг да, эслеб айт.
- Тин – байлыгъынг, терен саулугъунг.
- Хантына кёре тузу, юйюне кёре къызы.
- Чомартны къолу берекет.
- Кечеси – аяз, кюню – къыш, джарлы къаргъагъа бир аш тюш!
- Мураты болгъанны джюрек тебюую башхады.
- Аз сёлешген, къайгъысыз турур.
- Чакъырылмагъан къонакъ къачан кетерин сормаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Уллу къазанда бишген эт, чий къалмаз.
- Эл бла кёргенинг эрелей.
- Ётюрюкню башын керти кесер.
- Сабийни джумушха джибер да, ызындан бар.
- Эрине къаргъыш этген къатын, эрнин къабар.
- Дууулдаса – бал чибин, къонса – къара чибин.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Болджал ишни бёрю ашар.
- Джарлыны эшигин махтагъан джабар.
- Ата – билек, ана – джюрек!
- Джыланны къуйругъундан басарынг келсе, аны башы болгъанын унутма.
- Мухарны эси – ашарыкъда.
- Гыдай эчки суугъа къараб, мюйюзле кёрмесе, джашма алкъын, дегенди.
- Къарнынг къанлынга кийирир.
- Адамны артындан къара сабан сюрме.
- Чомарт къолда мал къалмаз.
- Ёлюк кебинсиз къалмаз.
- Орундукъ тюбюнде атылсам да, орта джиликме, де да айлан.
- Сёз сёзню айтдырыр.
- Аллахха ийнаннган кишини, Аллах онгдурур ишин.
- Ауругъанны сау билмез, ач къарынны токъ билмез.
- Джюрекге ариу – кёзге да ариу.
- Орну джокъну – сыйы джокъ.
- Ёнгкюч къууана барыр, джылай келир.
- Хунаны тюбюн къазсанг, юсюнге ауар.
- Ата Джуртуму башы болмасам да, босагъасында ташы болайым.
- Кёлю джокъну – джолу джокъ.
- Мен да «сен», дейме, сен да «кесим», дейсе.
- Ёксюзню къалачы уллу кёрюнюр.
- Байма, деб да, къууанма, джарлыма, деб да, джылама.
- Тёрени джагъы джокъ.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
